الموضوع: الحمد لله - عملت حادثة - قدر الله و ماشاء فعل

المشاركة الأصلية كتبت بواسطة axel

لا حول و لا قوة الا بالله

الف حمد الله ع السلامة مش عارف ايه الحكاية من امبارح في الحوادث

بس ع الشغل اللي شايفه لو السمكري بس من غير فوانيس و باقي التظبيط يعني من الاخر حتتين الصاج دول بس بـ 3000 حاسس انه بيشغلك في السعر و بتوع الحي السابع معروفين انهم حرقييين في الاسعار اوي فيه منهم صنايعية و فيه منهم كفتجية

انا كانت عندي نفس الخبطة في الكبوت بالظبط بس الناحية التانية و الرفرف الشمال دخل ورا في الباب و الاكصدام دخل لجوة واحد جيه دخل فيها
روحت لواحد في الحي السابع ورا كلهم سمكرية جنب بعض قالي 600 جنيه ردها ع البارد من هنا لهنا نزلتها لـ300 جنيه و اسيبها عنده يومين كمان و في الاخر روحت عملتها كلها ع البارد عند واحد تحت بـ150 جنيه سيبته 3 ساعات و رجعت لقيته بسم الله ما شاء الله مخلصها

متشكر ليك ياباشا
المشكلة انى ماليش فى الصنايعية ومبعرفش اتعامل معاهم وانا شايف ان المبلغ كبير اوى بصراحة

المشاركة الأصلية كتبت بواسطة mohab555

حمد الله على السلامه وقدر الله و ماشاء فعل و المهم انك سليم والعربية تتعمل متشلش همها
بص العربية من الوضع الظاهرى كده هتحتاج :
1- رفرف شمال قدام
2- سدر
3- اكصدام امامى
4- فانوسين امامى
6- فانوس واحد خلفى يمين
7- اكصدام خلفى

الله يسلمك
نفس الكلام اللى فاله

المشاركة الأصلية كتبت بواسطة nevozaky

لا حول ولا قوة الا بالله
حمد الله على سلامة حضرتك
وان شاء الله تبقى كويس

قدر الله وما شاء فعل

الحمد لله . جزاك الله خيرا

المشاركة الأصلية كتبت بواسطة optiplex

الف سلامة عليك يا باشاا و الحمد لله على كل شىء ريح كدة النهاردة و ابقى اسال بردة على تكلفتها برة و شوف ايهما انسب ليك و الله الموفق

الله يسلمك يا باشا

المشاركة الأصلية كتبت بواسطة mohammedabdallh

الف سلامه عليك المهم انت بخير
بس صعب ماشى 80 ومعرفتش توقف للدرجه دى الفرنا مفيهاش فرامل
الحمد لله على كل شىء وربك الى بيستر
وقدر الله وما شاء فعل
انزل التوفيقيه هات
اكصدام امامى وخلفى وفنوسيين وفنوس خلفى
وكله هيبقى تمام

هى فعلا غرامله وحشه اوى