الموضوع: حل للهوندا عشان ماتهبطش وتحك في المطبات ومش هيأثر عالثبات

كنت بلف في المنتديات بتاعة الناس بتوع برة ولقيت كام حاجة عجبتني
انا الصراحة مش عارف اللي هتكلم فيه ده حد اتناقش فيه قبل كدة ولا لأ
أولا هما برضه بيشتكوا ان الهوندا أرتفاعها عن الأرض قليل جدا ولكن ممكن يبقي مقبول لو 2 قاعدين قدام
ولكن بمجرد التحميل ورا بتبقي مشكلة كبيرة والعربية بتهبط جامد وبتحك في مطبات كتير
وكان في حلول كتير
أحسن واحد عجبني هو ده والناس كانت مبسوطة منه
المهم نجيب من الأخر
هو مش هيحط stoppers ولا علايات
هو هيحط كاوتش زي العلايات بس بيعمل شغل ال stoppers
فهيبقي طري ومش هيبقي في دبدبة والعربية مش هتهبط
الكاوتش ده بيتباع مخصوص ... اسمه coil spring adjuster
في منه كذا شكل بس أحنا هنتكلم عن واحد بس وهو أفضلهم
هو الشكل ده


وده سمكه واحد بوصة

التجربة تمت علي هوندا سيفيك 2007

هتقيس حلقة من حلقات السوستة بتاعة عربيتك زي كدة


وتيجي علي الكاوتشة وتقيس نفس المقاس وتشيل الزيادة


هترفع العربية عشان تبقي مستريح وانت شغال


هتركب الكاوتش بين حلقتين في النص

وده هيبقي منظرها في الأخر


يفضل تمسك الكاوتشة في السوستة بأفيز

طبعا هنقول هنجيب الكاوتشة ده منين
هو الراجل كان جايب نوع وبيقول انه ممتاز وملمسه مبين انه بجودة عالية ومش سهل يتقطع
انا دورت ولقيت علي amazon بيتياع
Amazon.com: Superior 18-1901 Donut Style Coil Spring Spacer: Automotive
الواحد ب 8.68 دولار يعني الجوز مش هيزيدوا عن 150 جنيه
اللي عملها عملها علي اللي ورا بس معملش قدام ... لو حد حابب يحط قدام براحته

ده شوية مقارنات قبل وبعد
العربية قبل التعديل فاضية


العربية بعد التعديل فاضية .... طبعا مفيش أي فرق


قبل التعديل محملة ورا 3 والشنطة مليانة


بعد التعديل ومحملة ورا 3 والشنطة مليانة


وبكدة خلص :)