الصيف بدأ : كنت عاوز عازل حرارى لزجاج السيارة اصحاب التجربة يارت يدلونى

**michohat** · 15-04-2012 06:45 PM

المشاركة الأصلية كتبت بواسطة calvinklein

استاذنا الكريم اكيد 200 جنيه لسعر المتر مش العربية كلها و اكيد سمعت غلط ,لانى بفيم من 20 سنة . بالنسبة للعازل الحرارى خامتة بتكون انشف من العادى 3 مرات و طريقة لزقة البلدى بالسيشوار لان لزقة رخم بصراحة و بيغلب الراجل اوى اوى و اول درجة هتلاقى العسلى الوسط و على فكرة اللزق بيتحسب عليك بالهالك لو اللى بيركب مش خبير يعنى ممكن تلاقى حتت مرميه لغباء فى التركيب و انتا متحاسب عليها للاسف الشديد.

السعر اللى قولته لحضرتك صح 200 للعربية علشان كده بسأل هل في حد ركب من النوع الرخيص ده ولا اشتغاله وبيركب ورق شفاف وبس

**nevozaky** · 15-04-2012 06:47 PM

السلام عليكم و ورحمة الله وبركاته

انا مركبة العازل الحرارى عندى فى العربية من السنة اللى فاتت وممتاز جدا وبيحمى من اشعة الشمس الشمس بمعنى اصح مش بتحس بلسعة الشمس العادية مجرد حرارة دافئة بس

والتكييف بيبقى ممتاز فى عز الضهر

نوع العازل اسمه sunticوهو نوع امريكى

اما بالنسبة للونه فهو شفاف الى حد كبير وعديت كتير على لجان ومحدش قال لى حاجة لانك صعب تكتشفه غير الفاميه بيبقى لونه واضح جدا حتى لو فاتح .

وعلى فكرة اللى عمله ليا فى العربية الاستاذ محمد زلبانى زميلنا هنا فى المنتدى وهو راجل محترم جدا .

اردت ان انقل لكم تجربتى وليس مجرد كلام سمعته بس

**nevozaky** · 15-04-2012 06:57 PM

المشاركة الأصلية كتبت بواسطة calvinklein

و السعر كان كام؟؟؟للسيارة

على حسب حجم السيارة بس بيتراوح ما بين 1300 و1500

انا عملتها ب1300 جنيه

**CalvinKlein** · 15-04-2012 07:06 PM

المشاركة الأصلية كتبت بواسطة CalvinKlein

و السعر كان كام؟؟؟للسيارة

بحاول اعمل سيرش على suntic مش لاقيه لو موجود عندك السايت او العلبة يكون افضل.

**Sehsss** · 15-04-2012 07:08 PM

المشاركة الأصلية كتبت بواسطة michohat

متابع مع حضرتك وخصوصا واني سألت عليه عند محلات اكسسوار السيارات قالوا لي اني ممكن اعزل العربية ب مبلغ لا يتعدي ال 200 جنيه وده طبعاً قليل كتير عن المبالغ اللى سمعتها هنا فى المنتدي وفى المواضيع الاعلانية

أبو 200 ولا ليه أي لازمة، يا راجل دا حتى أبو ألفين اللي بيتعمل في شركة لومار واحد صديقي عامله في عربيته ولا أي حاجة وندمان إنه دفع المبلغ، اللي بيبقى فعلا محترم في شركة اسمها في كول بس هاتخش في 4 آلاف للأسف، تحياتي

**nevozaky** · 15-04-2012 07:11 PM

المشاركة الأصلية كتبت بواسطة dr_walid

السلام عليكم ":
طيب ممكن اعرف جبتة منين
وحسيت بالفرق فعلا لما ركب و التكيف اية اخبارة
وشكرا

انا اللى عمله ليا زى ما قلت سابقا الاستاذ محمد زلبانى زميلنا هنا فى المنتدى .

وفعلا مش كلام تسويق انا ماليش علاقة بالموضوع غير انى استخدمته نتيجته ممتازة جدا وانا ما كنتش باستحمل لسعة الشمس وانا راكبة فى العربية لكن دلوقتى مش باحس بيها
مجرد احساس بدفْ بسيط

حتى لو العربية راكنة ولسه هتبتدى تركب هتحس بالفرق عن لو مش مركب العازل الحرارى .

اما بالنسبة للتكييف لو حالته كويسة نتيجته ممتازة .وتحس باثر التكييف فى هز الضهر الساعة 3 مثلا .
ووجود العازل بيجيب النتيجة بسرعة من التكييف والشعور به سريعا حتى لو الجو حر

من الاشياء الممتازة اللى انا عملتها فى العربية والحمد لله العازل .

**nevozaky** · 15-04-2012 07:14 PM

المشاركة الأصلية كتبت بواسطة calvinklein

بحاول اعمل سيرش على suntic مش لاقيه لو موجود عندك السايت او العلبة يكون افضل.

بص حضرتك استاذ زلبانى موجود فى قسم الفيات فى رابطة ومحبى التمبرا .

حضرتك ممكن تساْله وهوه على علم اكتر منى لانه هوه اللى بيشتغل فى الموضوع ده وهوه اللى عمله ليا

-

-

الموضوع: الصيف بدأ : كنت عاوز عازل حرارى لزجاج السيارة اصحاب التجربة يارت يدلونى

LinkBack

أدوات الموضوع

عرض

-

-

-

-

-

المواضيع المتشابهه

3m armshield عازل حراري لزجاج العربيات

تركيب عازل حرارى للزجاج لفيات تمبرا

تركيب عازل حرارى للعربية فيات تيبو

قطعة عازل حرارى suntek

الكلمات الدلالية لهذا الموضوع

المفضلات

المفضلات

ضوابط المشاركة