يا جماعة ايه رأيكم فى مركز خدمة أوتوماستر ؟

انا ان شاء الله ناوى اعمل صيانة ال 10000 كم للاوبترا عند أوتوماستر ياترى هو كويس ولا منصور اللى فى شارع الطيران برجاء التكرم بالرد فى اقرب فرصة

مش وحش .......

مش وحش و مش حلو
كان حصل معايا موقف كده غريب بس عشان هو مش واضح المعالم انا مش عاوز احكيه عشان ما اظلمهمش انا هعمل عندهم صيانة ال 15 ........... اتكل علي الله و روح

انا الحمد لله رحت امبارح فعلا بصراحة ناس كويسين و محترمين و ميزتهم ان ما عندهمش زحمة اوى زى منصور و شكرا لاهتمام الأعضاء

فعلا المركز هادي شوية عن توكيل منصور ..
و فيه مهندس في الاستقبال هناك اسمه م/ مصطفي
راجل قمة في الذوق
و كمان مدير المركز اعتقد اسمه م / محمود ..راجل محترم جدا

دول كمان اتصلوا بيا النهارده عشان ياخدوا رأى فى المركز و اذا كان فى اى شكاوى او كده يعنى ناس محترمين موووت

ممكن حد يا شباب يقول عنوان اوتوماستر بالتفصيل فين في مدينه نصر ؟ ولو فيه حجز قبل الصيانه يا ريت يقول نمر التليفونات كمان ..

و انت ماشي في مصطفي النحاس بس اتجاه الحي السادس ...جامع نوري خطاب هيبقي علي يمينك تكمل و تعدي شريط المترو لانة بيلف فبيقطع مصطفي النحاس ....اللي انت ماشي فيه تفضل مكمل هايقبلك مطب و بعد المطب علي طول فيه يوترن ...سيبك منة تاني يو ترن لف منه اللي عو هيبقي قبل موقف اتوبيسات صغير كدة بعد ما تلف اليوترن هتلاقي سوبر ماركت اسمة اولاد رمضان او رجب ...مش فاكر خش يمين من عند السوبر ماركت و كمل في الشارع علي طول هتلاقي اوتوماستر علي ايدك الشمال


تهت ولا لسة ؟؟؟؟؟؟؟

اقتباس:

---

المشاركة الأصلية كتبت بواسطة samehafez

تهت ولا لسة ؟؟؟؟؟؟؟

---

:) :) :)
اسمحلي اشارك بغرض التسهيل
حضرتك روح عند المدينة الجامعية لجامعة الازهر بالحي السادس..ادي ضهرك ليها و خش في الشارع اللي قدامها .. و منه خش اول شمال .. و اسال علي المركز حتلاقيه ..
بس لما تسأل ابقي قول مركز خدمة اوبل و شيفروليه علشان ناس كتير متعرفش اسم اوتو ماستر

http://www.nilemotors.net/Nile/showthread.php?t=26031

check the above link to help u more

Rabena Ma3ak and Good luck :)

ياترا اسعا المصنعيات هى نفسها و لا اقل من منصور