نيسان صني 190 كم / ساعة علي الصحراوي بالفيديو

السلام عليكم
في منتصف شهر 3 - 2012 أضطررت للسفر إلي الأسكندرية و بدون الدخول لتفاصيل مملة
طلعت من بيتي بمدينة نصر الساعة 3.30 فجر يوم 16/3/2012 و كنت علي بوابة الصحراوي الساعة 4 فجرا بالضبط و ده عن طريق كوبري أكتوبر و المحور مباشرة
و تفاجأت بكم كبير جدا من عربات النقل و التريلات عند الكارتة لدرجة اني أفتكرت عاملين أعتصام أو قاطعين الطريق لكن الطريق كان شغال و دخلت الكارتة و مسكت الصحراوي و انا ناوي أمسك علي سرعة 100كم
بعد دقائق فهمت ليه عربات النقل كانت راكنة عند الكارتة لأني فجأة تنبهت اني العربية الوحيدة علي الطريق مفيش أنوار عربيات جاية في المعاكس أو حتي جاية ورايا يعني لو حد طلع قطع عليا الطريق بالسلامة ( و فهمت بعد كده من أصحابي ان النقل ما بيطلعش الصحراوي بالليل عشان قطاع الطرق و بينامو في الكارتة و يمشو بالنهار ) و قررت أشد علي الطريق بنظام يا روح ما بعدك روح شغلت التكييف و قفلت زجاجي و دوست بنزين و أنا مركز مع الطريق و صاحي لأي حركة مش طبيعية
و فجأة عيني نزلت علي عداد السرعة لقيتني ماشي علي 200 كم و مش حاسس لأني مشغل أغاني بصوت عالي عشان اصحي و كملت علي كدة بين ال180 كم و ال200 كم لحد الأسكندرية طول الطريق عدا مناطق التحويلات و الوصلات بتاعة الطريق القديم بسرعة 160 كم
و انا راجع الظهر قررت أشد برضه لأنك بعد ما تمشي بسرعات عالية لما تقلل ل100 كم أو حتي 130 تحس أنك راكن
و بالفعل مسكت الطريق كله راجع للقاهرة بنفس معدلات السرعة لكن افتكرت أن معايا الكاميرا فصورتها فيديو HD و اللي أخرني في عرضها بالمنتدي كان البحث عن برنامج لتقليل حجم الفيديو و النهاردة لقيت البرنامج و عملت الموضوع و أسيبكم مع الفيديوهات
nissan sunny 190 km h 1 - YouTube
[youtube]http://www.youtube.com/watch?feature=player_detailpage&v=F5WqeQBrOTo[/youtube]

sunny 190 km-h 2.rmvb - YouTube

[youtube]http://www.youtube.com/watch?feature=player_detailpage&v=HMytItKO_iY[/youtube]

sunny 60 190 km h - YouTube

[youtube]http://www.youtube.com/watch?feature=player_detailpage&v=q_d-ayz6iag[/youtube]

مش فاهم ليه الفيديو مش ظاهر و الظاهر هوه لينك ليه وضعته احتياطي
يا ريت حد يبعتلي طريقة وضع الفيديو بالموضوع
و اللينكات شغالة علي فكرة

كان نفسى اشوف من 100 الى 190 بتجي فى كام ثانيه

بسـم الله ما شاء الله .. صني واتوماتيك وماشيه 200 والـ RMP مرتاح نسبياً
بس يعيبها لو تلاحظ في الفيديو الاخير .. التسارع بطيء جداً للأسف
وده الي بيميز الكوري .. بتجيب الـ 200 مرتاحه ..

ونــآآيس ترآآآك الـ crazy frog :D ههههه

ما شاء الله يا حسام بيييييه .. اوتوماتيك و على d بس و جايب 190 و قربت على 200 اوييييييييييي و كمان ايييييييه بالتكييف و مش حاااااارق كمان بصراحة ربنا يبركلك فيها ..

أنا عايز اعرف مواصفات العربية بالظبط و حاطت زيوت اييييييييه ؟؟ و هل بتعمل كل الصيانة في التوكيل ؟؟ هل كل جريك حرق و كده ولا لأ ؟؟ بص كل حاجة .. عشان يبقى دليل لكل واحد بيقول العربية متجبش اكتر من 160 و الكلام ده .. أنت عارف طبعا الباقي ..

تقبل تحياتي ..

