طيب لو عايز اركب زينون اجيب فوانيس ايه؟؟؟والمفتاح الاصلي اجيبه منين؟؟
عرض للطباعة
طيب لو عايز اركب زينون اجيب فوانيس ايه؟؟؟والمفتاح الاصلي اجيبه منين؟؟
في الموضوع الخاص بالفيرنا احد الاعضاء قال انه مركب زينون علي فوانيس صيني.....من فتره كنت عند واحد صاحبي عنده محل تعديل قالي ان واحد معاه ماتريكس جاله بفوانيس الشبوره الاصليه سايحه بسبب الزينون و لما سألته عن مقاس اللمبه قالي كان جاي من غيرها...يعني ممكن تكون مشكلته ان مقاس اللمبه كان كبير و الزينون نفسه برئ.....شوف المفتاح في التوكيل او في التوفيقيه..دي الاماكن ال انا فاكر ان الاعضاء جابوا منها المفتاح
الاخ الغالى
اشكرك على الاهتمام ، بس انا احب اوضح حاجة ، انا فعلا مركب فوجيهات و بالمفتاح الاصلى و كنت مشتريه من شارع دمشق بس ركبتهم عند كهربائى جمب البيت و هو لقى فيش الفوانيس و ركبهم اما بالنسبة للمفتاح فقللى مالوش فيشة و ركبله اسلاك من عنده لكن النور اللى فى المفتاح مش شغال ( النور اللى بيشتغل مع نور الصالون والنور اللى بيشتغل لما افتح الفوجيهات) فانا مش عارف هو اشتغلنى و لا سرق الفيشة و لا مش عارف مكانها ، بس انا فرحت لما قرات الموضوع بتاعك و اتمنى انها تكون لسه موجوده
تقبل تحياتى
العفو يا رجاله....احنا في الخدمه......و الله هو حضرتك انا اكلت المطب ال مش عاوزكم تاكلوه و للأسف انا عامل وصله خارجيه للفوجات.....طيب الحقيقه عرفتها ازاي؟؟!!!! كنت بعمل ستيكر علي الفوانيس عند محل تعديل و لقيت واحد هناك معاه فيرنا و اتكلمنا عن العربيه و في وسط الكلام جت سيره الشبوره و هو قالي التفاصيل ال انا كتبتها هنا.....طبعا انا اتجننت و فتحت الكبوت اتأكد من كلامه و لقيته تمام و هو مجبش سيره فيشه المفتاح علي اساس انها موجوده ونا بالتالي مدورتش عليها ساعتها......لما فكيت الكونسول عندي من فتره لقيت فيشه ملهاش صاحب و مش فاكر الصراحه ان كانت فيشه السخان و مفصوله ولا كانت فيشه زايده و هيه بتاعه الشبوره......انا نازل ان شاء الله ع الساعه 6 هبقي ادور عليها و اوافيكم بالنتايج
الاخوة الاعزاء
باركولى ، انهاردة ضبط شوية حاجات كدة بسيطة على الماشى و حابب اقولكم عليها و بالتفصيل الممل بس محدش يزهق منى
الى التفاصيل
انهارده انا رحت شارع دمشق و اتجهت على طول على محل المدينة و سالتهم على لمبات الاوسرام نايت بريكر بلس قاللى طبعا موجود ، بكام اقاللى ب 125 جنيه ، طيب فيه فيليبس كريستال فيجين قاللى طبعا موجود ب 160 ، طيب ليه اغلى من الاوسرام مع انى اعرف انها ارخص قاللى لان الاوسرام لمبتين للفوانيس (طبعا انا بتكلم عن h4) اما الفيليبس فهى اربعة اثنين للفوانيس و اثنين صغيرين للمبات النور الصغير، طيب انهى احسن قاللى لو انت عايز اضاءة اعلى و تفرش معاك يبقى الاوسرام اما لو عايز شكل و منظر و اضاءة اقل يبقى الفيليبس و نور الاوسرام احمر مع نسبة ابيض (90% : 10%) اما الفيليبس فهى 100% ابيض
اشتريت الاوسرام و بعد ما مشيت من عند المحل ركنت فى جنب كده صف ثانى و رحت مركبهم و طبعا من شغفى جربتهم رغم ان الساعة كانت الواحدة ظهرا و رغم نور النهار الا انى شوفت قوة الاضاءة بتاعتهم و مش هاقلكم اضائتهم بالليل كانت ازاى تخيلوا انتم بقى
الحاجة الثانية رحت عند محل اكسسوارات فى كوبرى القبة اسمه حمدى الديب فيه شاب روش هناك اسمه وليد يساعدك جدا على انك تختار الاكسسوارات صح و بيركبهملك كمان من غير فلوس اشتريت من عنده ستائر الزجاج الامامى اللى بيقولوا عليها اكورديون او سسته هو فى نوعين نوع صينى ب 40 جنيه و نو ع تايونى ب 70 جنيه و ده عجبنى جدا لانه تقفيلته حلوه و حسيت انهم متان و ركبتهم و اشتريت كمان المساحات الجديدة المرنه دى قولتله انا عايز مقاس 18 قاللى موجودين ب 20 و 25 جنيه بس نصحنى بانى اركب اللى امام السواق مقاس 20 و الثانية مقاس 18 و فعلا لقيت كده افضل و ركبهمللى بنفس السعر، و بعدين ركبت كمان نور ابيض فى الصالون اسمها بلاطه فيه مقاس صغير و فيه مقاس كبير انا ركبت الكبير و بعدين قولتله انا عايز اظبط الصوت و المفاجاه ان اخوه اسمه عماد الديب فاتح فى الشارع اللى جمبه على طول هو بتاع كاسيت و اليكترونيات ، رحتله و كان معايا سمعتين بيونير 400 وات بيضاوى كنت واخدهم من اخويا و عايز اركبهم من فتره بس كنت خايف من موضوع القص فى الصاج و تشويه شغل الفابريقة، المهم رحتله و قلتله انا عايز اركبهم من غير تشويه الفابريقة و بالفعل خلع الفايبر اللى وره و شال السماعات المريضة بتاعت بهجت و بطريقة جميلة ركب السماعات البيضاويه مكان بتوع بهجت من غير ما يقص لا فى الفايبر و لا فى الصاج و رجع كل حاجة زى ما كانت ، يعنى اللى اتغير فقط هو انى شيلت المربع الفايبر اللى كان فوق السماعات و اصبح بدلهم السماعات البيضاوى بغطاهم و كمان ممكن ارجع كل حاجة زى ما كانت فى اى وقت ، و الصوت بقى جميل جدا
الجميل بقى فى الموضوع ان انا حبيت استغله و قلتله على موضوع الفيشة بتاعت مفتاح الشبورة و اللى عمله الكهربائى معايا فلقيته فك الكونسول و فضلنا انا و هو ندور على الفيشة و لم نجدها ابدا و راح هو مظبط السلوك اللى كان عاملها الكهربائى و شغللى الانوار بتاعت المفتاح اللى ما كانتش شغاله عمل الكلام ده فى حدود ثلاث ساعات و خد كام مصناعية 30جنيه.
مفتاح الشبورة الاصلى كنت اشتريته من شارع دمشق ب 40 جنيه من محل انا مش عارف اسمه بس هو على الناصية اللى بعد بنزينه شل وانت رايح على ميدان الجامع يعنى يبقى على يمينك
دى كانت رحلتى انهارده ، انا جاهز لاى استفسار
مبروك يا باشا
الف مبروك علي الترويش ده