-
طيب افصل كابلات البطارية
واستني 5 دقايق وركبها تاني
-
انا فصلتها امبارح حوالي ساعتين و وصلتهم تاني مافيش جديد
و انا حالياً فاصل الكابل السالب من الساعة 12 باليل و لما اروح هوصله و أشوف ايه الموضوع
طيب سؤال
هو ممكن كهربائي يحل المشكلة دي
انا بس عايز اشوف في كهرباء واصلة لفيشة الطرمبة و لا لاء
يعرف يكشف على الموشوع ده عند البيت عندي و لا لازم العربية تتنقل للورشة
-
إحتمال 90% طرمبة بنزين و 10% دينامو السبب
-
-
انا قعدت فترة كانت بتحصل معايا في الريو زي ما انت بتقول
كنت بنزل وادق باي حاجة على قطاش البطارية وكانت بتدور عادي
وبعد كده الميكانيكي غسلها بمياه سخنة وشحمها والدنيا بعد كده بقت زي الفل
دي حدود معلوماتي
انا عارف انك جربت اكتر من كده
-
لمبه تشك مش منوره يعني الكنترول مش حاسس بالعربيه
فك فيش الكنترول ونضفها باسبراي تنظيف الكترونيات وجرب
-
وشوف هتلاقي فيوزات مكتوب عليها ecmفي علبه فيوازات الصالون
بص عليها برضه
-
انا شيكت على كل الفيوزات و الحمد لله سليمة
بالنسبة للكنترول
انا ما فكتش الفيش بتاعته
بس هل لو الكنترول مش حاسس بالعربية
كل حاجة تشتغل عادي ماعدا طرمبة البنزين
لان هي دي الوحيدة الي مش شغالة هي ولمبة التشيك انجن
و كمان زرار الـ a/c منور على طول ادوس عليه او ما ادوسش بردو منور نور خافت مش النور الطبيعي
لما اروح اشوف فيش الكنترول دي
و كدة كدة هحاول اشوف كهربائي يبص عليها
-
البوبينه بتطلع كهربه؟؟؟؟؟؟؟؟
-
يعني ايه ؟
أعرفها أزاي دي
هو انا لما بدور العربية صوت المارش و التدوير عادي
لكن مافيش بنزين
و مؤشر البنزين مش بيتحرك من مكانه مع فتح الكونتاكت
انا متأكد بنسبة 90% انها طرمبة
بس السؤال ايه الي يخليها تعمل كدة لما شيلت كابل البطارية و ركبته تاني
و ليه لمبة التشيك انجين مش منورة مع الكونتاكت
و ليه لمبة الـ a/c منورة على طول نور مش طبيعي
هي دي الاختلافات الي حصلت بعد ما شيلت الكابل الملعون و ركبته تاني
1- لمبة التشيك انجن مش منورة
2- مؤشر البنزين مش بيتحرك من مكانه
3- الطرمبة مش شغالة ( صوت الزنة بتاعتها مش مسموع )
4- لمبة زرار الـ a/c منورة نور خافت دائماً مع وضع المفتاح في الكونتاكت و إدارته تكة واحدة فقط
5- العربية مش بتدور
بس كدة
ايه بقى علاقة الأشياء دي ببعض
ده الي هيجنني
مع العلم أني قمت بالاتي
1- شيلت الكابلين و نظفتهم و نظفت البطارية و ركبتهم
2- أختبار جميع الفيوزات و كلها سليمة
3- شيلك كابل البطارية السالب لمدة ساعتين و بردو ما فيش جديد
4- انا حالياً فاكك الكابل السالب و لما اروح ابقى اشوف هعمل ايه
انا عارف انها بأقصى الحالات ممكن تكون طرمبة أو قافله و ربما الكنترول طار
بس الي مجنني ايه علاقة الاشياء دي ببعض
Content Relevant URLs by
vBSEO 3.6.0 PL2