جبت اخري من فرامل الفيرنا ايه الحل الأمثل من الحلول دي

انا معايا فيرنا مانيول 2012 وبصراحه عربيه عمليه بس الحاجه اللي مديقاني فيها الفرامل بتاعتها وللأسف انا من هواه السرعه وده خلاني البس في اكتر من مطب , غير كده لما بدوس فرامل عند (140-160) بسمع صوت ورعشه وبحس ان البدال في رعشه بسيطه فأنا عايز اعمل تحسين ليها اعمل ايه:majd(4):


1. هل لو غيرت الجنوط بحيث ان الكوتش يبقى عريض شويه يزود أداء الفرامل بحيث ان الأحتكاك في الأرض يزيد.


2. في ناس قالتلي غير الطنابير وكبرها شويه


3. في ناس قالتلي غير الطنابير الخلفيه وخليها سكاكين زي اللي قدام.

ققرب حاجه من الحاجات دي لو هي فعلا مظبوطه اصلا ممكن اعملها اعرض الكوتش لأني بخاف اعدل حاجه في العربيه ومبروحش للحرميه التوكيل

ملحوظه: ياريت اللي يرد علي يكون جربها ويقولنا كلفته كام وحسنت الفرامل فعلا ولا ايه؟
وشكر

هقولك ع ال جربته فعلا و هو الكاوتش.....لما غيرت الكاوتش ال جاي معاها و جبت يوكوهاما الدنيا اختلفت اختلاف جنوني و ده معناه ان تعريض الجنط و الكاوتش هيفرق جدا مفيش شك و يعتبر اكثر الحلول امانا......انا عن نفسي مستحيل اغير حاجه في منظومه الفرامل عشان مجيش لاقدر الله افرمل الاقيها كلبشت الأربع عجلات ولا مش بتفرمل اساسا و اسافر انا‏!‏!!!! كده حلوه و الحمد لله

اقتباس:

---

المشاركة الأصلية كتبت بواسطة m7mda7md

هقولك ع ال جربته فعلا و هو الكاوتش.....لما غيرت الكاوتش ال جاي معاها و جبت يوكوهاما الدنيا اختلفت اختلاف جنوني و ده معناه ان تعريض الجنط و الكاوتش هيفرق جدا مفيش شك و يعتبر اكثر الحلول امانا......انا عن نفسي مستحيل اغير حاجه في منظومه الفرامل عشان مجيش لاقدر الله افرمل الاقيها كلبشت الأربع عجلات ولا مش بتفرمل اساسا و اسافر انا‏!‏!!!! كده حلوه و الحمد لله

---

شكرا ياباشا عالرد وان شاء الله هعرض الجنط شويه طلما انت شايف انو بيجيب نتيجه كويسه مع الفرامل
بس كان نفسي اعرف ليه بيحطوا فرامل سكاكين قدام وورا طنابير انا اعرف ان السكاكين احسن ؟؟ ممكن عشان تقل الموتور عالعجل اللي قدام مثلا ؟؟

بص نصحيه من اخوك لو عايز تجيب من الاخر .. جنوط 15 بكاوتش مقاس 195/50 ماركه محترمه يوكاهاما او بردجستون و هتشوف النتيجة ... الفرامل حتتحسن بمراحل و هتحس انك مكنتش بتقف اصلا ... ثبات على الطريق ضعفين الاول ..

اقتباس:

---

المشاركة الأصلية كتبت بواسطة mohab555

بص نصحيه من اخوك لو عايز تجيب من الاخر .. جنوط 15 بكاوتش مقاس 195/50 ماركه محترمه يوكاهاما او بردجستون و هتشوف النتيجة ... الفرامل حتتحسن بمراحل و هتحس انك مكنتش بتقف اصلا ... ثبات على الطريق ضعفين الاول ..

---

+111111111111111 مشكلة الفيرنا بتنزل بكاوتش سئ جدا

الكاوتش هو الحل
انصحك ببريدجيستون او ميشلان عن تجربة
مع مراعاة تظبيط المقاس عشان البروفايل ما يعملش اختلاف على عداد السرعة

مركب بريدجيستون بي 250 175-70-13

اقتباس:

---

المشاركة الأصلية كتبت بواسطة mohab555

بص نصحيه من اخوك لو عايز تجيب من الاخر .. جنوط 15 بكاوتش مقاس 195/50 ماركه محترمه يوكاهاما او بردجستون و هتشوف النتيجة ... الفرامل حتتحسن بمراحل و هتحس انك مكنتش بتقف اصلا ... ثبات على الطريق ضعفين الاول ..

---

بس مش 15 ده هيبقى كبير قوي عالفيرنا وهي واطيه خلقه

اقتباس:

---

المشاركة الأصلية كتبت بواسطة king_a841

بس مش 15 ده هيبقى كبير قوي عالفيرنا وهي واطيه خلقه

---

ولا اى حاجة هت 2 فيرنا واحده ستوك و التانية بجنط 15 مقاس الكاوتش 195/50 هتلاقى الاتنين ارتفاع واحد لانك عوضت فرق البروفيل الى انت قللته فى حجم الجنط و بعدين ده المقاس الكاوتش 15 الاستندرد بتاع الفيرنا الى فى الكتالوج.

انا مش مقتنع ابدا ان الفرامل الديسكات او زي ما بيسموها السكاكين اقوي من "الحلل".....ما دي فرامل و دي فرامل و بتنزل في عربيات نضيفه كتير....علي الاقل للاستخدام الغير رياضي و متهيألي افضليتها بس في التهويه مش اكتر

لو غيرت مقاس الجنط هيبقى قراءة عداد السرعة فيها خطأ طبعا , طب دى ليها حل ؟؟

و مش الجنط الأكبر يعلى العربية ؟؟

اقتباس:

---

المشاركة الأصلية كتبت بواسطة mohab555

بص نصحيه من اخوك لو عايز تجيب من الاخر .. جنوط 15 بكاوتش مقاس 195/50 ماركه محترمه يوكاهاما او بردجستون و هتشوف النتيجة ... الفرامل حتتحسن بمراحل و هتحس انك مكنتش بتقف اصلا ... ثبات على الطريق ضعفين الاول ..

---

طيب معلش اخر سؤال هو انا ازاي اظبط عداد السرعه مع الجنوط الجديده

رعشة البدال مع الفرامل دي 99 % طنابير لازم تتمسح او تتغير لو كنت مسحتها قبل كده ..
عن تجربة

اقتباس:

---

المشاركة الأصلية كتبت بواسطة king_a841

طيب معلش اخر سؤال هو انا ازاي اظبط عداد السرعه مع الجنوط الجديده

---

المقاس الى بقولك عليه هو الوحيد الى هيظبط عداد السرعة مع الجنوط على مسؤليتى

[QUOTE=Mohab555;3874244240]المقاس الى بقولك عليه هو الوحيد الى هيظبط عداد السرعة مع الجنوط على مسؤليتى[/
QUOTE

طيب كده تمام اوي . بس في ناس بتقول لو كبرت الجنط هيتعب العفشه ؟؟ مع اني حسب مافهمت من حضرتك ان العربيه ارتفاعها ثابت لأن كبر الجنط بيتعوض في انه بيقلل البروفايل!!!

اقتباس:

---

المشاركة الأصلية كتبت بواسطة verna2008auto

رعشة البدال(والطارة) مع الفرامل دي 99 % طنابير لازم تتمسح او تتغير لو كنت مسحتها قبل كده ..
عن تجربة

---

2222222222222222
و يفضل تتغير