احذر من اهمال الكاوتش الخلفى

**houras1010** · 14-04-2012 07:52 PM

فى ناس كتير بتجيب كاوتش جديد امامى وتهمل الخلفى مع انه خطر جدا يبقى تعبان او ضغط الهوا مش سليم لأنه بيحدف العربيه فى الملفات حتى على سرعات بطيئه نسبيا ويعوم ويخلى التحكم فى اتجاه العربيه صعب ودى مشكله كبيره لو عربيه بتاخد الملف معاك

**Mohab555** · 14-04-2012 11:19 PM

شكرا على نقل التجريه و النصيحة ..

**Elawany13** · 15-04-2012 09:39 AM

أنا شوفت حادثه قدام عنيا بسبب انفجار الكاوتش الخلفى

أنا لما بسافر ويكون الطريق بيسمح بالسرعه بتكون سرعتى من 100 الى 110 كم/س
واحيانا بتوصل الى 120 كم/س
من اسبوعين تلاتة وانا راجع من اسكندرية على الطريق الزراعى
كان فيه حته قبل دمنهور أو كفر الدوار الأسفلت فيها لسه متجدد وشكله يفرح
وسبحان الله الطريق كان تقريبا فاضى تماماً فى اللحظة ديه
والطريق مستقيم تماماً
الشيطان وزنى وقولت اجرب كده أشوف آخر العربية الشاهين كام
دوست على دواسة البنزين على الآخر لاقيت العربية بتتسارع وجابت 140 كم/س
ولسه بتجيب وماشاء الله العربية كانت كويسة وكانت كل حاجه عادية ومستقرة فى العربية على السرعه ديه
وفى اللحظة ديه على الطريق المقابل فى الجهة الأخرى لاقيت عربية سكودا فليشا بتتطوح
وبتخبط فى الحاجز الخرسانى اللى فى وسط الطريق
وفجأة انحرفت بزاوية شبه قائمة الى اتجاه اليمين ووقعت عموديا على بوزها على جانب الطريق فى منحدر خطير زى ما يكون ترعه
وقفت فورا علشان احاول اقدم المساعده ويادوب على ما عديت الطريق سبحان الله مش عارف الناس ديه كلها جت منين
وخرجوا الراجل وزوجته وابنهم طفل فى المرحلة الإبتدايئة والحمد لله خرجوا سلام بس طبعا منهارين نفسيا
سبب الحادث ان الكاوتش الخلفى انفجر فجأة
واكيد كان على سرعه عالية فالعربية عامت واختل توازنها
ان استغربت بصراحة ان انفجار الكاوتش الخلفى يعمل كل كده !!!
كنت متخيل ان الامامى بس هوه اللى خطر
واستغربت كمان من الكلام عن ثبات وتقل الفليشيا

الغريب ان هذا الحادث حصل فى نفس اللحظة اللى انا جبت فيها 140 كم/س وكنت لسه بكمل
وده يعتبر رقم قياسى فى السرعه بالنسبة ليا
سبحان الله الدرس جالى فى لحظتها
وقولت لنفسى اياك تتهبل تانى !!!
وكملت الطريق طبعا على سرعه لا تتجاوز 80 و 70 كم/س
ربنا يستر طريقكم وطريقنا

**M.Elgergawy** · 17-04-2012 11:00 AM

شكرا على المعلومة والافادة

**adhamhossam** · 18-04-2012 06:40 PM

كلامكم مضبوط 100% و عن تجربة
نصيحة فعلن بعدم إهمال الكاوتش الخلفي

**Inteltech** · 12-05-2012 10:40 PM

السلام عليكم ورحمة الله
الكاوتش الخلفي اقل مليون مرة بالخطورة من الكاوتش الامامي بحالة الانفجار بس المصيبة فين في حاجتين ان السواق يتخض ويقوم مفرمل مباشرة وده اللي هيخليه يفقد التوازن مية بالمية المطلوب وقتها انه يمسك الدركسيون باحكام بايديه الاتنين ويشيل رجله عن البنزين نهائي لحد ما العربية تهدى شوية وبعدها بينزل بغيارات عكسية تحكم العربية بس على مسافة يعني وبالاخير خالص بيفرمل ويقف لما خلاص يكون بحدود سرعة 40 - 50 غير كده انسى انه يسيطر سواء خلفي ولا امامي ودي عن تجربة حصلت معايا بانفجار كاوتش الصيف الماضي مش عن كلام نظري . واتمنى السلامة للجميع