عاوز أعرف أسعار قطع الغيار للأوبل 94 2000 cc وهل تنصحونى بيها ولا لأ ؟
وأيه عيوبها ومميزتها ؟؟
ياريت أسعار قطع غيار الموتور عامله ايه ؟ والعربيه عموماً
ياريت الرد بسرعه لأنى عاوز أشترى واحده
عرض للطباعة
عاوز أعرف أسعار قطع الغيار للأوبل 94 2000 cc وهل تنصحونى بيها ولا لأ ؟
وأيه عيوبها ومميزتها ؟؟
ياريت أسعار قطع غيار الموتور عامله ايه ؟ والعربيه عموماً
ياريت الرد بسرعه لأنى عاوز أشترى واحده
عربية ممتازة
بس تركبها نضيفه
غير كده لأ
عيبها الماف ( منظم الهوا ) و التكييف لو مش مظبوط صح او ملعوب فيه
قطع غيارها انا شايف انها عادية
السير ب 75 جنيه
طلمبة المية 200 جنيه
جوان غطا التاكيهات 20 جنيه
مساعدين استيراد نمرة واحد لا تزيد عن 500
و كذلك الكبالن
و لو عايز تحدد قطع غيار اقولك على سعرها بالظبط
انا تحت امرك
ياريت لو مثلاً :
طقم الجوانات
طقم الشنبر
طقم البساتم
الكامه
يعنى حاجات الموتور عموما ولو فيه حساسات
وبردو الأكصدامات و المرايات والفوانيس والتيل الفرامل يعنى كده
ظبطنى عشان الصراحه انا خايف منها جداً وأهم حاجه الحاجات الى زكرتها دى
ياريت متنسونيش يا خبراء الاوبل لأنى بثق فى السايت هنا بجد
طقم الجوانات كله على بعضه ميكملشى 300 جنيه وش سلندر - غطا تاكيهات - جوان فرن - جوان مانفو و اعتقد اقل كمان
طقم الشنبر على ما اتذكر لما سالت عليه كان فى رينج 350 جنيه
طقم البساتم 700
الكامه استيراد مفيش منها جديد غير فى التوكيل
الأكصدامات غالية قدام مع ورا فى حدود 1500 استيراد
الفوانيس امامى ديبو 175 الفانوس و الأشاره 35 ديبو
استيراد الجوز يعمل 500-600
فوانيس خلفى ديبو 125
تيل 120 جنيه امامى
طنابير امامى 220 جنيه او 240
طيب لو سمحتم الأسكترا تعمل كام وأفضل نوع جديده وأستيراد
استيراد من 300 لغايه 400
جديد بتاعت الدايو اللانوس بتركب
بحوالى 2000 جنيه
مليون ألف شكر بجد لردك وأهتمامك ... شكرا جدا
العفو يا باشا
على كده يا طنانى هى هى نفس الحاجات دى تركب عندى فى الفيكترا 92
ايوه