أبشع حادثة شفتها في حياتي (النهاردة) صعبة الوصف
علي طريق ترعة الأسماعيلية ... من منزل مسطرد لحد مسطرد نفسها
في المنطقة بتاعة pepsi ومصنع national
كنت ماشي وبسرعة شوية وفجأة الطرق هدي جامد
المنظري ( view ) عشان هو ده اللي أثر عليا جداااا
تقريبا كانت الساعة داخلة علي واحدة الضهر
حسيت الدنيا غيمت شوية وبقا النور قليل
والمنظر تحول لمناظر الأفلام بعد أنتهاء الحرب في مكان
كل حاجة مكسرة ودخنة خفيفة والناس ماشية عالتكسير
معلش متأثر شوية
من الأخر
في أتجاهي انا : أتوبيس نقل عام وباصص في الأتجاه التاني يعني كأنه ماشي عكسي
الناحية التانية : عربية شيفروليه لانوس نبيتي وكانت برضه وشها في عكس الأتجاه اللي هي فيه
في حاجز خرصاني بين الطريقين وسليم
اللي ظاهر علي الأتوبيس ... انا هقول تحليلي من الأخر ... الأتوبيس ده طار في الهوا وأتقلب كذا قلبة
الكابينة متفرتكة ومفيش مكان للسواق ... الدركسيون متفرتك
مفيش عجل قدام والأوتوبيس عالأرض
الجزء اللي تحت في الأوتوبيس اللي هو بيبقي فيه التانك والات الجر والكلام ده ... متفرتك
السقف متطبق جامد
الأجناب متطبقة
الكراسي مش في مكانها
مفيش حتة أزاز سليمة
جميع السوائل اللي في الأوتوبيس كانت عالأرض متجمعة .... انا مشيت في جاز وزيوت ومية وأزاز ودم
تقريبا الحادثة مفاتش عليها كتير
كفاية وصف عن الأوتوبيس
اللانوس :
منظرها الأوتوبيس كدة عدي من فوقيها وفعصه من فوق ومش هوصف أكتر من كدة
أول مرة أشوف حادثة ومعرفش عن حد حاجة فيها وأعيط !
ربنا يرحم اللي ماتوا
حد شاف الحادثة ده أو يعرف ايه اللي حصل ؟