الموضوع: الحلم المصري

دايما فى عبارات بتتقال صعب ان الشخص الواحد يستوعب جميع زواياها
من العبارات ده الحلم الامريكي او القرن الامريكى..
لية صعب ان شخص لوحده يفهم اية معنى العبارات ديه؟؟؟
لأن العبارات ده بتخفى وراها خطط على جميع المستويات و شارك فى وضع الخطط ده مجموعة مستشارين على اعلى مستوى و من طراز رفيع جدا.
و رغم ذلك المستوى العالى للشخصيات الا انهم فكروا فى تفاصيل دقيقة جدا.
و نتناول الحلم الامريكى:
هو بداية من البنطلون الجينز (اللى بقيت تحس انه زى رسمى يحرص كل واحد على اقتنائه) و الهمبورجر و اللهث وراء التكنولوجيا و ان تيسر الحال فتدخل مجال السيارات..... لحد ما نوصل لكتشاف الفضاء و خلافه.

طب و احنا مالناش حلم؟؟؟؟ مالناش اسلوب حياة معين؟؟؟
ايه هى اهم ملامح المدينة او القريه المصرية؟؟؟
ايه هو الحلم المصرى؟؟؟

المشاركة الأصلية كتبت بواسطة ashour

يا ريت الاعضاء اللى اديتلنا اراء متشائمه تفكر كده فى ملامح الحلم المصرى اللى انتم عايزينه؟؟؟؟ و لا انتوا موافقين على ان الحلم المصرى يبقى فعلا رغيف!!!

بص يا سيدى

الحلم اللى باحلمه لمصر

التخلص من العصابة **** السارقة المحتكرة لمصر

تطبيق الشريعة الاسلامية و توحد كل الدول الاسلامية من المحيط للمحيط فى دولة الخلافة و عاصمتها مصر

استرجاع كل علماء مصر بالخارج و البدء فى نباء البنية التحتية و الاهتمام بالتعليم و البحث العلمى

نفسى التعليم كله يتعرب بدل ما كل حاجة بالانجليزى اوربا لم تتقدم الا بعد ما ترجمت من علوم المسلمين

نفسى المدارس والكليات تبقى مكيفة

نفسى يتغير السلوك العام للمواطن المصرى الذوق الاخلاق احترام الاخر تطبيق القانون حب العمل و اتقانه

نفسى المصالح الحكومية تتطور و تبقى منظمة و سهل التعامل معها و الموظف يضحك فى وش المواطن

نفسى الاعمال الفنية كلها تبقى هدفة و قريبة من نبض الشارع و مشاكله والافلام بتاعتنا التى تحمل فكرنا الاسلامى العربى تترجم للغات كتير و الناس تحاول تقلدنا بدل العكس

نفسى يسفلتوا الشوارع و السواقين يحترموا المرور و الناس كلها تمشى على الرصيف

نفسى ما يبقاش فى سواقين مشاريع (ميكروباصات)

و نسفى حد تانى ياخذ توكيل هيونداى غير مستر غبور :)

نفسى يبقى عندنا مفاعلات نووية علشان البترول كمان كام سنة هينضب

و ايضا اسلحه نووية (اشمعنا اسرائيل)

و نفسى يبقى عندنا شركة سيارات عملاقة قوية كلنا نشترى منها ونقفل بقا كل اقسام المنتدى و نخليه قسم واحد

نفسى الجملة دية تتقال هنا فى المنتدى

((( لأ بلاش العربيات اليابانى ده تعبانة قوى وعمرها الافتراضى قليل زود شوية فلوس وهات العربية المصرية انظف و تقفيلها احلى و محركها اقوى والغالى تمنه فيه والمصرى مصرى برضة )))

نفسى ناخد كاس العالم والدورى بتعنا يبقى انظف من الدورى الانجليزى و رونالدينو و ميسى و هنرى يجوا يحترفوا فى الزمالك (الاهلى لأ)

نفسى الناس فى اوربا كلها تحاول تيجى تهاجر لبلدنا حتى لو هجرة غير شرعية

هقول ايه ولا ايه ولا ايه ...........

الله المستعان

==========
تنبيه للعضو بالإلتزام بقواعد المنتدى
مشرف القسم الاجتماعي