انا اتخنقت انهارده اوي نزلت من البيت لاقيت الشبكه اللي قدام بالحرب s مسروقين حاجه تنرفز والله العظيم شكل العربيه بقي وحش اوي من غيرها مش عارف اعمل ايه اجبها منين دي وتعملها كام
اسف ع الازعاج ياجماعه معلش
عرض للطباعة
انا اتخنقت انهارده اوي نزلت من البيت لاقيت الشبكه اللي قدام بالحرب s مسروقين حاجه تنرفز والله العظيم شكل العربيه بقي وحش اوي من غيرها مش عارف اعمل ايه اجبها منين دي وتعملها كام
اسف ع الازعاج ياجماعه معلش
انزل الحرفيين ان شاء الله هتلاقيها استيراد ولكن جديد أعتقد صعب
علي العموم خدلك لفه كويسه هناك و شوفها جديدة او استيراد
ممكن تعمل 100 جنيه تزيد 30 او ممكن 50 حسب الحالة ان شاء الله اتكسرت ولا اتسرقت دى
الحمدلله وقدرالله وماشاء فعل.......سؤال هي الشبكة كانت متثبتة ازاي؟ بمسامير شك و3مسامير من فوق عالصدر الصاج دول كانو راكبين ولا لأ؟ او بمعني اوضح كسرها وهو بيفكها ولقيت اثار كسر بلاستيك عالارض ولا شالها وفكها بسهولة؟....انزل ش دمشق مصرالجديدة وخدلك لفة هناك وان شاء الله تلاقيها
ربنا يعوض عليك
الشبكة استيراد مش اقل من 100 جنيه فعلا
وممكن تزيد
بحد اقصي 150 جنيه علي ما اعتقد
وراجع الموضوع دة
http://www.nilemotors.net/Nile/17265...post3872942280
الشبكة بتعشق في الأكصدام
ومربوطة في الصدر ب3 مسامير
ومن اطرافها ممكن تثبيتها بمسامير شك من تحت فانوس الأشارة
ازاي اتسرقت ؟؟؟؟
اكيد ماكنتش راكبة كويس
والله المستعان
،
،
للتوضيح بس يا هندسة و لباقي الأعضاء
هو عربيته كوردوبا و الموديل اللي بعد عربيتي و دي الجزء اللي هو بيتكلم عليه و ضاع ده مختلف تماما عن اللي انت بتتكلم عليه و كذلك طريقة تثبيته
ده شكل وش عربيته و هو بيتكلم علي الجزء الاسود اللي في منتصفه علامه سيات
http://img833.imageshack.us/img833/2926/39925560.th.jpg
اممم
انا ماجاش في دماغي خالص اشوف عربيته نوعها ايه
وللأسف هو ماقالش نوعها
وانت عارف يا هندسة الDefault هنا الأبيزا 94-99
بصراحة دي مش عارف سعرها كام
بس اعتقد ممكن تكون جديدة اكثر
والله المستعان
،
،
لو فى الابيزا 94 الجديد منها صينى فى الحرفيين ب70 جنيه
والاستيراد بيعمله 160 جنيه نفس لون العربيه بس بيبقى ايطالى او اسبانى
الموديلات الاعلى بصراحه معرفش لانى لسه جايبهم لعريبتى
ربنا يعوض عليك بس خد بالك ان كده ممكن الكبوت يتفتح بسهوله وممكن حاجات تتسرق من العربيه لو امكن تشتريها فى اقرب فرصه لو عرفت تشيل العلامه منها يكون احسن عشان اللى بيسرق بيسرق عشان العلامه فى الاصل وخليها عندك ولو فكرت تبيع تبقى حطها
عندنا بقى العواكس الخلفيه هى اكتر حاجه بنخاف عليها لانها نادره شويتين وسعرها غالى جديد
ربنا يخليكو ياجماعه ان شاء الله انا دورت عليها في المعادي مش لاقيتها وفي صقر قريش هنزل يوم التلات التوفيقيه ولو مش لاقيتها هروح الحرفين ربنا ينتقم من اللي عمل كده وعوضي علي الله
ازيك ياستاذ ايهاب واخبارك يارب تكون تمام وبصحه جيده
كان عندي سؤال معلش وانا عند الميكانيكي قالي انت لازم تغير البطاريه اللي راكبه دي علشان دي سائله وهتبهدلك الدنيا لازم تغيرها بواحده جافه هل الكلام ده صحيح ولا عادي سائله وخلاص ؟
وياريت باقي الاعضاء الكرام يقولولي رايهم بردو
الحمد لله بخير
هو فعلا كلامه صح البطاريات السائلة أوقات بتفور و السائل اللي بينزل منها بياكل دهان العربية و جلفنة الصاج و بيجعله عرضه للصدأ لذلك من الصح انك تركب بطارية جافة و خلي بالك حاول تجيب حاجه محترمة و يكون أمبيرها مناسب للعربية او أعلي يكون أفضل و لكن أقل لأ يعني تجيب 55 او 70 أمبير أعتقد دي المناسبة للعربية
انا شخصيا البطارية عندي سائلة
ومش مسببة أي مشاكل والحمد لله
وعن تجربة طويلة مع البطاريات
اكتشفت ان السائلة احسن طوول مانت مراعيها وواخد بالك منها
الجافة ليها بعض السلبيات
زي ان العربية لو اتركنت اسبوع دة بيأثر جدا علي عمرها الأفتراضي
السائلة هتدي العربية زئقة وانتهي الموضوع
الجافة عمرها الأفتراضي من سنتين ل سنتين ونص بحد اقصي
السائلة من 3 سنين ل 3 سنين ونص
الجافة غالية ومش بتتصلح
السائلة رخيصة وبتمشي عليها حتي لو فيها ربع او ربعين
