دعوة للمطالبة بتجربة القيادة قبل الشراء .....حقك ما تتنازلش عنه

**Ramy.Gamal** · 14-06-2008 05:49 PM

يا جماعه فيه توكيلات كتير تخاف تعمل تست درايف لعربياتها علشان الناس ميعرفوش عيوبها .واكبر مثال الكورولا الزنجى(الجنوب افريقى)وانا سمعت ان التوكيل الموقر هيجيب الياريس فى 2009 برضه زنجى قصدى جنوب افريقى.واكيد مش هيعمل تست درايف لحد اما الناس تشتريها ويكتشفوا عيوبها بنفسهم .انا نفسى نقاطع اى عربيه بتنتج فى مصانع بره الدوله الرئيسيه فى حين انه بيتصنع منها فى مصانع الشركه الام .ما دامت الشركه مش محترمانا وعامله تفرقه عنصريه وبتنزل عربيات من مصانع درجه تالته وكمان من غير تست درايف

**mido** · 14-06-2008 06:16 PM

منصور عامل تست دريف للاوبل بس مش للشيفورليه....ليه؟ افهم انت بقى
اعتقد لو جربت العربيه هتفكر كتير قبل ما تدفع فلوس فيها

**Mosso** · 14-06-2008 07:42 PM

بس في نقطه يا استاذ رامي,
مصنع جنوب افريقيا بيصدر لاوروبا و معتقدش ان شركه محترمه زي تويوتا بتنافس عالميا على المركز الاول هتسمح ان يدخل اوروبا سيارات ليها تبوظ سمعتها,
انا بس عايز اسأل هي الكورولا الخليجي الي متصنعه في اليابان محدش اشتكى منها خالص؟؟؟
اصل ممكن يكون عيب تكنولوجيا مش عيب تصنيع

**Chicco** · 14-06-2008 09:15 PM

MoToRiZeR باشا
ramylancer باشا
mido باشا
mosso باشا
شكرا لمروركم الكريم
رامي باشا بغض النظر عن أي شيء بلاش إستخدام كلام فيه شبهة تعالي أو استهزاء باقوام تانية ...ربنا يبارك لك
احساسي الشخصي و قد أكون مخطئا أن مشكلة الكورولا الجديدة فعلا مش عيب تصنيع على قد ما هو طبيعة الفتيس الجديد .....على قد ما فهمت و لو ما كنش حد يصححلي أن المشكلة إن الفتيس مش بيتصرف كأنه أوتوماتيك و بيحتاج تدخل يدوي في مواقف معينة العربية محتاجة فيها عزم .......انما ما فيش مشكلة في العربية نفسها ...أداء أو تقفيل
الغلطة من التوكيل حاجتين ...جاب عربية من جنوب أفريقيا و بيبيع بنفس سعر الياباني و ده استهبال و جشع ....فتيس جديد كان لازم اختبار قيادة بدل المشاكل ديه كلها

**M_HaFeZ** · 14-06-2008 09:46 PM

موضوع ممتاز
كفايه شراء عميانى وصاحبى قالى انها حلوه
وشكلها عاجبنى والحوارات دى

**Chicco** · 15-06-2008 01:38 PM

نورت يا لورد حافظ و شكرا للاطراء........ كلامك مظبوط طبعا

**Ramy.Gamal** · 17-06-2008 03:08 AM

احب اقول لاستاذ شيكو ان ملاك الكورولا الجنوب افريقى لما وجدوا مشاكلها كثيرا دخلوا فى عده مواقع ووجدوا المفاجئه ان الكورولا الجنوب افريقى التى تصدر لاوروبا فيها نفس عيوب التى تورد الينا ويا جماعه اعتقد ان اوروبا مش سوق مستهدف لتويوتا يعنى تنزل من اى مصنع وتنزل بأى عيوب مش هتفرق معاهم انما فى الشرق الاوسط وامريكا مينفعش ان اى عربيه يابانى تعمل الغلطه الفظيعه ده

**معاذ الشرباصى** · 17-06-2008 03:13 AM

يا جماعة اللى فى الكورولا مش عيب صناعة

ده طبيعة عمل فتيس, الناس هنا رافضة الموضوع

لكنه مش عيب

---------------------------------------------------

بالنسبة للدايهاتسو

انا اتصلت ب الرقم المختصر بتاعهم: 16168

و طلبت انه يكون فى تجربة العربية متاحة

على كلامهم انها هتبقى متاحة قريب

بس ميمنعش ان لو لقوا ناس اكتر بتتصل, اكيد هيبقى فى استجابة احسن

**Chicco** · 17-06-2008 03:15 AM

رامي باشا شكرا يا أخي الفاضل ..... سبب من أسباب اني فتحت الموضوع ده حكاية الكورولا ديه بالذات ....أنا ما زلت عند اعتقادي أن مشكلة الفتيس ديه ما كنتش حتبقى موجودة لو الناس جربت العربية قبل ما تشتريها........ و طبعا توكيل تويوتا غلطان من ساسه لراسه

معاذ باشا ...هو ده الكلام ...جزاك الله خيرا ...في إنتظار تجربة الناس لوعود توكيل ديهاتسو