بسم الله الرحمن الرحيم
الله المستعان
البيع اليوم فقط السياره مش محتاجه اى شئ الحاله العامه ممتازه ونظيفه رخصه بإسمى والله المستعان
النترا
2008
عداد 22500
مانيوال
الموتو والفتيس والعفشه والتكييف وباقى الكماليات تعمل بكفاءه
الحاله العامه ممتازه
السعر 79
الرخصه 30 شهر
مالك من الزيرو
الصالون كالجديد
الرجاء للجادين فقط والإستفسار فى التليفون وليس هنا 01227327709
المعاينه على الطبيعه افضل من الصور
الله المستعان
يعنى ايه البيع اليوم فقط يعنى لو جالك حد بكرة مش حتبيع و لا ايه :36_2_33:
اه يا فتك عشان محتاج فلوس اليوم وبكره لازم ادفع مبلغ منه ضرورى فهمت يافتك
طب اكتب سعر عدل عشان تتباع معاك بسرعة مش 2008 ومانيوال وب79
اقتباس:
المشاركة الأصلية كتبت بواسطة med
فعلا.. ال79 تجيبلك اوتوماتيك بره وجوه 2008 اصلا
لا حول ولا قوه إلا بالله بعتها الحمد لله
سعر البيع 79000 وكمان اخذت مصاريف الرخصه
لا حول ولا قوه إلا بالله بعتها الحمد لله
سعر البيع 79000 وكمان اخذت مصاريف الرخصه
ولا داعى للمبتزين والبخس فى البيع ابقوا اركبوا اتوماتيك خلصان عايز يترم من جوه ومن بره زى الفل اللهم لا تشمت فينا البخساء والتجار
شوفوا بقى الموضوع ده وياريت تفتحوا رابط الموضوع اللى انا حاطه فى اخر مشاركه لى هتعرفوا معنى كلامى
http://www.nilemotors.net/Nile/282311-2005.html
يا باشا فيه ايه.. مالك داخل شمال فينا كده ليه ربنا ياعم يرزقك بأحسن منها ... والله اعلم مين فينا اللى تاجر بقه .. واعوذ بالله من بخس ثمن الاشياء
ده فى عرف مين اشترى عربية 2008 ف 2007 يعنى بقالها 4 سنين ونص وبعد مايعدي عليها كل ده واركبها وازهق منها ابيعها ب79 وهيا كانت جديدة ب89 يعنى لو 2010 باعتبار ان فرق السنة بيعمل حوالى 4 الاف كانت بقت ب87 بعد سنتين اخسر الفين جنيه ولو 2011 كانت بقت 91 !!! وعلى فكرة العربية شكلها متباعتش اصلا يعنى اللى جه اشتراها حتى منزلش الف او 500 جنيه حتى مين بيطلب سعر وبيجلو نفس السعر وخصوصا لو سعر عالى مش لقطة يعنى
كلامك مظبوووط ميه الميه وانا مش عارف صاحبها داخل فينا شمال كده وبصراحه ده طالب فيها سعر خيالىاقتباس:
المشاركة الأصلية كتبت بواسطة med
المفروض ينزل السوق الاول ويشوف الدنيا ماشيه الازاى وبعد كده يحط السعر المناسب
وتقبلو مرورى
اولا العربيه إستلام 10/2008 وكانت ب 103 الف جنيه اخر الموديلات المحترمه
ثانيا بلاش تشغل بالك
ثالثا انا مش داخل شمال انا داخل يمين
رابعا كل سنه وانتوا طيبين
ربنا يباركلك وتركب السنوناتا ان شاء اللهاقتباس:
المشاركة الأصلية كتبت بواسطة samaha
بس لما تقول انك بعتها ب 79 انت كدا بتشتغل نفسك مش بتشتغلنا
وكمان دفعلك عليها مصاريف الترخيص
دة خروف صيني يا باشا:36_1_35[2]:
ارزاق بقى يا صديقى ومش كل العربيات زى بعضها وربنا يبارك لنا ولكم
اية ياعم انت داخل تبيع ولي تتخانئ مع الناس علي مهلك شوية وبعدين العربية دي في 2008 مش بالسعر ده خالص انا كان عندي اختها مانيوال استلام 10/2008 كانت ب 93000 والناس الي في المنتدي عارفاني وعارفة اني مش بكدب والعربية كانت معاية وبعتها للتغيير ب 2012 حاليا حرام عليك تضحك علي الناس بس هؤلك نصيحة لوجة الله مفيش حد عبيط دلواتي والناس كلها عارفة العربية دي توبها كام اتقي الله وتقبل التعليقات وحاول تتناقش مع الناس بهدؤ شوية ده لو انت فعلا عاوز تبيع
