دعوة للاقلاع عن التدخين ــــ و محاربته

السجائر و الشيشة

بغض النظر عن كونه حرام .... لان انا موضوعي ده موجه لكل الناس
المسلم و المسيحي
المتدين و اللي مش

يا جماعة
ده اهلاك للمال
و الصحة
و ازعاج للغير
و مصدر اساسي لنقل الامراض

اللي سافر بره يعرف ازاي المدخنين بيتعاملو كانهم فئة منبوذة
مفيش تدخين تماما في الاماكن المغلقة
متركبش تاكسي تلاقي السواق يقولك انا في عربيتي يبقى اعمل اللي انا عاوزه
و لا ميكروباص و الراكب اللي جنبك بيدخن و بيقولك انا فاتح الشباك

ايه الفايدة
ملايين مش بيدخنو
و حياتهم ماشية بدون مشاكل
و لا عمر السيجارة لا بتهدي اعصابك
و لا ليه لازمة تحبس بعد الاكل.......

الفلوس دي لو زايده عندك
اعرف ان في ناس بتموت علشان علبة دوا بتمن علبة سجاير........ والله العظيم بتحصل
و لو مش زايدة يبقى بيتك اولي
انت اولى

يا اخواننا
حد يكب هباب جوة جسمه
باي منطق؟

اتفق معك تماما فى موضوع السجاير دة والحمدلله ربنا من عليا انى ابطلها بقالى حوالى سنة ونصف الان والله المستعان.

وفعلا انا حاسس بفرق كبير اوى عن الاول من الناحية الصحية والمادية والنفسية وعشان مطولش عليكوا ورغم انى عارف ومتاكد ان مفيش حد حتى هيرمى السيجارة الى اى ايده دلوقتى حتى عشان خاطرى :mrgreen:
عموما النصيحة جرب يوم تاخد اجازة من السجاير وروح المتحف الزراعى الى فى القاهرة واتفرج على منظر الرئات هناك عامل ازاى, اجارنا الله واياكم منها.

اقتباس:

---

جرب يوم تاخد اجازة من السجاير وروح المتحف الزراعى الى فى القاهرة واتفرج على منظر الرئات هناك عامل ازاى, اجارنا الله واياكم منها.

---

ممكن اعرف ايه موضوع المتحف الزراعي و شكرا مقدما على الرد

مبادرة جيدة منك يا بشمهندس باسم، انا كنت سمعت من صديق ان الحكومة هتفرض غرامة 50 جنية على كل من يدخن في مكان عام....يارب يطلع الخبر دة صحيح مش كلام جرايد.

بص مفيش امل في الحكومة
ماهي اصلا صاحبة شركة الشرقية للدخان
يعني مستفيدة
و مستفيدة كمان بالضرايب
انا بتكلم و عاوز كل واحد كده يفكر مع نفسه ويشوف فين الفايدة من انه بيدخن
مبادرات فردية كده
اما الحكومة .. فسيبها في حالها
و اشكرك على الرد

علبة السجاير بكام دلوقتى ياجماعه ؟

مارلبورو =7.5
LM = 4.5
viceroy= 4
ده اللى أعرفه يا طارق باشا

طيب ناخد المتوسط وشوفوا الحسبه دى :
4.5× 30 يوم = 135 جنيه .. يجيبوا إيه
135 ÷ 2 جنيه كيلو المشمش = 67.5 كيلو .
135 ÷ 4 جنيه كيلو الخوخ = 33.5 كيلو .
135 ÷ 40 جنيه ك اللحمه = 3.5 كيلو .
135 ÷ 10جنيه الفرخه = 13 فرخه .
135 = بنطلون جميل .
135 = تى شيرت محترم .
135 = جزمه
135 = كام جوز شرابات .
135 = 1620 جنيه فى السنه بتأذى بيهم نفسك . بدل ماتستفيد بيهم ... يأخى الحمد لله إنى بطلت .
ما بــــــــــــــــعـــــــ ـــــــده ..................

مـــــا قبلــــــــــــــــــــــ ــــه ...
حط نفسك فى الموقف ده .........
يوم الحساب تتسأل على مالك مرتين .. من أين أتى .. وفيما أنفقت .
نقف أمام الله واحد واحد .
هيقولك إنت مش كنت عارف إن السجاير حرام .. هترد تقول إيه .. لاتقدر تقول أيوه .. ولاتقدر تكذب وتقول لا
السؤال إللى بعده .. يعنى إنت فضلت السجاير على طاعتى ؟ .. رد ياأستاذ .. إلحق نفسك ياباشا مش ناقصه ذنوب .
إبدأبجهاد النفس .

