هل سانديرو اتوماتيك ام سكالا 2011 اتوماتيك ام صنى اتوماتيك

بصراح محتار وعايز رايكم ايهما افضل
الرينو سانديرو 2012 اتوماتيك وسعرها الان وصل 87 الف استلام فورى علشان مش موجودة الا بالحجز بعد شهرين او 3
ام الافضل رينو سكالا اتوماتيك كاملة ب 94 الف بس موديل 2011 علشان منزلش لسه موديل 2012
ولا اريح نفسى وخلينى فى الصنى اتوماتيك اللى ب 93 الف

انا اكتر شكل عاجبنى السانديرو الاتوماتيك علشان هاتش باك وطبعا اتوماتيك
والميزة اللى انا شايفها فى الرينو سواء الاسكالا او السانديرو ان فيهم نظام الايموبيليزر
وبرضه حاسس ان الاسكالا افضل من الصنى فى التقفيل علشان بتتقفل فى كوريا فى مصنع سامسونج
بصراحة محتار:crying2: مش عارف انهى الافضل

مش عارفة أقولك أية بصراحه لأن أنا شايفة أن العربيات دى حاجة شخصيه
و لأن فى بلدنا هنا فيه مقاييس أهم من الميكانيكا و العفشه و الراحه النفسيه
و أهم حاجة فى بلدنا بتكون قطع الغيار نظرا للتلفيات الكتيرة فى طرقنا الموقرة
بس أنا من وجهة نظرى أن السانديرو أفضل
لكن بما أنك ذكرت كوريا يبقى لو عايز قطع غيار بهبل و فى نفس الوقت عربيه عاليه و هاتشباك يبقى كيا كارينز

اقتباس:

---

المشاركة الأصلية كتبت بواسطة manola

مش عارفة أقولك أية بصراحه لأن أنا شايفة أن العربيات دى حاجة شخصيه
و لأن فى بلدنا هنا فيه مقاييس أهم من الميكانيكا و العفشه و الراحه النفسيه
و أهم حاجة فى بلدنا بتكون قطع الغيار نظرا للتلفيات الكتيرة فى طرقنا الموقرة
بس أنا من وجهة نظرى أن السانديرو أفضل
لكن بما أنك ذكرت كوريا يبقى لو عايز قطع غيار بهبل و فى نفس الوقت عربيه عاليه و هاتشباك يبقى كيا كارينز

---

شكرا ليكى على ردك وبصراحة انا برضه شايف ان السانديرو جميلة رغم انها لسه لم تثبت وجودها فى الشارع المصرى علشان ملهاش مدة كبيرة
طبعا الكارينز تحفة بس انا امكانياتى المادية مينفعش تدخلنى فى فئة الكارينز
ربنا يسهل

نيسان صني أفضل نظرا لانتشارها

اقتباس:

---

المشاركة الأصلية كتبت بواسطة sehsss

نيسان صني أفضل نظرا لانتشارها

---

جزاك الله خيرا يا اخى وربنا يكرم ويوفقنى لما يحب ويرضى

اقتباس:

---

المشاركة الأصلية كتبت بواسطة sehsss

نيسان صني أفضل نظرا لانتشارها

---

+111

لو الفكره في التقفيل بس اركب دي و دي :) و انا شايف ان شركه رينو ناجحه جدا في مصر و عرفت تتعامل كويس مع طبيعه المكان و السوق

اقتباس:

---

المشاركة الأصلية كتبت بواسطة sehsss

نيسان صني أفضل نظرا لانتشارها

---

+ اسعار قطع غياااااااار حلوة جدااااااا .. فرامل و ثبااااات تحفة + أي حد ممكن يشتغل فيها

اخوانى الكرام
Ahmazong
Hossam_hassan4
Land_Cruiser
شكرا جزيلا لكم على اهتمامكم وردودكم وواضح ان الاغلبية بترشح الصنى
هما بس لو كانوا نزلوا الشكل الجديد حاجة تغيظ
عموما ربنا يقدر الخير لى ولكم

هاينزل شهر 6 او اخر السنة ديه ان شاء الله
لو عايز تستني وتشوفها يبقي افضل ليك طبعا
ومتنساش الاستخارة

سكالا و صني .... الاتنين تقريبا عربية واحده .. فرق تقفيل فقط .. و أنا شايف إن تقفيل الصني مش سيء لدرجة إنك تشتري السكالا و تضطر تتعب في قطع الغيار الخارجية بتاعتها لإنها مش منتشرة أوي ... و الاتنين عربيات محترمة جدا

السانديرو الأوتو ... اختيار ممتاز .. هي أكثرهم نعومة و راحه داخلية على فكره مع إني ماجربتهاش كتير ... بس الصني أقوى منها شوية .. و قطع غيار الصني برضه منتشرة أكتر .. لكن أتوقع إن السانديرو كلها شهور و هتنتشر قطع غيارها في كل مكان لإنها محبوبةو سوقها بيتحرك و هتبقى زي اللوجان كده ...

أنا لو مكانك هختار بين السانديرو و الصني و مش هدخل السكالا في حساباتي ....
السانديرو هجيبها لما بكون بحب أكتر النعومة و الراحة الداخلية أكتر و القعدة العالية شوية ..
الصني هجيبها لما أكون بحب القعدة الواطية في العربية و بحب الأداء القوي أكتر و بضحي بالراحه و النعومة ...

حبيب قلبي اولاً بالتوفيق وربنا يسدد خطاك لشراء ماهو مناسب ولكن ياريت حضرتك. متفكرش كتير في الشكل الخارجي لان الصني لو حططلو. شوية جنوط على فرش جلد وعتب وزوايد هتطلع عربية فاجرة ملهاش حل وتاخود عين بالهبل
بس احب كمان تفكر لمن تيجي تبيع العربية. انو عربية هتحتفظ بسعرها وتكون مخسرتش في تمنها. الصني طبعاً تكسب لانك هتبيعها وانتا واقف بخلاف الرينو الي هتقعد تدلل عليها في السوق عقبال ما تلقيلها زبون. وقرب قرب قرب يا جدع ماعيا رينو خش على الرينو لغايت مايجلها ابن الحلال الي يشتريها منك.
لكن هتلاقي الرينو سعرها بيوقع جامد بخلاف. الصني الي بيفضل ماسك سعرو حتى بعد كزا سنة ورغم ان النيسان والرينو واحد بس الناس تقلك لا يا عم دي يباني تستحمل اما التانية فرنساوي ضعيفة هنهههههههههه تعمل ايه بلدك كده بيفكرو !!!!

عفشة + موتور + تكيف + اعتمادية وحماله قسية = نيسان صنى

اقتباس:

---

المشاركة الأصلية كتبت بواسطة masterzmind

عفشة + موتور + تكيف + اعتمادية وحماله قسية = نيسان صنى

---

اخوانى الافاضل

SonaSteel
Dawns_Mist
me_medoo
masterzmind

جزاكم الله خيرا على اهتمامكم وردكم الكريم
فعلا الصنى واضح ان الغالبية بتأييدها لاسباب عديدة موضوعية ومقنعة
وربنا يوفقنى للخير ودعواتكم لاخوكم