النهاية
انا بفضل السائلة وبطلت اجيب جافة
والله المستعان
،
،
انا معترض علي معظم الكلام ده معلش يا هندسة
انا استخدمت دي و دي و العمر الافتراضي لأي بطارية بيعتمد علي أولا نوع البطارية ثانيا كفاءة كهرباء العربية عموما من شحن و ضفيرة كهرباء
البطاريات السائلة أسوء من الجافة و السبب هو اعتمادها علي الصيانة المستمر و خروج سوائل منها تسبب تلف لدهان السيارة و جلفنة الصاج و الحديد
البطاريات الجافة بسيبها في العربية أسبوع و اتنين و شهر و اتنين و بدورها بشكل طبيعي جدا ولا يحدث لها اي مشاكل طالما كهرباء العربية سليمة و مضبوطة
لو كده كان زمان معظم السيارات الحديثة و الشركات المصنعه مازالت بتستخدم البطاريات السائلة ولكن ده مش موجود غير عندنا احنا كل العالم حاليا يستخدم الجافة
عربيتي السابقة ابيزا فضلت ماشي ببطارية جافة حوالي ست شهور و هي خلصانه و اوقات كنت بزقها و تدور و لكن مفصلتش نهائيا ابدا ولا وقف نهائيا و لكن عشان كهرباء العربية مضبوطة و بتدور من اول مرة كانت شغالة معايا ولو مرة واحده مدارتش من اول مرة كانت لازم تتزق و مع ذلك فضلت شغالة لحد ما غيرتها وهي شغالة
حضرتك انا لما قولت رأيي قولته بناء علي خبرتي مع البطاريات
انا لحد دلوقتي مغير اكثر من 4 بطاريات في عربيتي
2 منهم جافة
2 سائلة
الجافة بتعيش معايا سنتين بالتمام والكمال
لا يوم زيادة ولا يوم ناقص
دينمو مظبوط زي الساعة
ارضي كويس
استهلاك ابن حلال
السائلة عاشت معايا ما يزيد عن ال3 سنوات علي نفس العربية بنفس الدينمو بنفس كل حاجة
الجافة اغلي حوالي 100 او 150 لنفس الأمبير
عمري ماشتكيت انها بتسيل او بتاكل بوية او كلام من دة
كل 6 او 8 شهور لما كنت اعملها صيانة
يعني من الأخر كانت مريحاني انا شخصيا
عربيتي السيات الحالية
فيها بطارية سائلة بردو
بقالها سنة معايا
عيوبها الوحيدة
اني لما بركن العربية ازيد من 4 ايام لازم اخد واصلة او ازق العربية عشان ادور العربية
انا شايف ان الي معاه اوتوماتيك هو اكثر واحد يهتم بجافة ولا سايلة
لكن واحد زي حالاتي يقضيها سائلة ويبقي يبص عليها كل كام شهر وهو اولي بفرق السعر والعمر الأفتراضي
تحياتي ليك يا بشمهندس ايهاب
وكل الحب والتقدير
والله المستعان
،
،
مافيش اختلاف في الرأي ولا حاجه و اتمني من الله ان يوفق الجميع لما فيه الخير
ملحوظة : انت قلت بنفسك ان البطارية السائلة لما بتسيب عربيتك اكتر من اربع ايام لازم تزقها او تاخدلها وصلة و انا بسيب عربيتي شهر مركونة و برجع ادورها تاني دون ادني مشكلة و ده مع الابيزا الله يرحمها و حاليا مع الكوردوبا و ده تكرر كثيرا لأني راكن عربيتي تقريبا بقالي فترة مبخرجش بيها الي للسفريات و الحمد لله علي نعمة البطاريات الجافة
و بالتوفيق للجميع
مفيش خلاف ولا حاجة يابشمهندس
دة انت يكفي انك اتكرمت النهاردة
ورديت عليا
هههههههههههه
كمان في مشكلة تانية في السايلة بس محلولة ان شاء الله
احيانا بتحس بضعف فيها لما مثلا تفتح الباب والأنتظار شغال
تحس ان نور الصالون بيضعف مع الأشارة
ودي حلها انك تغير ميتها وتشحنها وكل شئ يرجع زي الأول
تحياتي ليك
والله المستعان
،
،
يا باشمهندس مانت عارف انا غاوي مشاكل
واغيرها ليه طالما لسة شغالة
ربنا يارب يحفظها ويخليهالي
هههههههههههههههه شكرا علي مجهودكو ياجماعه والله بس انا فعلا شوفت الحته اللي تحت البطاريه حسيت انها هتصدي في اي وقت في البدايه يعني وهو قالي غيرها في اسرع وقت ممكن علشان مش تبهدلك الدنيا
بس انا قررت خلاص بعد مشاورتكو طبعا هجيب جافه بس ايه احسن نوع اجيبو واجيب كام امبير
وياريت سعرها هيكون بكام مع العلم ان البطاريه اللي عندي شغاله 100 % يعني مفهاش اي عيب ولا اي حاجه هتتبدل بكام بينها وبين الجافه
لو شغالة 100% يبقي حرام تدخلها في جديدة
لأنه هيحسبهالك بحد اقصي ب75 جنيه او 100 لو كرمك
حرام
اشتغل بيها شوية وابقي يا اخي كل اسبوع رش شوية مياة مكانها لو خايف علي البوية
بس مش للدرجادي يعني الفايظ هيبهدلك الدنيا
انا عربيتي كانت فبريكة برة وجوة وكنت شغال ببطارية سايلة 5 سنين من عمرها
والله المستعان
،
،
هي بصراحه شغاله 100% بس عامله زى صدا كده حوالين منها ع الصاج