-
الابيزا تحت الاصلاح
كنت وعدتكم منذ شراء المرسيدس بموضوع الابيزا تحت الاصلاح و الابيزا فعلا دخلت اول امبارح تحت الاصلاح و التجديد.......
العربية لسه فيها لحد دلوقتي دهان فابريقة السقف و البابين اللي ورا و الشنطة اللي اترش بس النص الادماني كان عبارة عن خبطات بسيطة مش حاجة مؤثرة تجريحات بالهبل و ترييحات كده يعني
عموما الحسنة الاولي للمرسيدس انها حلت عقدتي الاولية ان الابيزا تتوضب و شكلها يتظبط
الابيزا تحت الاصلاح:
عناصر الموضوع:ميكانيكا-سمكرة-دوكو-صالون.
ميكانيكا:
العربية كموتور عاملة دلوقتي 394,800 كيلو الموتور الحمد لله كتقدير ميكانيكي حالته 65% بس ده تقدير تقريبي لو قست كبس الموتور هيبقي اعلي و هتجيب بظبط و الاداء علي الطريق لا يقل عن 70%
احتياجات الميكانيكا:زي ما قلت قبل كده موبينا الفابريقة ضربت من شهر و طلعا المشط متصل بالموبينا و الاسبراتير اتفك الاسبراتير و هو بيتركب تاني اتركب غلط بالتالي درات و مفيش دقائق و الاسطوانة اتكسرت مش هقول الا(حسبي الله و نعم الوكيل)
ملحوظة:شكر حاااااااااااااااااااااااا ااااااااااااااار و خاص لصاحبي و حبيبي دكتور_عيشو اللي لحقني و جابلي اسبراتير اصلي الماني استيراد من دمياط و ركبته وشغال زي الفل الف شكر يا عيشو ربنا ما يحرمك مني ههههه:)
-العربية كميكانيكا محتاجة زيت موتور فقط بالفلتر بغير الفلتر مع كل تغييرة زيت
الحمد لله كل ما تحت كبوت العربية سليم و زي الفل بس عايز غشلة بالجاز و اظبط السلوك اللي طالعه كده من كل مكان و مخليه الشكل وحش جدا في الموتور
سمكرة:
العربية دلوقتي دخلت السمكرة دخلت تحديدا يوم 7\6\2008 الساعة 6 المغرب
السمكرة اللي فيها مش كتير الكبوت بس متريح عليه كده و ومش مظبوط كنت خابطها انا خبطة صغيرة من ورا فخلت باب البومبيه من ورا مش مظبوط العتبة السمال بالذات فيها بارومة من ادام مش كبيرة بس هتفتح و العتبة اليمين مخبطة جامد و فيها بارومة في النص مش شديدة برضه بس و الكرتيرات فيها بداية بارومة من تحت و اسيبكم مع الصور....
من ادام
http://www.cars-club.com/up/8-2-1/carsclub_22177810.jpg
رفرف ادام يمين بالكبوت
http://www.cars-club.com/up/8-2-1/carsclub_82650536.jpg
رفرف ادام شمال بالكبوت
http://www.cars-club.com/up/8-2-1/carsclub_18053863.jpg
الجنب الشمال
http://www.cars-club.com/up/8-2-1/carsclub_16268818.jpg
الجنب اليمين
http://www.cars-club.com/up/8-2-1/carsclub_59490317.jpg
الخبطة بتاعتي في بومبيه العربية من ورا
http://www.cars-club.com/up/8-2-1/carsclub_41047992.jpg
دي اكبر حته بارومة عندي في العتبة الشمال
http://www.cars-club.com/up/8-2-1/carsclub_12931387.jpg
اعمال السمكرة لسه مخلصتش و هتابع معاكم بالصور و الاخبار و لما تخش الدوكو هجيب الصور و ارفعها هنا لاخواتي في نايل موتورز و الموضوع لسه هيفضل شغال تابعوا معايا و هقول كل الاخبار بالاسعار و الاماكن و الصور
-انا بعمل السمكرة و الدوكو قريب مني هنا بعديا بشارعين تلاتة كده و و هي ورشة كبيرة و الراجل طلب في السمكرة و الدوكو علي فكرة الدوكو هيكون كامل مش مناطق مناطق كلب 1333 جنيه و انا خلصت معاه علي 1000 جنيه و الشغل حتي الان بصراحة متساوي و ظبط البومبيه من ورا و لسه هيكمل و الصراحة ايدهم هناك حلوة و بيظبطوا العربية و ظبط الكبوت خلاه زي الاول
تابعوا معايا الاخبار و هقولكم كل التطورات:3gears:و ادعولي اخلص علي خير
-
ربنا يعينك علي الهم ده انا كنت لسه انهارده بعمل شغل سمكرة في عربيتي الفيرنا (ليها موضوع في منتدي هيونداي ) بجد الواحد كان راجع في منتهي التعب وربنا يخلصلك العربية علي خير وتبقي تابعنا بالصور علي طول
-
ربنا يقويك
بس برضه خليك معاها و خد بالك من شغل الصنايعية لإن مهما كان ممتاز لازم تبقى واخد بالك كويس
بصراحة انا طول عمرى بحب الإبيزا بالذات الموديل ده...بس بعد كلامك عليها انا حبيتها أكتر
ربنا يباركلك فيها و عقبال النتائج النهائية
-
ان شاء الله تخلص على خير ونحتفل بيها
-
الف شكر يا باشا انا بس كتبت حاجة غلط هو طلب 1300 مش 1333 و ربنا يعينك و يستجيب لدعوتك ليه:)
-
الف شكر يا عمرو باشا عقبال ما تجيب ابيزا 2009 :):) و انا اختارت الراجل ده بالذات عشان جنبي و عيني تبقي عليه و كمان شغله كويس
-
متشكر جدا يا محمد على الرسالة
و الموضوع شكله جميل و احنا متابعين معاه
بس هو لون العربية اصلي كحلي ولا ايه
-
لا يا باشا ده لون الفابريقة بتاعها مش مغيره انا ولا والدي غيره هبقي اصورلك الدواخل:)
-
-
يلا عاوزين نشوف الشغل اللي هوا
Content Relevant URLs by
vBSEO 3.6.0 PL2