الجزء الثاني من سلسلة سلوكيات القيادة - الحلقة الثالثة (افساح الطريق لسيارة الأسعاف)

**ma7amadk** · 15-04-2012 02:25 PM

للأسف معندناش ثقافة إفساح الطريق للإسعاف أو المطافي
وكلنا ناسيين إن النص دقيقة اللي كل واحد فينا ياخدها عشان يدخل في الحارة اللي جنبيه ويوسع طريق للحالة الخطرة اللي بتنادي وراه دي
ممكن النص دقيقة دي تفرق في إنقاذ روح بني آدم في عربية الإسعاف
وممكن النص دقيقة دي تفرق في إنقاذ روح بني آدم تعرض لحادثة ومستني عربية الإسعاف
أو روح بني آدم محجوز وسط حريقة والمطافي ما لحقتش توصله
وفي الآخر نرجع نتريق عليهم ونقول بيوصلوا زي الأفلام العربي بعد فوات الأوان
واحنا أصلا السبب في كده
ربنا يسترها علينا ويهدينا أجمعين
ويكفينا شر الحوادث
آمين

**SYD** · 15-04-2012 09:16 PM

المشاركة الأصلية كتبت بواسطة _hema

اشكر حضرتك على الموضوع

واتمنى ان كل سائق فى بلدنا يكون لديه ثقافه مروريه

كل الود لحضرتك

انا الي بشكر حضرتك علي المرور
فعلا اصبحت امنية

المشاركة الأصلية كتبت بواسطة M.belal

والله فعلا موضوع العربيات الملاكى اللى بتحط سرينه الاسعاف ده مستفز جدا
الواحد بقى شبه متعود عليه وممكن ميجيش ف دماغه انها اسعاف اساسا

دي حقيقة
انا لما بسمع السرينة
ببص في المراية الأول
أتأكد انها عربية اسعاف ولا شاب بيروش

المشاركة الأصلية كتبت بواسطة moh19227

الف شكر ع التنبيهات وياريت الكل يلتزم

ياريت

المشاركة الأصلية كتبت بواسطة exact

أزمة أخــــــــــــــلاق

معاك حق والله

المشاركة الأصلية كتبت بواسطة HRH_Sameh

انت حطيت ايدك ع المشكلة وأسبابها فعلا
ودي مشكلة عويصة حلها هيبقى مع مشاكل كتير فينا مش هتتحل لوحدها
دي عايز تغيير شامل في منظومة حياتنا ونظرتنا للأمور

فعلا
المشكلة احنا الي صنعناها
Made in Egypt
بس ان شاء الله الي جاي افضل

شكرا علي مرورك

**SYD** · 15-04-2012 09:18 PM

المشاركة الأصلية كتبت بواسطة night_whisper

موضوع مميز من شخص مميز

بس مع الأسف صعب يتحقق فى مجتمع غابت فية الأخلاق
أتمنى أعادة تأهيل الشخصية المصرية
و مع الأسف بناء الشخصية و الأخلاق أصعب بكثير من بناء و أعمار البلاد
تحياتى و تقديرى لشخصكم الفاضل

ربنا يخليك ويعزك

بس مش صعب ولا حاجة
شوية توعية وحملات اعلانية وكله ان شاء الله يبقي تمام

نورت الموضوع

**SYD** · 15-04-2012 09:20 PM

المشاركة الأصلية كتبت بواسطة ma7amadk

للأسف معندناش ثقافة إفساح الطريق للإسعاف أو المطافي
وكلنا ناسيين إن النص دقيقة اللي كل واحد فينا ياخدها عشان يدخل في الحارة اللي جنبيه ويوسع طريق للحالة الخطرة اللي بتنادي وراه دي
ممكن النص دقيقة دي تفرق في إنقاذ روح بني آدم في عربية الإسعاف
وممكن النص دقيقة دي تفرق في إنقاذ روح بني آدم تعرض لحادثة ومستني عربية الإسعاف
أو روح بني آدم محجوز وسط حريقة والمطافي ما لحقتش توصله
وفي الآخر نرجع نتريق عليهم ونقول بيوصلوا زي الأفلام العربي بعد فوات الأوان
واحنا أصلا السبب في كده
ربنا يسترها علينا ويهدينا أجمعين
ويكفينا شر الحوادث
آمين

أمين يا رب العالمين
فعلا الوقت اهم من أي عامل اخر

شكرا علي مرورك

**SYD** · 20-04-2012 10:23 AM

المشاركة الأصلية كتبت بواسطة mr_vampire

في الدول اللي بتفهم بيعملو الخانة اللي عالشمال للطواريء ( اسعاف - مطافي - شرطة ) وليك انتا كمان في حالة الفرامل ماسعفتش تلاقي حارة تدخل فيها بدل ماترشق في اللي ادامك. وبيعملوها بطريقة متخليش حد يعرف يمشي فيها ( فيها تكسير كدة ) واللي يمشي فيها يتخالف.

