فكر فى الجالاكسي نوت حجم عملى اكتر ونفس الإمكانيات
عرض للطباعة
فكر فى الجالاكسي نوت حجم عملى اكتر ونفس الإمكانيات
شكراً يا باشا ع النصيحة لكن أنا زي ما حضرتك قولت أني هخدوا معايا رايح جاي لأنه هيبقى تليفوني و كمان ده وزنه 300 جرام تقريباً يعني مش شيله، ثانياً لو أتزنقت خالص أشيله من الحامل و أحطه في درج التابلوه ، مشكور مرة تانية ع مرورك الكريم و رنصيحتك الغالية
الجالاكسي نوت ممتاز طبعاً لكن أنا محتاج شاشه حجمها كبير عشان شغال في البورصة و محتاج أشوف الرسم البياني بوضوح لولا السبب ده كنت جبت النوت طبعاً ، مشكور ع مرورك الكريم يا أستاذ عمرو
يا باشا الجهاز زي الفل انا معايا واحد ومستمتع بيه جدا و غانيني عن اللاب توب وفيه كل حاجة وجايبله حامل ب70 جنيه زي الفل ولا بيعوق الروئية ولا اي حاجة و بينفعني للاولاد بشغلهم توم وجيري و بريح دماغي و ساعات بلزق الحامل في فتحة السقف و بيشيله عادي
دا غير استفادتي منه في الشغل بتاعي والانترنت
توكل على الله ياباشا فكرة
بالمناسبة انا بشيله في جيب البنطلون الجينز اللي ورا يعني مهواش ازمة
يااااه ده أنت طمنتني جداً ع موضوع الرؤية ده تسلم يا باشا و ربنا يخليلك أولادك و يحفظهم ، يا ريت بقى تقولي أفضل مكان أجيبه منه منين و بكام ، أقل سعر لقيته لحد دلوقتي هو التميمي بيبيعه 4350 جنيه بالضمان طبعاً أقل من موبيل شوب بـ 400 جنيه ، رأيك أيه؟ معلش أنا هتقل عليك و أقولك رد عليا بسرعه عشان أنا نازل كمان شوية أنفذ إن شاء الله ، و الحامل بتاع حضرتك جبته منين ؟
على بركة الله
اولا النت بتاعوا تحفة بكل المقاييس
انا بستخدم الشرحتين للنت , شريحة الvoice وشريحة data
بس اهم حاجة تكلم خدمة العملاء بتوع الشبكة علشان هيظبطولك حاجات على التليفون وانت معاهم لان لازم الاندرويد يتظبط بلتليفون
شكراً ع سرعة إستجابتك و ردك
روحت شوفته عند التميمي بعد الشغل لقيت اللي بضمان خلص و إحتمال يكون موجود بكره إن شاء الله و موجود بس اللي من غير ضمان ب 3550 جنيه بس طبعاً مش هينفع بس الفرق بصراحة مغري لكن مش هنجازف
بكره إن شاء الله أروح كارفور و السراج و ربنا يكرم بأذن الله و نجيبه
خليك فى السراج
بس لف فى كل المحلات
لان بين محل ومحل جنب بعض تفاوت فى الاسعار
واوعى تنسى الجراب واستيكر الشاشة
نا جبت لاجرب ب125جنيه والشاشة ب60 جنيه
بس دة من شهر تقريبا
شكراً لكل الوحوش اللي ردوا في الموضوع ( بجد وحوش )
و تم بحمد الله و فضله شراء الجهاز من السراج مول بسعر 4275 جنيه - و أخدت عليه سكرين هديه - و ده أقل سعر موجود و الجهاز أتخطف من السوق لأنه مش موجود في أماكن كتير أشهرهم التميمي و كارفور بفروعه 70% من محلات السراج بس الحمد لله زي ما الوحوش نصحوني لقيته في السراج عند محل A.M في مول رقم 1
و أشتريت حامل للعربية بـ50 جنيه من محل قبله شكله حلو و لما ركب كمان الجهاز عليه بقى ما شاء الله و لا قوة إلا بالله تحفه و مش عائق للرؤية زي ما كنت متخيل و زي ما وضح الأخ sanhory ربنا يباركله في أولاده
بفكر أجيبله أستيكر يلزق ع الضهر يحميه من الخدوش و الكلام ده بدل الجراب عشان أستمتع بشكله عشان ما شاء الله الجهاز شكله جامد
سؤال يا شباب هو التاتش تقيل شويه ، ولا ممكن السكريين اللي مركبها ردئية و هي اللي متقله التاتش
مره تانية يا شباب شكراً ليكوا كلكوا و ربنا يجازيكوا كل خير و يجعله في ميزان حسناتكم