ربنا سترها وكان زمانكوا بتقروا عليا الفاتحة

الحمد لله ربنا سترها بجد
اول امبارح يوم الخميس الساعة 10 الصبح ماشي على الدائري على سرعة 100 -120 ومتوجه لأكتوبر كالعادة
فجأة لقيت حاجة بتتنطط الناحية التانية من الطريق وداخل على الاتجاه بتاعي في وشي !!!
اتاريها كوتشة بالجنوط لعربية تريلا سابت منها والله اعلم
طبعا انتوا عارفين ان لو عجلة زي دي دخلت فيا هتعملني كفتة
محستش بنفسي الا وانا بتفادا العجلة دي بطريقة تخلي العربية تتقلب او تعوم وطبعا كسرت الدريكسيون جامد جدا وانا على السرعة دي لاني مفكرتش ادوس فرامل
الحمد لله على كل حال فديتها بأعجوبة بفضل ربنا سبحانه وتعالى اولاً ثم العربية ثانية
بجد احترمت العربية دي جداً بالرغم المشاكل اللي مضيقاني بس انها تكون سبب في الحفاظ على حياتي دي حاجة اقدرها جداً ليها لانها معامتش مني ولا عملت اي حاجة وحمدت ربنا طبعا على كدة
طبعا مبصتش ورايا بعد ما اتفاديت العجلة دي وعند بنزينة تمويل دخلت وقفت على جنب شوية اريح اعصابي من اللي حصل
طبعا ربنا سترها بجد وحسبي الله ونعم الوكيل في المتخلفين بتوع النقل دول والطريق الدائري

الحمد لله...احمد ربنا ان معكش فيرنا...لاني مجربها في المواضيع دي ...كفته...جمد الله علي سلامتك

حمد الله على سلامتك، وفعلا البروتون لا غبار عليها في موضوع الثبات.. تحياتي

الحمد لله ربنا سترها الحمد لله

الف حمدلله علي سلامتك
قل لن يصيبنا الا ما كتب الله لنا
صدق الله العظيم

انا كمان حصل معايا موقف مشابه
العربية الي قدامي (سوزوكي فان) حاطط الأستبن فوق السقف

فجأة نطت من فوق عربيته متوجه ناحيتي
سبحان الله نزلت علي الأرض بيني وبينه وراحت ناطة في الهوا لفوق
قرصت وقربت منه قوي وبفضل الله عدت من فوق عربيتي

بس الكوميدي ان وانا بعدي من تحتها روحت ماسك الدريكسيون وموطي راسي

هههههههه

قدر الله وماشاء فعل

والله المستعان
،
،

قدر الله وما شاء فعل
وحمدلله على سلامتك
احمد ربنا
وحسبنا الله ونعم الوكيل فى سواقين النقل
هما السبب فى 99% من حوادث الطرق
كل لما اسمع عن حادثة لازم يطلع فيها سواق نقل طرف فيها

الحمد لله على سلامتك
ايه يا رجالة المنتدي اتحسد ولا ايه
انت وفارما واخ تالت لسة من شوية العربية مولعة منه
ربنا يسترها على الجميع
قولو امين

سبحان الله الحوادث كتيرت ع المنتدى مش عارف ليه
ع العموم الحمد لله ربنا سترها وعديت ع خير
مش عارف اخرة الاستهتار اللى الطرق دى ايه بس

والله المنتدى فى حاجه يارجاله ايه كمية الحوادث دى ربنا يسترنا ويحفظنا انا لازم اكلم كريم علشان نبخر المنتدى

انا لسا داخل اقول حمد لله عالسلامه وايه حكاية المنتدى النهارده؟؟!!!


ربنا يسترها عالجميع

ربنا يسترها معانا جميعا يارب مش عايز انكد عليكم

بس امبارح ماشي على اليمين على حوالي 70 وقدامي بشويه تاكسي ووقف والله العظيم ما معاه انواع خالص لا نور فرامل ولا نور ستوب ولا اي حاجه ووقف مره وحده وانا مش واخد بالي بهرج مع صحابي

واحلي حاجه بقى ان صحبي بيتريق عليا عمال يقولي يا يسري لانه كان عنده مدرس انجليزي اسمه يسري وانا حالق قرعه زييه ف عمال يقولي يايسري يايسري وبنضحك

وفجاه لقيته اتخض جامد وقالي حاسب يا يسرىىىىىىى

رميت شمال على قد ما اقدر وشايف قدامي كده الفانوس اليمين وهو بيعدي من ورا الاكصدام ولازق فيه بس الحمد لله عدت على خير ومتلمستش

حمدلله ع السلامة يا باشا ..
--

انا حاسس اني دخلت قسم الحوادث مش العام من كتر الحوادث الي علي الصفحة

الف حمدلة على سلامتك يا باشا
وادينا احنا كمان بنتعمل منك درس
وحسبى الله ونعم الوكيل فى كل سواق مستهتر

الحمد لله على كل شىء والحمد لله ان ربنا سترها معاك

كام حصل حاجه زى دى كده لقيت تريلا الفرده بتاعتها فلاقعت و ماشى الباشا بيها ولا هو هنا ولا اكن فيه حاجه حصلت

و الكاوتش قاعد يتقطع و يترمى على الطريق و على الناس الى بتعدى من جمبة كلاكسات مفيش نور مفيش و هو برضه ماشى لحد ما بقا على الجنط و برضه مستمر

لا حول ولا قوة إلا بالله
الحمد لله إنك بخير

حمد لله على السلامة

حمدا لله على سلامتك و قدر الله و ما شاء فعل

ألف حمد الله على السلامة... ربنا سترها معاك
‫ما راح فيها الا راعي التكسي‬‎ - YouTube

حمد الله على السلامة جميعا ، وربنا يحفظكم جميعا

الحمد لله ان ربنا سترها .وحمد الله على سلامة حضرتك

حمدا لله على سلامتك وربنا يحمينا جميعا من شر الطريق

ألف حمد لله على سلامتك من الموقف دة

الف حمدالله عالسلامة و ربنا يستر طريقنا جميعا

حمدلله ع السلامه
وربنا يرحمنا من تخلف سواقين النقل ومن اللي بيعملو الطرق اللي مليانه حفر والكباري اللي مليانه فواصل معموله غلط

حمد الله على السلامه يا باشا ودى اهميه انك تركب عربيه محترمه مش عربيه ورق مفيهاش اى مواصفان امان وسلامه

الحمد لله انها عدت على خير والله الواحد لو بأيده يركب المانى بس احنا فى بلد زباله حسبى الله ونعم الوكيل فى بلد الصينى

قدر الله و ما شاء فعل
حمد الله على السلامة
المنتدى فى كمية حوادث تخوف
ربنا يسترها

الحمد لله على سلامتك وربنا يسترها مع الجميع

متشكر ليكم يا اخواني
الحمد لله على كل شيء وربنا يسترها عليا جميعا وعليكم بأذن الله

حمدلله ع السلامة

الحمد لله على سلامتك أخي الكريم وقدر الله وماشاء فعل

المفروض بتوع النقل دول يخلو بالهم لأنهم متسببين في حوادث كتير حسبي الله ونعم الوكيل.