الموضوع: العربية عطلت على الصحراوي (كورسا سيدان)

المشاركة الأصلية كتبت بواسطة damasry

خير بإذن الله وعلى فكرة بنزينة شل دى انا لا اثق فيها ومش بمون منها خالص.

ياريت تطمنا.

و الله وانا عادة مبمونش من بنزينة غريبة .. بس الطفاسة بأه

المشاركة الأصلية كتبت بواسطة hellboy

حمد الله علي سلامتك..

فك سلوك البوجيهات واحد واحد جربه بانك تحط فيه مفك وتقربه لاي جزء معدن في الموتور واي حد يساعدك انه يحاول يدور ولاحظ اولا في شرر بيطلع ولا لا؟؟ ثانيا لون الشرر لازم يكون ابيض يميل للازرق ,لو لونه محمر تبقي الموبينه ضعيفه.. بس اعتقد ان المشكله عندك في البنزين مغشوش بسولار او ميه وده تكتشفه برده لما تفك فلتر البنزين وتفرغ محتوياته من السائل المتبقي في كوب زجاج وتكب منه علي منديل ورق لو في ميه هتلاقيها امتصت في المنتصف والبنزين حواليها ولو سولار هتلاقي المنديل ملمسه زيتي..ربنا يوفقك

هى فعلا مش موبينة يا فادى .. لأن محمد ابراهيم زميلنا فى المنتدى لسه ماشى من عندى و جربت الموبينة بتاعته و مش منها .. طيب لو البنزين مغشوش فعلا أعمل ايه؟

على فكرة أنا كلمتك و انت مردتش .. رقمى اخره 65

المشاركة الأصلية كتبت بواسطة brain2020

حتي لو البنزين مغشوش مايعملش كده ده وجرب تفك فلتر البنزين وتشوف وركب واحد جديد وجرب لانه ممكن يكون السبب

ان شاء الله هروح أجيب الميكانيكي دلوقتى و أشوف.

المشاركة الأصلية كتبت بواسطة hellboy

اسف جدا ياباشا والله التليفون انا نسيته في العربيه من امبارح بالليل ولسه مانزلتش ..
فضي التانك اما بخرطوم وتسحب في جراكن او تفك الفلتر وتحط طرف خرطوم البنزين في جركن وتفتح الكونتاكت للتكه اللي قبل الدواره..

المشاركة الأصلية كتبت بواسطة tananybasha

بنزين او حساس شكمان
بس

للأسف مطلعش بنزين .. الحمد لله على كل شىء .. جبت الميكانيكى من الورشه .. و الله الراجل يشكر .. ساب ورشته و صنايعيته و جه معايا بنفسه مع انه بعيد عن بيتى .. اسمه مهندس مدحت قورة .. بتعامل معاه من زمان.

المهم غير البوجيهات .. و المشكله لسه موجوده .. بص على سير الكاتينه لقاه سليم .. فك غطا سير الكاتينه و خبط على ترس الكامه لقاه بيدخل لجوه .. قال لى يبقى العامود اتكسر.

غالبا الزيت كان ناقص و انا مش واخد بالى .. المهم قال لى هات عاكود بالهوزن بتاعه .. تقريبا الهوزن ده اللى هو ال Housing .. كلمت هانى العايدي قال لى عنده العامود بس ب 400 جنيه .. فى حد تانى ممكن الاقى عنده العامود بالهوزن؟

على فكره يا طنانى من ساعة ما اشتركت فى المنتدى و انا كل ما بكلمك موبايلك مقفول .. مفيش الا مره واحده اللى رديت عليه :-) .. غالبا الرقم اللى معايا انت غيرته .. اللى معايا 011.

قدر الله و ما شاء فعل و الحمد لله على كل شىء.