الموضوع: الشراعة اتفشت

المشاركة الأصلية كتبت بواسطة تامر.محمد

امبارح كنت في التحرير , و ركنت العربية في الشارع اللي فيه دار الاوبرا
رجعت لقيت الشراعة الزجاجية اللي في باب العربية الخلفي شمال (اللي ناحية الشارع) مدغدغة و الكنبة الورانية غرقانة قزاز , و العربية كأن امن الدولة مفتشها , كل الادراج مفتحة و كل حاجة على الارض
الحمد لله لحد دلوقت - فيما اذكر يعني - مافيش حاجة كانت في العربية تتسرق

المهم اني بعدها طلعت على صقر قريش , و ربنا ابتلاني باتنين بتوع قزاز خربوا لي الدنيا و ما عرفوش يربطوها تاني اصلا , واحد فيهم ان شاء الله له بوست في القائمة السوداء , و بعد كده لفيت لحد ما وصلت لبتاع بيبان عند بتوع رينو فك الليلة كلها و ربطها تاني

الحمد لله على كل حال وقدر الله وماشاء فعل المهم انك بخير .... ربنا يعوضك خير إن شاء الله ويحفظ لك ممتلكاتك ... اللهم آمين
بس انت كنت في التحرير مشارك في المليونية ولا انت كنت جاي بصفة مراقب من التيار الليبرالي ...... !!!! عموما التحرير وماهو محيط به الحكومة سايبة اديها على الاخر هناك هي بتحمي المتحف والسفارات ومالهومش دعوة بأي حاجة هناك انت تحمد ربنا انها جت على قد كدة في ناس اتخدت عربياتها من هناك ...!!!
اما بخصوص الصنيعية من ساعة ما الترامدول ومشتقاته الحكومة شدة حيلها عليه وعلى تجارته والصنيعيه بقو فستك خالص ... إلا من رحم ربي خصوصاً ان البدائل مش جايبه نتيجه ...