ههههههههههههههههههههههههه هههههههه ياراجل 128 ومش عارف يدورها امال لو سيراتو كان حيعمل ايه هههههههههههههههههه
عموما الموضوع بسيط جدا اى صبى كهربائى حيعرف يدورهالك
ولو هو بيفهم فى الفك والتركيب اقولك يعمل ايه
حيفك الزور البلاستيك اللى فوق القطمه اللى هو تحت الدركسيون وده مربوط ب 4 مسامير
وحيلاقى طبله الكونتاك داخل فيها فيشه بلاستيك وطالع منها 4 اسلاك والفيشه دى المفروض مربوطه بمسمارين يفك المسمارين ويطله البسكوته او الفيشه دى
حيلاقى فيها 2 زرار او بمعنى تانى حتتين بارزين لو ضغطت على واحده فيهم الكونتاك حينور ولو ضغطت على التانيه العربيه حتدور
ده لو عاوز يدور العربيه بنفسه لاقرب بتاع مفاتيح
بس انا افضل انه يفك طبله الكونتاك ودى محتاجه مفتاح 13 او 10 مش فاكر ويفك الطبله ويروح لاى واحد بتاع مفاتيح يعمله مفتاح عليها ويرجع يركبها تانى
على فكره هو ممكن يفط الطبله ويرميها ويجيب واحده جديده بمفاتيحها بس النوع النضيف ب 120 جنيه والصينى ارخص بس اوعى يجيبها لانها بتعلق وتبوظ وحتعمل مشاكل
المفضلات