دعوة للاقلاع عن التدخين ــــ و محاربته

**TAREKSHEIR** · 18-06-2007 01:10 AM

باسم بك التدخين دلوقتى على مستوى العالم ظاهره غير حضاريه . وإللى بيدخن دلوقتى بيخرج من المكان يدخن بره .
وده بدأبالفعل فى مصر والجميل فيه إنه نابع من المدخنين نفسهم لإقتناعهم باضرار التدخين وربنا يهديهم ويهدينا .

**TAREKSHEIR** · 18-06-2007 01:16 AM

تجربتى مع الإمتناع عن التدخين :
أخر اول سجاره ( بتاعة الصبح ) على أد ماتقدر يعنى بدل ماتشربها أول ما تصحى إشربها لما توصل الشغل وبعد كده اخرها تدريجياً هى دى إللى بتفتح النفس على التدخين بشراهه .. لو عملت كده نفسك حتتصد عن التدخين .
تانى حاجه .. إكسر العاده .. يعنى غير إللى بتشربه مع السجاير سواء قهوه شاى . وبطل أو قلل شرب الحاجه إللى بتحبها مع السجاير ..... جربوا إدعولى . :D

**AHMAD_EMAD** · 18-06-2007 01:28 AM

المشاركة الأصلية كتبت بواسطة TAREKSHEIR

مـــــا قبلــــــــــــــــــــــ ــــه ...
حط نفسك فى الموقف ده .........
يوم الحساب تتسأل على مالك مرتين .. من أين أتى .. وفيما أنفقت .
نقف أمام الله واحد واحد .
هيقولك إنت مش كنت عارف إن السجاير حرام .. هترد تقول إيه .. لاتقدر تقول أيوه .. ولاتقدر تكذب وتقول لا
السؤال إللى بعده .. يعنى إنت فضلت السجاير على طاعتى ؟ .. رد ياأستاذ .. إلحق نفسك ياباشا مش ناقصه ذنوب .
إبدأبجهاد النفس .

مش هيسأل علي التدخين مرة واحدة بس الحديث الشريف بيكلم عن أربع حاجات وكلهم يشملهم التدخين
عن عمره فيما افناه(داخل فيها التدخين)
وشبابه فيما ابلاه ( برضه داخل فيها)
وعن ماله فيما أنفقه ( شرحه)
وعن علمه فيما عمل به (أنت مش عارف أنها حرام والفتوي مختومة بختم النسر أنها حرام) يبقي برضه
يعني الجاير تستاهل أن ربنا يسألك عليها 4 مرات وفكر كده في منظرك ساعتها وانت قدام رب العالمين هترد ولا هتقول ايه؟

**sokasoon** · 18-06-2007 03:39 AM

الحمد لله انى مش بشرب سجاير

حتى الان لم اشرب سيجارة واحدة

ولاكن ادخن تدخين سلبى وبحاول ابعد على قد ما اقدر من اللى بيدخن

ووالدى لسه بيشرب سجاير ومش عارف يبطلها ابدا حتى الان

انا الحقيقة مش بحب ريحتها تماما

والحمد لله انى ما اندرجتش ووقعت وشربتها وكنت ادمنتها

**درش** · 18-06-2007 04:03 AM

الله يبارك فيك

**الريس** · 18-06-2007 02:42 PM

شكرا لكل الردود يا جماعة
ممكن كل واحد يثير الموضوع ده النهاردة مع حد عزيز عليه او بيحبه
الله يعافيكم
محدش شاف الم و عذاب الذبحة و سرطان الرئة
و الصراع بس علشان تاخد نفسك
حد يحب ده يحصل لاحبابه
او لنفسه

**fady** · 18-06-2007 02:59 PM

الموضوع هايل
يا ريت كل الناس يكون عندهم الوعي ده و لكن للاسف مازال الكثيرون يعتبرون التدخين من مظاهر الرجوله بالرغم من معرفتهم باضراره.

ربنا يحفظنا جميعا و يتوب على كل المدخنين و يبطلوا ان شاء الله.

**Islam_galal** · 18-06-2007 03:26 PM

التدخين و سط كل هذه المعارضة هو اصرار علي الغباء
أي واحد بيدخن مش مكسوف من نفسه و هو حاطط صباع ابيض في بقه و ماشي فرحان أوي
ايه السذاجة دي

**الريس** · 18-06-2007 03:45 PM

حاج اسلام باشا
معلش سامحنى
بس ده مش الاسلوب الصح
افتكر ان من الناس اللي بتدخن ممكن الاباء او الاعمام او اخواننا الكبار
او زمايلنا اللي في المنتدى هنا
يعني ناس بنحبها
و ميصحش نوصفهم بالغباء او السذاجة
و بعدين الكلمة الطيبة ممكن توصل المعلومة
و انا و الله ما فتحت الموضوع ده
غير علشان انا شفت الم المدخنين
لما بيكون وقت التراجع فات
لو انت بتدخن
مينفعش تقول انك بتحب اولادك
لانك بايدك بتقلل من فترة وجودك في حياتهم
بتحرمهم منك بدري
يا اخواننا
و الله ما في اغلى من الصحة
اللهم قد بلغت

**TAREKSHEIR** · 18-06-2007 06:21 PM

إقرأوا ثالث صفحه فى الأخبار النهارده عن التدخين والقوانين إللى بتتعمل فى مجلس الشعب الخاصه بمنعه

الموضوع: دعوة للاقلاع عن التدخين ــــ و محاربته

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الطريق الصحراوى بين مصر اسيوط ــــ السوهاجى

دعوة لعمل بيزنس بين رومانيا و مصر. دعوة للمشاركة.

روائــع مازدا فى الدفع الربــاعى ... Cx-7 ــــ Cx-9

أين المحامون بالمنتدي ؟ (دعوة لتحريك دعوة قضائية علي النظام الحاكم في مصر)

دعوة للتصالح-دعوة للحب-دعوة للاخاء

الكلمات الدلالية لهذا الموضوع

المفضلات

المفضلات

ضوابط المشاركة