ربنا يديم عليك الصحة يا طارق باشا ويا عبد الله باشا
ومتشكر للردود بس انا مهتم كمان باللي لسة بيدخن

باسم بك التدخين دلوقتى على مستوى العالم ظاهره غير حضاريه . وإللى بيدخن دلوقتى بيخرج من المكان يدخن بره .
وده بدأبالفعل فى مصر والجميل فيه إنه نابع من المدخنين نفسهم لإقتناعهم باضرار التدخين وربنا يهديهم ويهدينا .

تجربتى مع الإمتناع عن التدخين :
أخر اول سجاره ( بتاعة الصبح ) على أد ماتقدر يعنى بدل ماتشربها أول ما تصحى إشربها لما توصل الشغل وبعد كده اخرها تدريجياً هى دى إللى بتفتح النفس على التدخين بشراهه .. لو عملت كده نفسك حتتصد عن التدخين .
تانى حاجه .. إكسر العاده .. يعنى غير إللى بتشربه مع السجاير سواء قهوه شاى . وبطل أو قلل شرب الحاجه إللى بتحبها مع السجاير ..... جربوا إدعولى . :D

اقتباس:

---

المشاركة الأصلية كتبت بواسطة TAREKSHEIR

مـــــا قبلــــــــــــــــــــــ ــــه ...
حط نفسك فى الموقف ده .........
يوم الحساب تتسأل على مالك مرتين .. من أين أتى .. وفيما أنفقت .
نقف أمام الله واحد واحد .
هيقولك إنت مش كنت عارف إن السجاير حرام .. هترد تقول إيه .. لاتقدر تقول أيوه .. ولاتقدر تكذب وتقول لا
السؤال إللى بعده .. يعنى إنت فضلت السجاير على طاعتى ؟ .. رد ياأستاذ .. إلحق نفسك ياباشا مش ناقصه ذنوب .
إبدأبجهاد النفس .

---

مش هيسأل علي التدخين مرة واحدة بس الحديث الشريف بيكلم عن أربع حاجات وكلهم يشملهم التدخين
عن عمره فيما افناه(داخل فيها التدخين)
وشبابه فيما ابلاه ( برضه داخل فيها)
وعن ماله فيما أنفقه ( شرحه)
وعن علمه فيما عمل به (أنت مش عارف أنها حرام والفتوي مختومة بختم النسر أنها حرام) يبقي برضه
يعني الجاير تستاهل أن ربنا يسألك عليها 4 مرات وفكر كده في منظرك ساعتها وانت قدام رب العالمين هترد ولا هتقول ايه؟

الحمد لله انى مش بشرب سجاير

حتى الان لم اشرب سيجارة واحدة

ولاكن ادخن تدخين سلبى وبحاول ابعد على قد ما اقدر من اللى بيدخن

ووالدى لسه بيشرب سجاير ومش عارف يبطلها ابدا حتى الان

انا الحقيقة مش بحب ريحتها تماما

والحمد لله انى ما اندرجتش ووقعت وشربتها وكنت ادمنتها

الله يبارك فيك

شكرا لكل الردود يا جماعة
ممكن كل واحد يثير الموضوع ده النهاردة مع حد عزيز عليه او بيحبه
الله يعافيكم
محدش شاف الم و عذاب الذبحة و سرطان الرئة
و الصراع بس علشان تاخد نفسك
حد يحب ده يحصل لاحبابه
او لنفسه

الموضوع هايل
يا ريت كل الناس يكون عندهم الوعي ده و لكن للاسف مازال الكثيرون يعتبرون التدخين من مظاهر الرجوله بالرغم من معرفتهم باضراره.

ربنا يحفظنا جميعا و يتوب على كل المدخنين و يبطلوا ان شاء الله.

التدخين و سط كل هذه المعارضة هو اصرار علي الغباء
أي واحد بيدخن مش مكسوف من نفسه و هو حاطط صباع ابيض في بقه و ماشي فرحان أوي
ايه السذاجة دي

حاج اسلام باشا
معلش سامحنى
بس ده مش الاسلوب الصح
افتكر ان من الناس اللي بتدخن ممكن الاباء او الاعمام او اخواننا الكبار
او زمايلنا اللي في المنتدى هنا
يعني ناس بنحبها
و ميصحش نوصفهم بالغباء او السذاجة
و بعدين الكلمة الطيبة ممكن توصل المعلومة
و انا و الله ما فتحت الموضوع ده
غير علشان انا شفت الم المدخنين
لما بيكون وقت التراجع فات
لو انت بتدخن
مينفعش تقول انك بتحب اولادك
لانك بايدك بتقلل من فترة وجودك في حياتهم
بتحرمهم منك بدري
يا اخواننا
و الله ما في اغلى من الصحة
اللهم قد بلغت