عملت قلق فى المنتدى خلاص--نيسان تمتاز بالثبات العالى عن عربيات كتير جدا دة غير ان واضح ان الماتور قوى

اقتباس:

---

المشاركة الأصلية كتبت بواسطة lanos2004

عملت قلق فى المنتدى خلاص--نيسان تمتاز بالثبات العالى عن عربيات كتير جدا دة غير ان واضح ان الماتور قوى

---

هههههههههههه الناس كلها هتجيب صني بعد النتايج المبهرة ديه تحت الظروف ديه ..

بس إيه رايك ؟؟ بما إنك أستاذ في الشد و الحرق :hug3::hug3::hug3:

ما شاء الله يا حسام بس اياك والسرع ربنا حمينا ويحميك

وربنا يكفينا ويكفيك شر قطاع الطرق علشان انا مجرب الموضوع دة فى رمضان الى فات

اقتباس:

---

المشاركة الأصلية كتبت بواسطة ahmazong

هههههههههههه الناس كلها هتجيب صني بعد النتايج المبهرة ديه تحت الظروف ديه ..

بس إيه رايك ؟؟ بما إنك أستاذ في الشد و الحرق :hug3::hug3::hug3:

---

هوة فيه بعد الى شوفنه راى العربيه بسم الله ماشاء الله زى الفل انا عارف ان ماتور الصنى ممتاز بس اول مرة اشوفه 190 وقال انه وصل 200 ربنا يبارك فيها

اقتباس:

---

المشاركة الأصلية كتبت بواسطة lanos2004

هوة فيه بعد الى شوفنه راى العربيه بسم الله ماشاء الله زى الفل انا عارف ان ماتور الصنى ممتاز بس اول مرة اشوفه 190 وقال انه وصل 200 ربنا يبارك فيها

---

قال انه وصل !!!!!!!!! .. أنت مشفتش videos ولا اييييه ؟؟

اقتباس:

---

المشاركة الأصلية كتبت بواسطة ahmazong

قال انه وصل !!!!!!!!! .. أنت مشفتش videos ولا اييييه ؟؟

---

انا شوفت لحد 190 هوة الفيديو فيه 200 طب هروح اكمل بقيه الفيديو -

اقتباس:

---

المشاركة الأصلية كتبت بواسطة lanos2004

انا شوفت لحد 190 هوة الفيديو فيه 200

---

أول واحد أظن

بسم الله ماشاء الله ربنا يباركلك فيها ويحفظهالك يارب

خلي بالك السرعات العالية خطر ربنا يحفظنا ويبعدنا عنها يارب

اقتباس:

---

المشاركة الأصلية كتبت بواسطة lanos2004

كان نفسى اشوف من 100 الى 190 بتجي فى كام ثانيه

---

sunny 60 190 km h - YouTube

اتفرج على الفيديو يابوحميد وشوف بنفسك :post:

اقتباس:

---

المشاركة الأصلية كتبت بواسطة Ahmod

بسم الله ماشاء الله ربنا يباركلك فيها ويحفظهالك يارب

خلي بالك السرعات العالية خطر ربنا يحفظنا ويبعدنا عنها يارب




sunny 60 190 km h - YouTube

اتفرج على الفيديو يابوحميد وشوف بنفسك :post:

---

يااااااااه عم ahmod بنفسه ملك الشد جيه في الموضوع هههههههههههههه ..

منور يا غالي واللهِ ..

عجبتك أخيراااااااااااا ههههههههههههه

اقتباس:

---

المشاركة الأصلية كتبت بواسطة ahmod

بسم الله ماشاء الله ربنا يباركلك فيها ويحفظهالك يارب

خلي بالك السرعات العالية خطر ربنا يحفظنا ويبعدنا عنها يارب




sunny 60 190 km h - youtube

اتفرج على الفيديو يابوحميد وشوف بنفسك :post:

---

سرعات عاليه خطر ايه دة انا اخدت ملف غبى على 190 ولقيت ميكروباس فى وشى وحسيت انى كنت على عجلتين ---والملايكه مسكت العربيه بدل اما تتقلب علشان اجلى لسى مكنش جه---ربنا يسترها علينا

ما شاء الله

بسم الله ما شاء الله .. اللهم بارك

بسم الله ما شاء الله
ربنا يبارك لحضرتك فيها و يحفظها لك
فعلآ الصنى بتثيت يوم بعد يوم أنها من أفضل الأختيارت المتاحة فى السوق و أفضل قيمة مقابل السعر
أنا ملاحظ أن حضرتك عامل 3000 كيلو بس
يعنى حضرتك بالسرعة دة و المشوار قمت بتفتيح الماتور أحلى تفتيح
:36_9_4:
بس برضو السرعة بالشكل دة و التصوير خطر فخلى بالك و ربنا يحفظك يا رب

