كيت للتحكم بالعربية من الموبايل

**NaderNabil** · 14-06-2008 03:02 AM

طب ما أنا شوفت اجهزة انذار بيركبلها شريحة زي الموبايل بالظبط و بتشحنه رصيد كل شوية...و ارسال و استقبال الأوردر بيبقي عن طريق Sms

**Ahmad Allawy** · 14-06-2008 12:01 PM

المشاركة الأصلية كتبت بواسطة HNaga

فيه بلوتوث كلاس 1 ده 100 متر على ماأعتقد
انا مقريتش الموضوع بالتفصيل لسه

لا موضوع الكلاس 1 ده انا معنديش عنه فكرة..
اخر عهدي بدراستها كان من 3 سنين كده و كان اقصي رينج ليها 10 متر تقريبا..
الموضوع محتاج قراية اكتر فعلا..
بس النقطو انهم اصحاب الفكرة مش هيكونوا شارحين الفكرة لعي الملأ..
بس ممكن يكونوا مديين نبذة عنها..

**HNaga** · 14-06-2008 12:17 PM

موضوع الكلاس 1 ده انا جربته عشان الكمبيوتر فى العربية
كنت عايز واحد يلقط المكالمات المهم رحت تكنولوجى مول طبعا ماحدش عارف بس واحد قاللى ياباشمهندش هات ماركة محترمة هتلاقى فيها الموضوع ده
المهم MSI 3x Star Key و جربته فى الشركة لاقيته لاقط كمية لابتوب وموبايلات كتير جدا
أكثر من البلوتوث اللى فى اللاب توب بمراحل ولما جربته على الكمبيوتر كان التصال ثابت مش زى الصينى اللى هنا

1

**HNaga** · 14-06-2008 12:23 PM

المشاركة الأصلية كتبت بواسطة NaderNabil

طب ما أنا شوفت اجهزة انذار بيركبلها شريحة زي الموبايل بالظبط و بتشحنه رصيد كل شوية...و ارسال و استقبال الأوردر بيبقي عن طريق Sms

ماركة ايه ده يانادر؟
انا اللى اعرفه اللى بيركبله شريحة عشان يبعت إس إم إس فى حالة السرقة

**farahat** · 14-06-2008 12:46 PM

السلام عليكم يا شباب
معلش إستحملوني هقول حبة معلومات بحكم خبرتي في المجال :
البلوتوث في منه ٢ كلاس ، class-1 و- class-2 , بالنسبة إلى class-1 د بيكون المدى بتاعه ١٠٠ متر ذي ما هشام قال و class-2 دة بيكون ١٠ متر فقط ، و الاتنين معدل نقل البيانات فيهم متوسط و بالتالي ينفعو في اغراض التحكم أو نقل بيانات بسيطة ذي الصوت مثلاً . عيبه انك لازم تعمل pairing في الاول بين الجهازين عشان يكلموا بعض . يعني عشان تخلي الموبيل بتاعك يتعامل مع العربية مش هينفع تستعمل سماعة بلوتوث ، و لو استعملت سماعة أو وصلت الموبيل مع كمبيوتر هتلاقي نفسك لم تيجي جانب العربية لازم تظبطهم تاني عشان يشتغلوا مع بعض ، يعني حدوتة و من الاخر مش هو د الاستخدام الامثل للبلوتوث .

طيب إيه إلي بيحصل في جهاز ذي كدة ؟
بيبئة وصل بين الموبيل بتاعك وال موبايل إلي جوا الجهاز إلي في العربية يا إما عن طريق SMS ذي ما أحمد علاوي قال أو عن طريق GPRS لنك مفتوحة علطول مع العربية لتبادل البيانات مابينهم .
بعض كدة وحدة الجهاز إلي بتكون في العربية دي و بتكلم الموبيل من بعيد بتكون هي نفسها وصلة على ال- ECUs بتاعة العربية عن طريق توصيلات معينة و منها ممكن تجمع معلومات أو تتحكم في العربية نفسها .

