افتراضي اريد استشارتكم قبل شراء سيارة كـيا سيراتو 2012 خليجى

**Medicalist** · 20-04-2012 11:29 AM

حد يا جماعه اتاكد من العربيه والاعلان لانه نازل تانى النهارد فى الجمعه سيراتو اوتوماتيك abs 2012 ب 106500

**AHMED12345678** · 20-04-2012 06:51 PM

المشاركة الأصلية كتبت بواسطة xenophobik

استاذ احمد اظن المشكلة دي اتحلت في الـ 2012 بالجنوط الـ 15 لأن انا كان معايا كورولا بجنوط 16 و حاسس ان السيراتو في نفس نعومة الكورولا في الطرق الممهدة و انعم سنة بسيطة في المطبات و الطرق المكسرة
ممكن يكون السبب في مقاس الجنوط و الكاوتش مش العفشة و الله اعلم مع العلم انني حاليا حاطط نايتروجين و في الكورولا كنت بردو حاطط نايتروجين و الاتنين على نفس الضغظ - 32

للامانة لو هانتكلم في العيوب و مع انني عارف ان مينفعش نقارن السيراتو بالكورولا
الكورولا كثبات " في الغرز على سرعات " ثباتها كان احسن بكتير من السيراتو
بس للامانة مع ان السيراتو في فئة سعرية اقل بكتير من الكورولا بس السيراتو اوسع و اريح و استهلاك البنزين مقارب جدا للكورولا مع العلم انني لسا فس مرحلة التليين (عامل 600 كيلو بس) و التفويلة عملت معايا 500 كيلو سواقة في زحمة و على طرق سريعة بس اعلى سرعة جبتها كانت 120

المشكلة ان جنط 15 يعنى ثبات اقل بكتير انما 16 ثبات اعلى والمشكلة انى حلسس فى مطبات الهوا والمطبات الصغيرة ان العربية بتتنطط
وللعلم انا معايا كورولا 1300 مانيول موديل 2006 وجنطها 14 وطبعا فى نعومة العفشة مفيش كلام

**Xenophobik** · 21-04-2012 03:18 AM

المشاركة الأصلية كتبت بواسطة AHMED12345678

المشكلة ان جنط 15 يعنى ثبات اقل بكتير انما 16 ثبات اعلى والمشكلة انى حلسس فى مطبات الهوا والمطبات الصغيرة ان العربية بتتنطط
وللعلم انا معايا كورولا 1300 مانيول موديل 2006 وجنطها 14 وطبعا فى نعومة العفشة مفيش كلام

يا فندم انا طبعا موافق حضرتك في كل كلامك بس لو هنتكلم بموضوعية و عشان منظلمش اي عربية ايا كانت
ثبات يعني انسى الراحة و العكس صحيح اللهم اللى اذا ربنا يزيدنا من نعيمه و ركبنا مرسيدس او بي ام

يا راجل يا طيب ده الناس اللي بتركب فيراري و لامبورجيني بيشتكو من نشوفية العفشة مش هانيجي احنا بقى نركب عربية تمنها اقل من 200 الف جنيه و نشتكي من موضوع الثبات او نشوفية العفشة

ربنا يرزقنا كلنا و الريس الجديد يركب الشعب كله مرسيدس قادر يا كريم و ربنا يباركلنا كلنا في عربياتنا

عايزين صاحب الموضوع يطمنا عمل ايه عشان نباركله بقى

**yasso0101** · 21-04-2012 01:46 PM

انصحك شوف فلوسك تجيب ايه في التوكيل واشتريه احسن

**ahmedgamalali** · 24-04-2012 02:48 AM

ان شاء الله هنزل اتفرج ع العربية خلال يوم او اثنين عشان اقامتى فى الشرقية والمعرض موجود فى مصر الجديدة

انا عاوز اعرف هو الاستلام بيبقى فى قد اية يعنى لو روحت حجزتها هاخدها امتة ؟

سعرها نزل 400 جنية انا قريت ف الجرنال انها بقت ب 106500

ودة الاعلان

المكتوب بالنص
كيا سيراتو AT - كاميرا خلفية - CD تاتش - بلوتوث -ايرباج - فرامل ABS - هاى لاين

**ahmedgamalali** · 24-04-2012 02:53 AM

بالنسبة للتوكيل
رحت معرض الطارق ( مول العرب ) 6 اكتوبر
كانوا عاملين خصم على الفئة الثالثة فى السيراتو كانت ب 113500 خصم 5 الاف جنية يعنى 108.5

بصراحة محتار ومش عارف ناس كتير بتشكر فى الخليجى وناس بتقولى خليك فى المضمون

**Mohamed Bander** · 24-04-2012 07:38 PM

المشاركة الأصلية كتبت بواسطة ahmedgamalali

بالنسبة للتوكيل
رحت معرض الطارق ( مول العرب ) 6 اكتوبر
كانوا عاملين خصم على الفئة الثالثة فى السيراتو كانت ب 113500 خصم 5 الاف جنية يعنى 108.5

بصراحة محتار ومش عارف ناس كتير بتشكر فى الخليجى وناس بتقولى خليك فى المضمون

دى لو ال ex انا شايف اتكل على الله ،، كفاية انك هتكون مطمئن

**ابو ليلى** · 24-04-2012 09:19 PM

المشاركة الأصلية كتبت بواسطة m_bander

دى لو ال ex انا شايف اتكل على الله ،، كفاية انك هتكون مطمئن

+1111

**ابو ليلى** · 24-04-2012 09:37 PM

الفئة التالتة ex 123000
الفئة التانية 113500 lx ودى اللى يقصدها ودى اول فئة فى الاتو
من غير abs

الموضوع: افتراضي اريد استشارتكم قبل شراء سيارة كـيا سيراتو 2012 خليجى

LinkBack

أدوات الموضوع

عرض

-

-

-

-

المواضيع المتشابهه

اريد شراء سيارة كيا ريو 2012

مواصات كيا سيراتو 2012 مانيوال خليجى؟

مساعدة.. سيراتو 2011 وكيل او سيراتو 2012 خليجى ( سعودى )

سيراتو 2012 مانيوال خليجى

اريد استشارتكم للاهمية

الكلمات الدلالية لهذا الموضوع

المفضلات

المفضلات

ضوابط المشاركة