ماشاء الله بلاش يا جماعة السرعة ربنا يحفظنا ويستر طريقنا

تمام اوى با برنس الليل
وبجد الصنى عربيه وهم وكفاءه على كل الطرق والسرعات

ربنا يباركلك فيها
بس عايز الحق ؟
after 150 : ages !
يا أما مابتجريش بيها كتير يا أما في حجة مش مظبوطة
زمان كان عندي صني مانيوال

اللهم استر طريقنا

اولا انا باحيك على تصويرك الرائع
ثانيا دى الطبيعى بالنسبة لنيسان لانها 1600 سى سى و 16 صباب
انا معايا لوجان 1600 سى سى 8 صباب وجبت بيها 170 كم وانا على الدائرى وبعدين ما كملتش عشان كنت نازل طريق السويس وعلى فكرة العربية كانت عاملة 1500 كم لكن دلوقتى عاملة 8500 كم
بس الفرق بينى النيسان واللوجان
اللوجان بتجيب 160 كم ساعة على 5 rpm دى عشان انا كنت ماشى بيها اول امبارح عشان فاكرها
النيسان بتجيب 180 كم ساعة على 5 rpm

اجرى بس فى الصحراوى بس وما يهمكش
بس اما الطريق يكون بيسمح وعربيتك جديدة

اعتقد اللوجان الاوتوماتيك تعمل نفس المعدلات بتاعة النيسان لانها 1600 سى سى و 16 صباب مش 8 زى العادة

يا جماعة معلش مدخلتش من ساعة ما عملت الموضوع و كنت شاكك الفيديوهات ما تظهرش أصلا لأنها اول مرة أرفع فيديو

عربيتي عاملة وقت المشوار ده 82000 كم و كنت لسة عاملها الصيانة في أوتو أيجيبت و كان واجهني مشكلة في سحب العربية بعد الصيانة و رجعتلهم أعادو ضبطها علي الكمبيوتر علما بأني حاطط زيت توتال و كتير بشد بالعربية بس سرعاتي العادية 100 ل 130 متوسط حسب الطريق و مش بحب الغرز بعملها لما أكون مضطر فقط

بالنسبة لسحب العربية أكيد تكونو لاحظتم أن التسارع لحد ال100كم مقبول و بيقل لحد ال140كم و بعد كده بتاخد وقت علي ما تجيب السرعات العالية
و بالمناسبة سرعة ال180 جبتها بسهولة نسبية يعني بطيئة بس توصلها و بعد كده لحد ال190 او 200 بتكون بصعوبة

و ثبات العربية معايا كان مقبول يعني أكيد مش مازدا ولا جيتا لكن معقول بالنسبة لفئة العربية و سعرها
يعني كنت باخد ملفات الصحراوي الواسعة علي 180 مستريح لكن الملفات اللي ملمومة نسبيا بنزل السرعة ل160 تقريبا

و من أهم الملاحظات موضوع الهواء الجانبي أو تفريغ الهواء عند المرور بجانب عربية نقل أو أتوبيس أكيد العربية بتتأثر بس متملك منها مش بتعوم بطريقة خطيرة

علما أني لأكتر من مرة كنت سايب الدركسيون علي سرعة 180 كم عشان أضبط الكاميرا لأني كنت لوحدي و العربية متماسكة

فرامل العربية عندي بدون ABS لكن ممتازة ممتازة لأني كنت ماشي علي أكتر من 180 كم و أنا راجع و تفاجأت بتحويلة داخل عليها بسرعتي و دست فرامل أسعفتني و العربية أتلمت و ما زحفتش و ده موجود في أحد الفيديوهات

أسيبكم مع باقي الفيديوهات

sunny 100 170 km h - YouTube

sunny 180 190 km h stop - YouTube

sunny 160 190 km h 1 - YouTube

نسيت أقول نقطة مهمة جدا أني كنت ضابط الكاوتش علي مقاسه بالضبط يعني في الأمام 32 و الخلف 29 و طبعا نيتروجين عشان عامل 30000 كم بالكاوتش الحالي يعني في منتصف عمره تقريبا

ايه يا سامح باشا الشغل الجامد ده .. علي فكرة دا اكبر دليل للناس اللي بتقول ان العربية اخر عدادها 160 كيلو/الساعة .. يعني العربية بتقفل 200 اهوه يا ناس مستريح