كنت هموت

**A7MED_PHARMA** · 14-04-2012 10:20 AM

السلام عليكم
ورحمة الله
وبركته

بكلمكم من الاب توب بتاع اخويا محمود
.
إخواني وأخواتي
أول ناس هحكي معاهم قصة صعبة ومبهجة في نفس الوقت
مش هقولكم ان دي أصعب تجربة عدت عليا في حياتي
كانت إختبار..وتقريبا فشلت فيه
كان نفسي أكتبلكم الي حصل بإسلوب أدبي
لكن مع سطور التجربة هتعرفوا اني في حالة نفسية صعبة حاليا
المفروض اني انام وأرتاح دلوقتي
لكني بصراحة مش قادر ماتكلمش معاكم فيها
.
الأحداث تسلسلت كالأتي
.
الساعة 3:30صباح اليوم
كنت في الصيدلية .. قولت هروح
والشباب الي جولي الشرقية عارفين الطريق عامل ازاي
طريق مصيدة حقيقية لأي واحد معدي بالليل
بس أنا كنت مشيت عليه كام مرة بالليل وقولت الوضع بقا كويس
.
ركبت العربية ومشيت
.
يدوبك على ماخرجت بره البلد
ومشيت في الطريق يدوبك اتنين كيلو وسط الزراعات
على نور العربية.... أحجار وقطعة خشب كبيرة سادة الطريق
فوراااااااااااااااااااااا ااا فرااااااااااااااااااااااا اااامل
ورجت للخلف بدون وعي ومن غير مابص ورايا حتى
طلع من يمين الطريق 3 او 4 افراد ملثمين
أسلحة نارية في ايدهم .. وسمعت صوت طلقتين نار
قرأت الشهادة بهيستيريا .. وانا برجع بالعربية زي المجنون
فجأة مؤحرة العربية طلعت على حاجة
والله ماعرف طلعت على ايه ساعتها
اول مالعربية طلعت على المرتفع ده..أدركت ساعتها ان العربية مش هتسعفني أهرب
فتحت الباب ونزلت من باب السواق .. نزلت في الترعة على جمب الطريق
عديت للناحية التانية وانا سامع طلقة نار تالتة وتوقعت ان الرابعة هترشق في ظهري
جريت وسط الأراضي الزراعية ووسط الطين..أعصابي سايبة تقريبا
شوية أقع وشوية أجري
طبول بتدق في دماغي ونبضات قلبي بترزع
مابصتش ورايا على العربية ولكني جريت
وقعت على الارض مع تزايد الدق في دماغي وضربات قلبي
وأيقنت - واقسم بالله - اني مضروب بالنار وان دي النهاية
قرأت الشهادة كمان مرة
وحسيت إن مش دي النهاية لسه..قومت كملت جري
مسافة الاتنين كيلو جريتهم وسط الاراضي الزراعية لحد ماوصلت البلد..خبطت على اول باب لحد اعرفه
ملازم /وجيه .. والد محمد وجيه صديق اخويا محمود
ملازم متطوع في الجيش
دخلت بيته..إستحميت..ولبست هدوم غير هدومي
وأخدني وطلعنا على قسم أول الزقازيق
..
الي حصل في القسم مهزلة .. هحكيها بعدين
..
محمد وجيه كلم أخويا محمود
وقاله اانا رايحين قسم شرطة ديرب نجم .. علشان الواقعة تابعة لديرب نجم مش الزقازيق
..
المهم ان د.أحمد البلاط صديقي كان له ورق معايا في العربية
د.احمد اتصل بوالدي وقاله احمد حصله ايه ؟
القصة ان ناس سارحين الغيظ الفجر لقوا الورق مرمي في الدوسيه على الاسفلت وفيه اسم د.أحمد البلاط راحوله البيت قالوله اننا لقينا الورق جمب عربية مرمية على الطريق
..

ملخص الأحداث الباقية
اني رجعت تاني مكان الحادثة
لقيت العربيى بالمنظر ده

.
الي حصل ان رجوعي للخلف بسرعة
حدف العربية للوضع الي انتوا شوفتوه ده
الحرامية ماعرفوش يطلعو العربية من مكانها
فأخدو الاب توب بتاعي .. واخدو الكاسيت ..
وللصدفة
لقيت موبايلي مرمي تجت باب السواق بينه وبين ميه الترعة 5 سم
جبنا جرار .. شد العربية
الحمد لله الخساير في العربية .. شفة الاكصدام اتكسرت
ماتفتكروش ان الشجرة هي الي حاشت العربية انها تقع في الترعة
لااا
العربية زي ماهي واقفة كده... الصاج بتاعها سليم بدون خربوش واحد
وكل حاجة في العربية سليمة..بخلاف شفة الاكصدام الامامي الي اتكسرت

بس
لو حد شايف ان القصة دي فيها عبرة
يقول الحمد لله

**A7MED_PHARMA** · 14-04-2012 10:26 AM

**A7MED_PHARMA** · 14-04-2012 10:28 AM

**A7MED_PHARMA** · 14-04-2012 10:42 AM

الحمد لله يامحمود
دراعي مخلوع والله أعلم.. لكن الترقوة سليمة الحمد لله

**megamoudy** · 14-04-2012 10:47 AM

لا اله الا الله ....... ألف سلامة عليك :(

**A7MED_PHARMA** · 14-04-2012 10:49 AM

أنا بحمد ربنا الف مرة

انا انا طلعت سليم.. وان الحرامية ولاد الكلب ماخدوش العربية..والخساير قهرتني اه ..الكاسيت البايونير والاب توب الي لسه شاريه من 3 شهور

بس العربية الحمد لله..بفضله ونعمته ماحصلهاش حاجة
وبحمد الله ..إن رجوعي لورا بسرعة زنق العربية ماخلاهمش يعرفوا ياخدوهاا

بفضل ستر ربنا..ودعاء امي الي بتقولي دايما" ربنا يستر طريقك "

-

-

-

-

الموضوع: كنت هموت

LinkBack

أدوات الموضوع

عرض

كنت هموت - انشر الموضوع فى :

-

-

-

-

-

المواضيع المتشابهه

هموت من الحيرة

هموت علي جين 2

التكيييييييييف... هموت من الحر

كنت هموت امبارح

هموت واركب بى ام......

الكلمات الدلالية لهذا الموضوع

المفضلات

المفضلات

ضوابط المشاركة