استفسار بالنسبة للعمل فى السعودية

**mostafa53** · 15-04-2012 02:52 PM

السلام عليكم ورحمة الله وبركاته
المرتب قليل عليك وده استهبال. يعنى عايز أسألك متوقع تحوش كام من مرتب زى ده وحاتعمل بيهم إيه قصاد غربتك وبعدك عن أهلك ومعارفك وأصدقائك وفقدك لعملك الأصلى فى بلدك اللى حايكون صعب عليك جدا إن تسترجعه أو إنك تبنى عمل مماثل له بعد عودتك لأن ماحدش لاقى شغل دلوقتى فى مصر. لو صبرت سنتين تلاتة فى بلدك ممكن تلاقى فرص أكتر وممكن يتعرف شغلك وتكبر.

**viper911s** · 15-04-2012 03:37 PM

المشاركة الأصلية كتبت بواسطة mostafa53

السلام عليكم ورحمة الله وبركاته
المرتب قليل عليك وده استهبال. يعنى عايز أسألك متوقع تحوش كام من مرتب زى ده وحاتعمل بيهم إيه قصاد غربتك وبعدك عن أهلك ومعارفك وأصدقائك وفقدك لعملك الأصلى فى بلدك اللى حايكون صعب عليك جدا إن تسترجعه أو إنك تبنى عمل مماثل له بعد عودتك لأن ماحدش لاقى شغل دلوقتى فى مصر. لو صبرت سنتين تلاتة فى بلدك ممكن تلاقى فرص أكتر وممكن يتعرف شغلك وتكبر.

بالنسبة لا احوش كام دة انا مش عارفة بسبب انى مروحتش هناك فا مش عارف نظام المعيشة كام
دة ممكن يفيدنا فى الناس الى هناك اكتر
بس انا شايف ان مصاريفى قليلة

**أبو صلاح** · 15-04-2012 05:25 PM

انا رايي انك محتاج تفكر وتراجع نفسك كويس
الراتب فعلا قليل
خصوصا انك اكيد زي اي شاب عايز يتجوز ويبني حياته
الغربة مرة جدا وهتبقى امر لو عايش حياة حرمان علشان تحوش

طبعا عبد اللطيف جميل توكيل كبير واكيد فيه مميزات ممكن ماتلاقيهاش في مكان تاني
لكن الغرض من السفر الفلوس وإذا اتعدمت الفلوس ملوش لزوم السفر

عامة وظيفة مندوب المبيعات مرتباتها تكود تكون ثابتة هنا في السعودية من 2000-2500 ريال بس العمولة قد تصل في بعض الاحيان مثل الراتب او على الاقل بحد ادنى 1000 ريال ده من خلال مناقشاتي مع كذا حد هنا شغال مندوب في كذا مجال
لو مصر يبقى خلي عقدك سنة واحدة بس وتحاول بقدر الامكان يكون في فترة تجربة 3 شهور ليك وليهم تديلك الحق انك تمشي في اي وقت بدون اي التزامات عليك او عليهم

**yoko** · 15-04-2012 05:46 PM

المشاركة الأصلية كتبت بواسطة zrzr1

صلي استخاره وتوكل علي الله ,, وان شاء الله هناك تعمل علاقات ولو معجبكش الشغل تقدر بعد سنتين تتعاقد ع حد تاني يكون افضل.. الراتب أحسن بكتير من هنا سعر الريا 160 تقريبا واحسب كمان السكن والتأمين والانتقالات دول لواحدهم بفلوس.. يعني يدوب أكلك وشربككككككك بس وربنا يوفقك للي فيه الخير ليك

الحسبه كده غلط جدا لإن المعيشه في السعوديه مش رخيصه خالص يعني الأكل مش رخيص إنت هنا بتجيب كمثال كليو القوته بكام وقارنه بهناك هتلاقي إن ال1000 جنيه الي تعيشك في مصر عشان تعيش على نفس المستوى يبقى بتتكلم في 2000 ريال