اولا لصدق كلامى ياريتىتروح معرض هورس موتورز وتسأل على عربيتى وبالإسم اللى هقولك عليه لما تروح وتكلمنى من هناك وعن السعر
ثانيا عيب لما تقول ان انت الناس تعرفك وانت مش بتكدب معنى الكلام إن انا بكدب وانا سنى فوق ال 40سنه عيب
ثالثا دى عربيتى مش عربيتك وانا بس إللى اقدر اقول انا شاريها بكام والوحيد إللى اقول السعر وإللى مش عايز يشترى يروح سوق الجمعه مليان عربيات مشمومه و عربيات سليمه وانت ونصيبك
رابعا سعر المستعمل بيتفاوت حسب حالة العربيه وانا عربيتى كنت بركبها فقط اسبوع فى الشهر مش كل يوم يعنى لما اقول السعر 80 الف يبقى من حقى ومش حق حد تانى وده عشان انا دافع فلوس كاش فيها مش لاقيها فى الشارع اخيرا ياعم انا بشتغل نفسى ده يزعلك فى ايه
على العموم من حكم فى ماله ما ظلم وده مالى وشكرا على كل من علق بتعليق لا يليق به فى الأول والأخر شكرا على كرم اخلاقكم وتعليقاتكم
اخوكم سماحه عضويه رقم 1770 يعنى من سنة كام قبل
بص ياباشا انا اولا مش بكدبك بس انا كان معاية اخت عربيتك بالظبط وفي الاخر في سعر سوق وانا اصلا مش هشتريها بس الغرض من النقاش هنا في المنتدي ان كل الي يئدر يفيد حد بيفيده وده الي احنا اتعودناة من المنتدي فكلامي ميزعلكش وعموما ربنا يوفئك في البيع باحسن سعر بس نصيحة اخ اصغر ليك راجع سعر السوق عشان حرام لما وحد يشتري عربية باغلي من سعرها بكتير دي امانة وطالما حضرتك سني فياريت تراجع نفسك تاني في السعر عشان الي يخدها يدعيلك مش يدعي عليك عاوز تاخد بالنصيحة براحتك مش عاوز ارمي كلام اخوك الصغير في البحر والله المستعان ومرة تانية متشكر علي كلامك الهجومي لية
حضرتك ليه بتقول انك بعتها خلاص وانت لسه عامل عنها اعلان في موقع dubizzle.com بتاريخ الامس وطالب فيها 85 الف ؟؟اقتباس:
المشاركة الأصلية كتبت بواسطة samaha
كمان حضرتك بتقول انك محتاج تبيعها النهارده فقط وانت عامل عنها علان في كونتاكت كارز يومي 3 واخر يوم 8مارس الماضي ؟فين بقي المصداقيه اللي سيادتك بتتكلم عنها؟ ربنا يوفقك ,تحياتي
اولا بالنسبه لموقع دوبيزول لعلمك فى واحده إتصلت بى من الأردن وقالت احنا ممكن نعمل إعلان لعربيتك بصراحه اتحرجت منها وقلتلها اعملى والى الآن إللى بيتصل بى بقوله على سعر 79الف مع العلم إنها اتباعت ثانيا حضرتك بتقول عامل إعلان فى شهر مارس حاول تفتحه هتلاايه يحولك على صفحة كونتاكت الرئيسيه والإعلاا مش بيظهر عشان انا مسحته وده للعلم واخيرا يا اخى البيع والشراء ليس له علاقه بسعر السوق وللعلم العربيه تم بيعها بالسعر إللى كتبته على العموم ياريت حضرتك تراجع مشاركاتىفى المنتدى وهتلاقى إن فيه عربيه لادا انا بعتها وكانت كمان من الزيرو قبل ما اشترى العربيه الإإنترا والله على ما اقول شهيد يعنى الموضوع كله ليس تجاره ولا غيره وربنا يبارك للكل وإن كان السعر غالى ف ده نتيجة إن العربيه بتاعتى من الزيرو وبحافظ عليها نتيجه إستخدامى الأقل من معتدل 5 او6 ايام فى الشهر وبقول على كل شئ فيها بما يرضى الله عشان ربنا يبارك مش زى التجار إللى بيبخس العربيات ويشتريها عشان يكسب هو
يعني انت عامل كل الاعلانات دية وكمان بتؤل البيع اليوم فقط راعو الله فيما تقدمون يا استاذ انت بتؤل انك سني وكمان عندك 40 سنة حرام عليك لما تكون سني و..........................
مع وافر تحياتي لحضرتك بس حرام تغش الناس
ياسيدى متشكرين وربنا يكرمك