أسوء طريق من المندرة إلى أبو قير , أرحمونا يرحمكم الله
فى البدايه أحب أقولكم أننا بمعدل 3 أيام فى الأسبوع بعدى من تحت كوبرى المندرة حتى أبوقير
الطريق من أول المندرة تحت الكوبرى بيكون عامل زى السوق و طبعا عشان أنت تاخد الدوران و تدخل على الطريق المؤدى لأبو قير لازم تكون بلطجى فى السواقة من الدرجة الأولى عشان المشاريع أو (الميكروباصات) بتقف فى المكان دة
المشكلة بالنسبالى مش فى كدة لأنى أتعودت على الموضوع دة بمبدأ انك تدخل مهما كان فيه حاجة أدامك هيخاف منك و هيوسع:00020140:
المشكلة دلوقتى عند المزلقان بتاع المعمورة لأنك بدل مانت ماشى فى حاراتك لازم تدخل على الطريق التانى بحيث إنك تكون ماشى عكس الأتجاة و دا لأن البشوات و البهوات عاملين كل الطريق زلط و رمله بقاله أكتر من شهرين و كل يوم أمشى مش بلاقى عامل واحد شغال فى المنطقة دى رحله الكفاح بتاعتى بدأت و قولت والله مانا داخله فى الأتجاة المعاكس و همشى على الزلط و الى يحصل يحصل و طبعا مش عايزة أقولكم النتيجة كانت أية (لحد دلوقتى العربيه بتعمل صوت كتاكيت) دا غير طبعا وجع الضهر و عمرى ماحسيت بالوجع دة حتى لو مسافرة
الأكتشافات إلى فكرت فيها كالأتى :
....*أن دة أنتقام من الناس لسبب أو لأخر
....*مفيش عمال بتكمل شغلها و دا أستمر لمدة شهرين او أكتر
....*المشير طنطاوى لما كان فى زيارة السنه إلى فاتت لمعهد الدفاع الجوى كان الوضع طبعا مختلف تماما
....*أن لو حصلت حادثة وش بوش و عربيتين أخدوا بعض بالحضن أهون مليون مرة من أن عربيه تمشى فوق الزلط و الرمله دول