بس كدة ، شفتو بسيطة ازاي :)
اتمنى أكون قدرت افصل المعلومة كفاية ، و أي توضيح تاني أو إستفسار أنا تحت أمركم .

**Ahmad Allawy** · 14-06-2008 12:52 PM

الف شكر يا باشا علي التوضيحات..
كلام جميل قوي..
فعلا الخبرة تفرق.. :)
و معني كده انه قابل للتنفيذ بسهولة فعلا.. بس جوة العربية هو اللي صعب عشان يتعمل ليه انترفيس علي الكومبيوتر بتاع العربية..

**amagdy** · 14-06-2008 03:11 PM

سلام عليكم
إسمحولي اوضح لحضراتكم حاجة بسيطة , الجهاز محل النقاش مزود ب SIM Adapter ياعني الجهاز الي داخل العربية بيتركبله شرحة موبيل علشان الإتصال به من خلال الموبيل و دي طبعاً معناه ان مفيش مسافة محددة لي التغطية لكن تعتمد علي شبكة المحمول الي هتستخدمها و مدي قوتها

**Mzeid** · 14-06-2008 03:22 PM

أنا على ما أعتقد إن الخاصية دي بتشتغل بال gprs

**HNaga** · 14-06-2008 04:00 PM

المشاركة الأصلية كتبت بواسطة farahat

السلام عليكم يا شباب
معلش إستحملوني هقول حبة معلومات بحكم خبرتي في المجال :
البلوتوث في منه ٢ كلاس ، class-1 و- class-2 , بالنسبة إلى class-1 د بيكون المدى بتاعه ١٠٠ متر ذي ما هشام قال و class-2 دة بيكون ١٠ متر فقط ، و الاتنين معدل نقل البيانات فيهم متوسط و بالتالي ينفعو في اغراض التحكم أو نقل بيانات بسيطة ذي الصوت مثلاً . عيبه انك لازم تعمل pairing في الاول بين الجهازين عشان يكلموا بعض . يعني عشان تخلي الموبيل بتاعك يتعامل مع العربية مش هينفع تستعمل سماعة بلوتوث ، و لو استعملت سماعة أو وصلت الموبيل مع كمبيوتر هتلاقي نفسك لم تيجي جانب العربية لازم تظبطهم تاني عشان يشتغلوا مع بعض ، يعني حدوتة و من الاخر مش هو د الاستخدام الامثل للبلوتوث .

كلامك صح ماعدا حاجة واحدة
مش لازم كل مرة تعمل Pair
انت بتعمل pair مرة واحدة وبعد كده هو بيتصل لوحدة
زى الكار كيت موضوع ال pair ده عملته مرة واحدة و بعد كده خلاص اول مافتصل السنتر اسمع كلمة Connected

**farahat** · 14-06-2008 04:59 PM

المشاركة الأصلية كتبت بواسطة HNaga

كلامك صح ماعدا حاجة واحدة
مش لازم كل مرة تعمل Pair
انت بتعمل pair مرة واحدة وبعد كده هو بيتصل لوحدة
زى الكار كيت موضوع ال pair ده عملته مرة واحدة و بعد كده خلاص اول مافتصل السنتر اسمع كلمة Connected

كلام حضرتك تمام طول ما إنت معملتش pairing مع device تاني ، لكن لو غيرت ال pairing يبقى الجهاز محتاج يعمل معاه pairing تاني .
إلا في حالة لو الموبيل بيحتفظ بالليستة بتاعة الأجهزة إلي كان اتوصل معاها قبل كدة و بيجرب معاها أوتوماتيك أول ما تيجي في المجال بتاعه

الموضوع: كيت للتحكم بالعربية من الموبايل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

جهاز مصرى للتحكم فى السيارة او الفسبا عن طريق الموبايل من شركة حماية

هل ينفع امشي بالعربية واطلع برة القاهرة بالعربية بدون نمر

اختراعى الجديد للتحكم فى سرعة جميع المركبات

الكلمات الدلالية لهذا الموضوع

المفضلات

المفضلات

ضوابط المشاركة