الموضوع: العمر الافتراضي لطفاية الحريق في المرور

المشاركة الأصلية كتبت بواسطة misoalex

يا جماعه بتوع المرور دول بياخدو نسبه او عموله على الطفايات اللى بيبيعوها عشان كده بيدبسك فى طفايه جديده

الحل انك تاخد الطفايه بتاعتك الغير صالحه وتطلع على اداره الاطفاء والحريق المدنى (مش متأكد من الاسم بالظبط ) اللى هى اداره المطافى الرئيسيه ودى فيها مركذ خدمه الطفايات تبع وزاره الداخليه وظابط اللى بيبقى قاعد هناك
تدخل تقولهم عاوز اجدد الطفايه عشان فحص المرور

حياخد الطفايه ويفضيها ويملاها ويحطلك استيكر بالصلاحيه الجديده ويديك وصل انها صالحه
كل ده ب 10 او 15 جنيه وادى العسكرى اللى حيعملهالك جوز جنيهات

وحترجع للبتاع المرور تانى وطبعا وارد جدا انه يستعبط ويقولك لا مش نافعه برضه
فى الحاله دى ادامك حل من 2
يا تحط صوابعك فى عينه وتعمل مصيبه وتفرج عليه الناس لانك ماشى قانونى وهو اللى بيستعبط
يا تحط 5 او 10 جنيه فى ايده مع الطفايه من سكات عشان ميتكلمش اصلا ويختملك انها صالحه والوصل سليم

انااستخدمت الحل التانى عشان الاولانى منفعش قبل الثوره ايام جبروت العساكر ربنا ينتقم منهم وكان عاوز برضه بعد ما جدتت الطفايه ودفعت 15 جنيه انه يخلينى اشترى طفايه جديده بس هو لما لقانى مصمم انى قانونى قاللى حعملهالك خدمه بس شوف انت بقى الخدمه دى استاهل عليها ايه هههههههههههههههههه عاوز فلوس يعنى :)

لا هو في حل تالت كان نفسي اعملو لمن قالي مش نافعه كان نفسي استعبط. واشيل صباع الامان منها باستعباط وقالو ليه يابيه مش نافعه ليه ماهي شغاله وزي الفل واقوم ززززوووووووو. وبخخخخخخخخخخ وارش اموووو بيها هههههههههههه على الاقل اكون طفيت ناري هههههه

المشاركة الأصلية كتبت بواسطة elawany13

حصلى موقف غريب
أنا كنت شارى العربية فيها طفايه حجمها ظريف ومليانه وزى الفل
ورميها فى الشنطه
بعد فترة طويلة فوجئت ان التيلة اللى محطوطه عليها علشان متشتغلش الا لما اسحبها
لاقيتها مفكوكة
ولاقيتها فاضية تماماً !!!!!

المفروض لما اجدد اشترى طفاية جديده من المرور ولا من بتوع طفايات الحريق ؟
وهل طفاية العربية ليها مقاس معين ولا اى طفاية وخلاص ؟

وايه الأخبار بالنسبة لشنطة الإسعافات الأولية ؟

اه على فكرة بيطلبو منك طفاية حريق جديدة وبيطلبو منك مثلث حريق وشنطة اسعافات زائد ياريس فاتورة الشراء انا جبت المثلث و شنطة اسعافات جربانه كده ب ٧٥ جنية
ولازم توريهم وصل الشراء تبع المرور انك شاريه من عندهم يعني لو شاري من بره مينفعش

واللهي هو ده الي المفروض يحصل ... أنو أي ضبابط يقعد يتمرقع ويقلك مش شغالة تقولوا طيب تيجي نجرب ؟ ههههههههههه وتحطهالو في وش أمو على طول ...

وبعدين يا بوحميد ... ثورة تانيه أيه بس أذا داخل انا عند واحد قاعد على طربيزة فبقولوا هو حضرتك مهندس البيئة ... قالي أيوه هنا بصيت لقيت زمايلو بيهرجو معايه وبيقولوي أيوه هنا البيئة والجغرافايا هنا نخلصلك كل حاجة عاوز فطار تلاقي سلطة تلاقي غدى تلاقي ... هاهاهاها كنت عاوز أقول أيه يا وله خفت الدم دي على الصبح ... مشاء الله وعندكم سلطة كمان ياظرافت أمك على الصبح ... هههههههههههه كان نفسي أرزعو حتت قلم وهو قاعد متعنطز كده جمب مهندس البيئة وموقفني زي التلميذ قدامهم .

وشوية بصيتو لقيتو قلب جدي مرة وحده وبيقول مسي على الباشا مسي على الباشا ... أي تفووووووووووووو عليك وعليه عليه ، زمن مهبب خلا المعفنين أمثلكم بقوو بشوات مرتشين ... قال باشا قال ... مهندس البيئة بقة باشا ياشباب .

أمال أحنا ولاد البلد الي بجد والي عمرنا البلد بفلوسنا وشبابانا وبشقانا نبقى أيه .

هزلت لمن يبقوا خدمينا مرتشين عيني عينك وبيتقال عليهم بشوات ...

بجد بجد أتقهررررررررررت ... مش على العشرين جنيه الي دفعتهالو على الجزمة لأ على كلمة باشا .