إقرأوا ثالث صفحه فى الأخبار النهارده عن التدخين والقوانين إللى بتتعمل فى مجلس الشعب الخاصه بمنعه

يارب تتنفذ فى اسرع وقت

للاسف انا مش في مصر لاخر الاسبوع
بس شكرا استاذ طارق
و لو ممكن حد يحطلنا المقالة اكون شاكر ليه

للأسف أ / باسم معنديش سكانر بس هحاول أجيبها من على النت

اطفيء سيجارتك.. بأمر القانون
حظر التدخين في المؤسسات الحكومية والتعليمية والتشريعية والقضائية والنوادي
100 جنيه غرامة للمدخنين.. و20 ألف جنيه للمسئول عن المكان المخالف
19 مليار سيجارة يستهلكها المصريون سنويا
تحقيق : غادة زين العابدين و أسامة السعيد

كيف أقلع عن التدخين

لحظة من فضلك..
إذا لم تقلع عن التدخين بإرادتك، فسوف تقلع عنه قريبا لكن بأمر القانون!.. وقتها لن تكون عبدا للسيجارة.. ولن يختلط النيكوتين بالدم في عروقك.. وامتناعك عن التدخين لن يفيد صحتك ويوفر مالك فقط.. إنما سيرحم الاخرين من خطورة 'التدخين السلبي' ويجعلهم يستنشقون الهواء النظيف. عموما مأساة التدخين ستزول عنك قريبا.. فقد وافق مجلس الشعب نهائيا علي اقتراح بمشروع قانون يحظر التدخين بجميع المنشآت الصحية والتعليمية والمصالح الحكومية بجانب النوادي الرياضية والاجتماعية ومراكز الشباب ثم المؤسسات التشريعية والقضائية. والموافقة علي الحظر لم تقتصر علي هذه الأماكن فقط.. إذ تركت الباب مفتوحا أمام وزير الصحة ليحدد أماكن أخري يري ضرورة تنفيذ الحظر بها.

يبقي التأكيد علي أن منع التدخين بموافقة برلمانية نهائية قد جاء من منطلق دلالات هذه الأرقام.. فنحن نستهلك 19 مليار سيجارة سنويا.. قيمتها 8،1 مليار دولار.. ومصر تحتل المركز ال 19 بين دول العالم الأكثر تدخينا.. ومعدلات التدخين تزيد بنسبة 9 % سنويا.. كما ان لدينا 500 ألف طفل تحت 12 سنة يدخنون!.. والأخطر من هذا كله أن وفياتنا من جراء التدخين تصل إلي 34 ألف حالة كل عام!
القانون الذي تمت الموافقة عليه يفرض في مادته الأولي زيادة مساحة التحذير علي علب السجائر إلي نصف مساحة الواجهة الخاصة بالعلبة، مع السماح لوزير الصحة بوضع صور أو رسوم تجسد مخاطر التدخين، وكانت هذه المساحة في القانون السابق ثلث مساحة العبوة.


تغليظ العقوبة


أما المادة الثانية والأهم فهي التي تحظر التدخين في المصالح الحكومية والتعليمية والأندية الرياضية والاجتماعية ومراكز الشباب، وقد أضاف مجلس الشعب بناء علي اقتراح د. زكريا عزمي المؤسسات التشريعية والقضائية إلي الأماكن التي يحظر التدخين فيها، وقال: إننا كنا نود أن يمتد الحظر إلي كل الأماكن العامة، لكن ربما يكون ذلك صعب التنفيذ حاليا.
ويلزم القانون المسئول عن تلك الأماكن بحظر التدخين فيها، وإذا أخل بهذه المسئولية يتعرض للغرامة التي لا تقل عن ألف جنيه ولاتزيد عن 20 ألف جنيه، كما يدفع المدخن غرامة لا تقل عن خمسين جنيها ولا تقل عن مائة جنيه.
وتنص المادة الثالثة من القانون علي أن يتخذ وزير المالية بالتنسيق مع وزير الصحة السياسات السعرية والضريبية اللازمة لرفع أسعار التبغ حتي يتم الحد من استخدامه وهو ما تفرضه الاتفاقية الدولية لمكافحة التدخين والتي وقعت عليها مصر وصارت جزءا من التشريعات الوطنية.
أما المادة الرابعة والخامسة من القانون فتنظم إنشاء لجنة عليا بقرار من رئيس الوزراء، وبرئاسة وزير الصحة، تختص هذه اللجنة بوضع السياسات الخاصة بمكافحة التدخين، علي أن يرفع وزير الصحة توصياتها إلي مجلس الوزراء لاتخاذ اللازم بشأن تنفيذها.. كما تنشأ بوزارة الصحة إدارة عامة يكون لأعضائها بقرار من وزير العدل صفة الضبطية القضائية للقيام علي تنفيذ أحكام هذا القانون.


