كنت عايز اسأل بخصوص صيانة الالف لأكسنت rb 2012 ايه اللي بيحصل فيها وتقريبا اللي هيدفع قد ايه وافضل فرع للوكيل انا سامع انه بتاع قليوب الكلام ده صح ولا ايه وشكرا للعلم انا من الشرقيه (الزقازيق)
عرض للطباعة
كنت عايز اسأل بخصوص صيانة الالف لأكسنت rb 2012 ايه اللي بيحصل فيها وتقريبا اللي هيدفع قد ايه وافضل فرع للوكيل انا سامع انه بتاع قليوب الكلام ده صح ولا ايه وشكرا للعلم انا من الشرقيه (الزقازيق)
اولا الف مبروك على العربيه ربنا يباركلك فيها ويكفيك شرها وشر الحسد.
بالنسبه لصيانة ال1000 كيلو دي صيانه مجانيه مابتدفعش فيها حاجه غير تمن الزيت.
لأن الزيت الموجود في العربيه ماينفعش يقعد اكتر من الالف دول وتقريبا تمن الزيت (10 الاف كيلو) في التوكيل 260 + ثمن الفلتر يعني هتدفع تقريبا حسبة 300 جنيه في الصيانه دي.
وبيتعمل فيها التالي:
تربيط عفشه
الكشف على مياه التبريد
فحص النور
فحص الكلاكس
فحص مياه المساحات
ظبط ضغط الاطار
لو في قليوب يبقى احتمال غسيل الموتور.
وبيعرفوا ملاحظاتك على العربيه لو في حاجه مش مظبوطه.
نصيحتي روح فرع قليوب احسن والضغط اخف من ابو رواش ولو في وسط الاسبوع كمان بيبقى الشغل خفيف وحلو وتخلص بسرعه (حوالي ساعتين بالكتير).
وكمان شيك على العربيه كويس قبل ماتروح وقولهم على كل الملاحظات ولو الكاسيت فيه حاجه برضه قولهم عشان بيتغير في الضمان.
بالتوفيق
هتغير زيت وفلتر بس و لو فى اى شكوى منك لازم تقولها و بالنسبة للفلوس غالبا مفيش وهتدفع ثمن الزيت و الفلتر واعى تخليهم يحطوا زيت شل الاصفر قول للمهندس انا عايز شل الترا الرمادى ..
ألف مبروك و عقبال ماتتم بيها 100000 كم
ممكن تروح مركز خدمة غبور الجديد بالعبور علي طريق القاهرة / الاسماعيلية
ده مركز جديد و بيشكروا فيه جدا
و منتظرين منك تقرير عن صيانة الألف كم و كمان مستوي مركز الخدمة و تقييمك له
متشكر ليكم جدا
هو زيت الشل الترا الرمادي ده موجود يعني عادي وليه مبيحطهوش علطول؟
وفرع العبور ده اكيد انا اول مره اسمع عنه بس ياريت يبقي صح هيبقي اقرب كتير
الف مبروووووووك وربنا يباركلك فيها يارب ....
+11111
(1) 297 جنية بالتمام وكماااااال ..
اقتباس:
بالراحة بس يا فندم
معلومة زيت الألف دي معلومة خاطئة
واساسا مفيش حاجة اسمها صيانة 1000 كم في التوكيلات خارج مصر
اول صيانة بتكون اما بعد 10000 كم او 15000 كم
ولكن عشان احنا هنا في مصر عندنا توكيلات مستغلة فعاملين لعبة الصيانة كل 5000 كم دي
الزيت دا يمشي 5000 كم مستريح بدون مشاكل مطلقا ومش بيعمل مشاكل خالص
ولما يمشي عليه 500 كم بعد الألف هيحصل ايه؟!
ولا شيء!
زيت ال 10000 كم اللي هو شيل الترا لو مشيت عليه 15000 كم ايه هيحصل؟!
مش هيحصل حاجة!
مفيش حاجة اسمها زيت 1000 كم مطلقا
حضرتك ادخل على مواقع الزيوت العالمية
شيل
كاسترول
فالفولين
هتلاقي انهم كاتبين ان الزيت ميتغيرش قبل 10000 كم ما دام مبينقصش ولزوجته مظبوطة!
احنا بيتلعب وبينضحك علينا في مصر كتير
متقلقش اكيد مش هضره وانا لو مكانه هعمل كدة مفيش مشكلة http://www.nilemotors.net/nile/image...um1%5b1%5d.gif
(2)اى رأيك فى كلام دة ! يااااحودة بك ..
بص يا حمزه, العربيه بالذات مش عشان اوفر كام جنيه اقوم ابوظ موتور بالشئ الفلاني واقول ياريت الي جرا ما كان.
واساسا من الناحيه الهندسيه دي اسمها preventive maintenance يعني بتعمل حسابك انك تغير الحاجه قبل ميعادها عشان ماتبوظش العربيه. وبصراحه انا شوفت عربيات الموتور بيقفش بسبب ان الزيت بيقعد اكتر من ميعاده في العربيه ومايشتغلش بكفاءه.
ودي وجهة نظري ^_^