لصاحب الموضوع المرتب قليل شويه
بس لو جتلك فرصه تانيه أعلى بس من غير سكن وتأمين صحي ومواصلات متقبلهاش لإن السكن غالي بهبل

**أبو ياسين** · 15-04-2012 06:10 PM

المكان فين فى السعودية ؟؟؟
كده كده انت كسبان حج و عمرة باذن الله و دول مكسب
المرتب قليل فخلى العقد سنة و ان شاء الله تلاقى حاجه احسن هناك
خد بالك ان كده كده الى بيسافر اول سنة مبيحوش منها حاجه فمش مشكله كبيرة ان تخش فى مجذفة زى دى و ان شاء الله تلاقى فرصة احسن هناك

**أبو صلاح** · 15-04-2012 06:11 PM

لو عايز تحط رينج تقريبي لمصاريفك الشهرية المتوقعة
في وجهة نظري الحسبة كالاتي :
لو انت مصاريفك في مصر شاملة كل امو حياتك اكل وشرب ولبس وعلاج وتلفونات ... الخ
تقريبا 500 ج شهريا

اضرب الرقم ده تقريبا في 2 وحوله الى ريال سعودي
يعني مصاريفك هتبقى في حدود 1000 ريال او اقل شوية ممكن لحد 750 ريال

**hossam_elwani** · 15-04-2012 06:14 PM

توكل على الله الموضوع مش فلوس بس احتكاك ببشر مختلف واكتساب مهارات جديده واكييد لو صبرت واجتهدت حتعلى

وتكبر ومرتبك يزيد واذا كان على المعيشه تقشف سنه ولا اتنين لحد ما تزبط نفسك وبلاش مصاريف مبالغ فيها

واكيد فيه وجبات حتوفرها لانك فى العمل واكيد شركه زى دى بتوفر وجبه او اتنين على الاقل

انا والدى اشتغل فى السعوديه على راتب 1100 ريال وصبر وكبر لحد ما بقه مدير مالى وادارى فى مؤسسه كبيره فى السعوديه وراتبه وصل لــ 12000 ريال فى الشهر ده غير البدلات (السفر والاقامه والتنقل وخلافه) وتوكل على الله اطلع بره مصر احسن

**yoko** · 15-04-2012 06:17 PM

المشاركة الأصلية كتبت بواسطة hossam_elwani

توكل على الله الموضوع مش فلوس بس احتكاك ببشر مختلف واكتساب مهارات جديده واكييد لو صبرت واجتهدت حتعلى

وتكبر ومرتبك يزيد واذا كان على المعيشه تقشف سنه ولا اتنين لحد ما تزبط نفسك وبلاش مصاريف مبالغ فيها

واكيد فيه وجبات حتوفرها لانك فى العمل واكيد شركه زى دى بتوفر وجبه او اتنين على الاقل

انا والدى اشتغل فى السعوديه على راتب 1100 ريال وصبر وكبر لحد ما بقه مدير مالى وادارى فى مؤسسه كبيره فى السعوديه وراتبه وصل لــ 12000 ريال فى الشهر ده غير البدلات (السفر والاقامه والتنقل وخلافه) وتوكل على الله اطلع بره مصر احسن

تمام لكن 1100 ريال زمان غير دلوقتي زي 1000 جنيه زمان غير دلوقتي

-

الموضوع: استفسار بالنسبة للعمل فى السعودية

LinkBack

أدوات الموضوع

عرض

-

-

-

-

المواضيع المتشابهه

استفسار بالنسبة للعمل فى السعودية

استفسار من الاخوة المصريين في السعودية او اللي سافرو قاعدوا في السعودية

استفسار بالنسبة fsv

استفسار هام بخصوص كيفية عمل توكيل من السعودية لحد فى مصر

استفسار اخوكم من السعودية ..

الكلمات الدلالية لهذا الموضوع

المفضلات

المفضلات

ضوابط المشاركة