عايز اشتري عربية يباني و محتار بين التلاتة
ارجوا الافادة في سعر قطع الغيار للسيارات المعروضة و تكلفة التشغيل ؟
عرض للطباعة
عايز اشتري عربية يباني و محتار بين التلاتة
ارجوا الافادة في سعر قطع الغيار للسيارات المعروضة و تكلفة التشغيل ؟
السلام عليكم ورحمة الله وبركاتهاقتباس:
المشاركة الأصلية كتبت بواسطة bo2loz898
إذا كانت نقطة المفاضلة بين التلات سيارات هى تكلفة التشغيل وأسعار قطع الغيار وسهولة الصيانة يبقى ما فيش شك الكورولا تكسب باكتساح. السيارتين التانيين ممكن تكسب فى نقط تانية
المازدا، عفشة رياضية، ثبات، تسارع، تكييف محترم، موتور قوي، لا يعيبها فقط سوى ارتفاع أسعار قطع غيارها بشكل مبالغ فيه بشدة
الكرورلا موديلات 2008 وفوق وخصوصا ياباني مش جنوب افريقي رااااااااااااااااائعه رغم ان تابلوه الجنوب افريقي اجمل
اللانسر الشارك ال 1600 رااائعة بجد و موتور قوى جداا و كفاية انها مايفك
حط الانسر على جنب
وركز فى المازدا والكورولا
هقولك الفرق
المازدا شكلها رقيق وشبابى ورياضى بس موتورها هو نفس الموتور القديم الى كان فى الشكل الى فات ال 110 حصان
المازدا ثبات افضل نوعا ما مش بفارق ممكن تلاحظه
المازدا مميزة وملفتة للنظر
المازدا تقفيلها وخصوصا التفاصيل الدقيقة افضل نوعا ما
لكن لو عاوز تبقى واقعى
الكورولا عربية اوسع واكبر
ارتافعها عن الارض وعقشتها هتريحك بشكل كبير وخيالى مع الطرق فى مصر
نعومة شوف حط 100 خط تحت كلمة نعومة اذا كنت بتتكلم عن تويوتا
الموتور اقوى والتسارع تقريبا افضل او يعنى واحد
كل الفئة دى تسارعهم مفيش الفرق يعنى الى يلفت النظر
كمان سعر اعادة البيع
التويوتا لاخلاف عليها خصوصا انك مش هتجيب ال ام ام تى لانها مش موجوده
وممكن تجيبها خليجى عادى الخليجى برده ميزتها يابانى 100 فى المية
-------------------------------------------------------------------------
انا لو بشترى بصراحة هيب مازدا 3
لانى طول عمرى تويوتاوى وزهقت
من ايكو لياريس لكورولا وكامرى (ايام السعودية ) وحتى فى مصر جبت الياريس
وانا كنت بحب المازدا 3 الشكل القديم جدا وكنت ملاحظ متانة وقوة التقفيل الى تفكرك بالاوروبى
فا اكيد الشكل الجديد احسن كمان
----------------------------------------------------------
لو عاوز عربية عائلية اتجه على الكورولا بدون تفكير
لو شاب وعوز عربية ممتعة فى القيادة وابعادها سهلة جدا وناشفة ورياضية واكثر ثبات نوعا ما وعاوز شكل خارجى ثورى وعاوز تبقى تظبطها وتجنط وحركات ومش بتركب ناس كتير او مش بتحمل اوزان ومش فارق معاك اوى المطبات هات مازدا
مهما كان المازدا مش هتزعلك
-----------------------------------------------
مش معنى دا طبعا ان الانسر ضايعة
دى ازواق يا باشا وتجربة شخصية
بصراحة انا استبعد الانسر الشراك من خياراتى تماما
ولو انى واثق ان ميتسوبيشى ولانسر ويابان اكيد يعنى عندهم فلسفة معينة انا مفهمتهاش من الموديل دا
انا سوقتها طريق واحد بس رايح جاى المنصورة القاهرة وحكمت عليها من خلال دا
وبرده كلام ناس كتير عنها سلبى لدرجة ان ناس يقولوا البوما احسن من الشارك !!
١١١١١١١١+اقتباس:
المشاركة الأصلية كتبت بواسطة sa3dawy
اقتباس:
المشاركة الأصلية كتبت بواسطة sa3dawy
+111111111111
بس بصراحه انا بميل للمازدا ثري اكتر مش عارف ليه بس عربية مميزة وبتشدني :b4_033:
بصراحة لا دي ولا دي ولا دي , كل واحدة ليها عيوبها
بس احسنهم في رايي الشارك
مازدا او كورولا
الف شكر لكل الاصدقاء الكرام علي الافادة و ارجو توضيح بعض النقاط
في اراء بتقول التيوتا بطة في التسارع و عفشتها مش بتعطي الثبات المطلوب ؟
المازدا انا ميلها الصارحة خصوصا الهاي لاين عجباني اوووي بس اللي مش اووي فيها موضوع الفتيس القديم الاربع نقلات ده يارتوا كان استبترونك مثلا كنت جبتها علي طووول
الشارك الجديدة جامدة بس غليت اووي عن الموديل القديم و شالوا منها كمليات كتييييير ...:s
ف الوقت الحالي احسن عربية فعلا هي كورولا والاثبت مازدا بفرق واضح
ولو اني بميل للشارك بس ربنا يسهل
لازم برضه انت تحدد أولوياتك ايه بالظبط
يعنى مثلا لو عاوز العربية تكون عائلية يبقى لا بديل عن الكورولا ( كعربية عائلية ) بغض النظر عن السحب وخلافه
لكن لو حابب تركب عربية شبابية يبقى المازدا 3 والشارك
انا عن نفسى شايف ان المازدا 3 تتفوق عن الشارك فى الشاسية والتعليق والشكل الرياضى بس نصيحة المازدا 3 لازم تروح تركبها فى معرض وتقعد ورا علشان ممكن تصرف نظر عنها بعد ما تعمل كدة ( ده اللى حصل معايا )