مصر والاتفاقية الدولية


ويقول د. حمدي السيد رئيس لجنة الصحة بمجلس الشعب انه تقدم بهذا القانون علي مدي ثلاث سنوات، وأكد سعادته البالغة بأن يخرج أخيرا إلي النور، حيث كانت المادة الخاصة برفع أسعار وحدات التبغ تقف حائلا دون إصدار القانون في السنوات السابقة، لأن وزير المالية كان يثير دائما أن رفع أسعار التبغ يؤدي إلي زيادة عشوائية وغير متوقعة في الأسعار.
ويضيف ان القانون يتوافق وأحكام الاتفاقية الدولية لمكافحة التدخين والتي وقعت عليها مصر.
ويشير إلي أهمية حظر التدخين في المصالح الحكومية والمؤسسات التعليمية والصحية والتشريعية والقضائية، وهذا من شأنه أن يحافظ علي حقوق غير المدخنين في التمتع بهواء نقي، والحفاظ علي صحتهم.
ويشدد رئيس لجنة الصحة علي أن التنفيذ سيظل هو الفيصل في تفعيل القانون، لأن النصوص لن تكفي وحدها لتنفيذه، ولابد من الصرامة في تطبيق القانون علي الأقل في المراحل الأولي حتي يتوافق الناس مع الوضع الجديد ويلتزموا به بعد ذلك ذاتيا، لذلك حرصنا علي إنشاء إدارة متخصصة في وزارة الصحة، يكون لأعضائها صفة الضبطية القضائية حتي يمكن تفعيل القانون، ولا يبقي حبرا علي ورق.


هواء.. نظيف


استقبل غير المدخنين خبر الموافقة علي القانون بسعادة كبيرة تقول فاطمة حسين موظفة بوزارة الزراعة: سنوات طويلة ونحن ننتظر اصدار هذا القانون.. فالمدخنون يعتبرون التدخين حرية شخصية ويغضبون حينما نطالب بحقنا في الهواء النظيف.. ويتصورون ان هذا تقييد لحريتهم!


.. لماذا.. التحديد؟


وأشارت وفاء صلاح موظفة إلي مخاوفها من تطبيق القانون.. وقالت لماذا لم يصدر القانون بحظر التدخين في جميع الأماكن العامة.. ولماذا حدد فقط بعض المنشآت وهي الصحية والتعليمية والحكومية والنوادي ومراكز الشباب والمؤسسات التشريعية.. وتساءلت.. ما الموقف مثلا بالنسبة لمؤسسات القطاع الخاص فهل هذه المؤسسات لن تخضع للقانون رغم وجود عدد كبير من العمالة بها.


القانون.. هو الحل


ويقول: عبدالمجيد حسن موظف: المدخنون للأسف لا يراعون الآخرين والحل الوحيد الذي كنا نتمناه هو إصدار قانون 'يجبرهم' علي احترام حقوق غير المدخنين.. وأنا شخصيا لن أتردد في الإبلاغ عن أي مخالفة أراها وأدعو الجميع للايجابية حتي ننجح في تطبيق هذا القانون.
ويقول حمدي عبدالنبي: ما ذنبي أنا وغيري من غير المدخنين في أن نتعرض للتلوث والأمراض.. بصراحة هذا القانون تأخر كثيرا وكل ما أخشاه هو الإهمال في التطبيق.. بحيث يصبح القانون حبرا علي الورق.
وفي مواجهة سعادة غير المدخنين فهناك حالة قلق من المدخنين.. حيث أكد معظمهم ضرورة احترام القانون.. أما أغرب اقتراح أجمع عليه المدخنون فهو المطالبة بتخصيص أماكن خاصة للتدخين داخل كل مؤسسة يتم منع التدخين فيها!



--------------------------------------------------------------------------------

الله ينور

و الناس اهي ما شاء الله بتبطل و الحياة ما بتتوقفش

بالعكس بقو اصح و اسعد

http://www.nilemotors.net/Forum/view...3044&highlight

مستني ايه
رقدة على السرير لا قدر الله
و لا ايام تندم فيها على فلوس صرفتها في الهوا