الموضوع: حرامي في العربيه!!!!!!!!!

امبارح ربنا رزقني و اشتريت عربيه جديده.....اشتريتها من القاهره و رحتت بيها علي بورسعيد....وصلت متأخر وكلمت مراتي ( كانت في بيت والدها) انها تنزل علشان تشوف العربيه الجديده.....ركنت جنب بيت حمايا قدام شويه

مراتي اتأخرت عليه ....مش عارف ليه ...اتصلت بيها تاني ....لقيتها بتصرخ في التليفون

و الله يا جماعه لو حد حكالي الموقف ده مش هصدق بس ده اللي حصل

مراتي بدل ما تروح في الاتجاه اللي راكن فيه عربيتي راحت عكس الاتجاه......لقت واحد قاعد في عربيه والدها ( مازدا 323 92) و بيتحرك بيها ....قالت له دي عربيتي ....انت قاعد بتعمل ايه....و صرخت في الشارع ......طلع الحرامي يجري....طلع شاب يجري وراه ....نط في جنينه نط وراه.....لقاه قاعد مستخبي ورا السور ....مسكه و جابه.....الناس اتلمت .....و اتصلنا بالنجده ....ردوا علينا ....بعد نص ساعه جم ...طبعا المنطقه كلها كانت اتلمت.....الحرامي قعد يحلف و يقول هيه اللي بتتبللي عليا.............

جه الظابط ...سمع اللي حصل ....فتش في جيبه ....لقي شويه مفاتيح.....فتح بيهم العربيه ....العربيه فتحت بمفتاح من المفاتيح.....ركب الحرامي ع القسم......و رحنا معاه و معانا
شهود ....المخبر اللي هناك سأل الحرامي انت عندك سوابق قبل كده....قاله قضيه واحده ... قاله امك اسمها (كذا) قاله اه....قاله الله يخرب بيتك انت مسجل خطر......الظابط طلب تفتيشه تفتيش ذاتي ....لقي في جيبه حته حشيش في حجم البليه .......رجع امين الشرطه و معاه كشف السوابق و الاحكام اللي عليه..........تتخيلوا كام سابقه؟؟؟؟

36 سابقه سرقه .....اقسم بالله ما صدقت الا لما شفت الكشف بنفسي........ يا نهارك اسود..و لسه خارج من السجن في شهر 9 اللي فات

الحادثه دي حصلت في قسم العرب في بورسعيد

كل واحد يخللي باله من عربيته حتي لو قديمه .... يأمنها كويس

هو الضابط عارفه هو و أمه كمان
إنها حقاً عائلة محترمة
إن شاء الله يدخل السجن و مايطلعش تانى