وياريت يارجالة نبطل الجري ورا عربية الاسعاف بغرض انه بيفتحلك طريق بسرينته. منظر مستفذ جدا. وكمان متوتروش الراجل اللي سايق الاسعاف بسبب واحد غتت لازق في قفاه وسيبوه يوصل الحالة اللي معاه في امان الله يكرمكو.

فعلا انا كنت شوفت حلقة في التليفزيون علي ناشيونال جيوغرافيك كان في فعلا حارة وعاملين حروفها بالأحمر للخدمات واخري بالأصفر للأوتوبيس

شكرا علي مشاركة حضرتك
واتمني فعلا الناس تبطل تجري ورا عربية الأسعاف

والله المستعان
،
،

**SYD** · 14-05-2012 01:30 AM

النهاردة دمي اتحرق بشكل لا تتخيلوه
انا راجع من شغلي وماشي علي مهلي وبصراحة مش قادر اجري او اركز اصلا بعد يوم عمل 13 ساعة من 9 الصبح ل 10 بليل
ماشي في شارع مراد ونزلت النفق
ماسك شمالي وماشي بسرعة متوسطة حوالي 50
سامع صوت سرينة اسعاف
ببص في الرماية لمحت الفنار
في ثانية كانت العربية لازقة في ظهر ومثبت ايده علي السرينة بس علي الصوت التاني منها مش الصوت المألوف (كأنها عربية شرطة)
شغلت الأشارة يمين عشان افسح الطريق
اتاري هو مضطر يمسك الشمال لأن في شاب روش راكب جولف 4 ومصمم يشد معاه
كل ما اقرص علشان اخد يميني
الشاب يقرص معايا ومش عايزني ادخل قدامه
فضلت ازود واحرق لحد لما طلعت منه وعديت الأسعاف

بجد منتهي الأستهتار وال لا مبالاة
واول لما فتحت الطريق للأسعاف
راح الشاب الروش طلع مني وطار وراه

معرفش دة بيفكر ازاي
عايز يثبت لنفسه ايه ؟؟

ربنا يهدي الجميع ويصلح الحال

والله المستعان
،
،

**SYD** · 14-05-2012 07:41 PM

المشاركة الأصلية كتبت بواسطة mr_vampire

في بعض الاحيان بيبقي حد من عيلة الحالة اللي فالاسعاف وبيجري وراها عشان ميتوهش منه. بس برده ميتغباش ويلزق فيها بدل مايتسبب في كارثة تانية.

ولو مكانش مع الحالة يبقي بيثبت فعلا انه حمار وحمار كبير كمان وعلي فكرة سواقين الاسعاف دول معلمين والعربية تقيلة وعفية وبتجري واي حاجة هيعملها محدش هيقدر يفتح بقه معاه...

ربنا يهدي....

تفتكر انه لو كان من اقارب المريض كان هيقفل عليا ومايخلنيش اعدي عربية الأسعاف ؟؟؟
بجد سلوك الناس من سئ الي أسوء

ربنا معانا

الموضوع: الجزء الثاني من سلسلة سلوكيات القيادة - الحلقة الثالثة (افساح الطريق لسيارة الأسعاف)

LinkBack

أدوات الموضوع

عرض

-

-

-

-

-

-

المواضيع المتشابهه

سلسلة سلوكيات القيادة الأمنة - الحلقة السادسة (القيادة الليلية)

سلسلة سلوكيات القيادة الأمنة - الحلقة السادسة (القيادة الليلية)

سلسلة سلوكيات القيادة الأمنة - الحلقة الخامسة (الأنشغال بغير الطريق)

سلسلة سلوكيات القيادة - الحلقة التاسعة (الأنتظار الخاطئ)

الكلمات الدلالية لهذا الموضوع

المفضلات

المفضلات

ضوابط المشاركة