الموضوع: أسوء طريق من المندرة إلى أبو قير , أرحمونا يرحمكم الله

ميرسى يا جماعة على ردودكم و بالنسبه للصورة التوضيحيه للمرور أنا فعلا بتصدم من حاجات كتيرة أوى
و عايزة أقولكم على حاجة أقسم بالله العظيم غريبه جدا و مش غريبه علينا كمصريين
أنا فيه طرق مش عارفه الأتجاة المرورى الصح بتاعها بسبب المرور العشوائى بتاع الناس
يعنى ممكن يكون فيه طريق المرور محددة رايح بس و تلاقية رايح جاى و دا بيستمر لسنين لدرجة أننا ساعات بكون ماشية و بلاقى نفسى أدامى و ورايا عربيات ماشية فى نفس الأتجاة و أكتشف أن كل العربيات دى ماشيه عكسى
حاجة بجد تفقع المرارة

المشاركة الأصلية كتبت بواسطة yascro

انا امبارح حصلى صدمه بكل ما فى الكلمه من معانى
كان عندى ظرف طارى
كنت عند جامعه فاروس وكنت رايح عند مستسفى الايطالى
و قلت اختصر المسافه ودخلت من عند كوبرى التجنيد وقلت اخد يمين من ورا انطونيادس عشان اكسب وقت
هما 100 متر ولقيت كميه ردم على اليمين وعلى الشمال ومخلفات مبانى وزباله
اقسم بالله العظيم العربيه معديه بالعافيه (الطريق ده كان من انظف الطرق و انعمها)
و حته هاديه حسبى الله ونعم الوكيل
احنا عملنا ثوره ع الظلم والفساد
بس لسه ثوره الضمير والانتماء متعملتش

للأسف الثورة محكمتش لحد دلوقتى و دا السبب و طبعا البشوات مش عايزين يشوفوا شغلهم عشان هما عاجبهم الأمن يكون كدة عشان نطبطب عليهم زى مابيقولوا نفسياتهم تعبانه شوية
دول يحمدوا ربنا أن كلهم بلا أستثناء فى شغلهم و لم يتم حل الجهاز دة بالكامل و تبديله بخريجى كليات حقوق و تربيه رياضية (طبعا قصدى على الداخليه)
و للأسف الثورة معملتش نتيجة واحدة لحد دلوقتى إلا أنتقام

معاكم حق بجد اسكندرية بقت عبارة عن .... مش لاقى كلمة اقولها بجد دى ايام الجاهلية مكنتش كده والله اعلم
انا بطلت انزل غير المشاوير الاساسية وبكره اليوم اللى بنزل فيه بالعربية من كتر المعاناه اللى بشوفها ولا العمارات اللى بتتبنى مخالف وكمان ايه بيسيبوا الخشب مرمى فى الشارع وكله مسامير ويظبط الكاوتش
بجد بحس انى داخل حرب وانا بسوق والمشكلة انى بحب احترم السواقة والمرور بس انا بنى ادم وليه صبر .. والمصيبة مش عارف اعمل ايه فى الصيف ده كده ولسه فى الشتا والمدارس
ولا الليبيين اللى مازالوا فى البلد وسواقتهم بجد حاجة تقرف ينرفزووووووو
خلااااااااااااااااااااااا ص تعبت من مصر كلها ومن الدماغ المصرية العبقرية :(
الموضوع ده جاى على الجرح وبجد اسكندرية محتاجة وقفة ورجالة من الاخر تمسكها
سامحونى انى انفجرت فى الكلام غصب عنى