الموضوع: هغير المساعدين ومحتاج الاراء

المونرو 400 سعر ممتاز انا شارى جى ام 450 من ابو غالى---عموما انا عمرى ما بركب حاجه فى العربيه غير اصليه حتى لو مسمار -دة انا لسه شارى تيل فرامل 240 جنيه من ابو غالى مع ان فيه بديل 45 جنيه-بس طبعا لو شوفت منظر العربيه هتصعب عليك بوهيه وصاج

هيه المساعدين ليها عمر افتراضى الزميل بيقول بقاله 3 سنين وشهور وتتعرف ازاى انا بايظه

المشاركة الأصلية كتبت بواسطة acoount

هيه المساعدين ليها عمر افتراضى الزميل بيقول بقاله 3 سنين وشهور وتتعرف ازاى انا بايظه

ملهمش عمر افتراضى بس فيه ناس بتقول تتغير كل 50 الف بس شوف انا ماشى بيهم فوق 100 الف كيلو وهمه زى الفل وممتازين عندى وكانهم لسه راكبين---لو بتفكر تغير اوعه تشترى المساعدين الى 220 جنيه للجوز كورى همه--دول اخرهم اربع شهور وترميهم---
تعرف انهم بايظين لو فيه تخبيط ---او بقت العربيه خفيفه واى تموج فى الطريق يهزهها--او تضغط جامد على جنب العربيه وتسيب مرة واحدة لو لقيتها عماله تتهز يبقه جاب اخرة
انا بقه عاوز اغير ليه--اخدت ملف على 190 والعربيه مالت جامد ولو كنت دوست فرامل كنت خرجت من على الطريق---فبدور على مساعد اقوى من الاصلى الى انا مركبه من اجل الثبات فقط

المشاركة الأصلية كتبت بواسطة mero100

انت ايه حكايتك بقه

ملف علي 190 ؟؟؟؟؟؟؟؟؟؟؟؟؟؟؟؟؟؟

انا خايف عليك و متابعك هنا علي المنتدي ..... شد و 190 و 200 .....ايه يا ريس السرعات دي ....خلي بالك علي حياتك .... اكيد فيه ناس بتحبك و عاوزينك ..

ارجو تخلي بالك من السرعات العاليه ......في النهايه انت راكب كتله حديد بتجري علي اربع فرد كاوتش مليانين هوا ....... ( انصحك كأخ )

لا دى اول مرة اتهور واخد ملف على السرعه دى وكان احساس صعب جدا لان الطريق نسبيا قفل ولو كنت دوست فرامل كنت اتقلبت لا يوجد abs وخطر الفرامل على الملفات جدااا--بس الحمد لله ربنا سترها وعدت

المشاركة الأصلية كتبت بواسطة mmamdouh

افضل 3 انواع مساعدين...

حاجتين ملهمش تالت...

Monroe

mmamdouh

بس كدة بقوا اربعه مالهمش خامس