متشائم جداااا ... الكوبلن قفش وانا ماشى .... والعربية اتخبطت

يانجوم انا مخنوق اوى كنت فى مشوار عند ناس قرايبى الصبح

فى التجمع الاول المهم اليوم كان ماشى عادى بس وانا بسخن العربيه الصبح تحت البيت وانا طالع سمعت

صوت زى تزييقة سوسته واختفى بعديها المهم كملت مشوارى وروحت التجمع ورااجع دخلت عباس العقاد

سبحان الله ربنا الهمنى وقلت بلاش اطلع الدائرى وخصوصا معايا والدى ووالدتى ومرضيتش اطلع بليل

الدائرى دخلت عباس العقاد وخدتو لحد اخرو وطالع الف علشان ادخل على المنصة واطلع كوبرى اكتوبر

عند الملف بلف الدركسيون شمال وداخل لقيتلك العجله الشمال قفشت والعربيه وقفت فجأه واللى ورايا

خبط فيه من الاكصدام الخلفى يمين المهم ارجع بالعربيه يمين شمال العجلة قافشه نزلت والدى وقفلى

الطريق الناحيه التانيه وقرصت عالعربيه والعجله قافشه وطلعت دخان رهيب وريحة بشعة ركنت قدام

صيدلية العزبى ونزلت فكيت العجلة الشمال وقعدت اخبط عالطنبوره طب اعمل ايه اكلم اى حد ساكن

فى مدينة نصر يبعتلى الميكانيكى بتاعو المهم خبطت عالطنبوره شوية وركبت العجله تانى وقولت بما ان

الكوبلن الشمال الف العجل كلو يمين وارجع لورا واطلع قدام يمين المهم سبحان الله نزلت العجله وارجع

واطلع قدام طلعت وطلعت ومشيت وصوت تخبيط رهيب وفضلت ماشى على التانى لحد ما وصلت البيت

فى الكيت كات وقفشت منى تحت البيت فكيت العجله تانى وخبطت عالطنابير وجمبيها كدا وفكت وركنتها ....

ان شاء الله بكره هروح لعم نبيل الميكانيكى وهشترى كبالن وطنابير جديده وتيل جديد وهصورلكو

الخبطه بتاعت العربيه بس مخنوق اوى وربنا يسترها علينا جميعا .....

الخساير بقا بعد ماركنت ونزلت كسرت اوكرة الباب وانا بفتحو كنت متعصب جداا والعجله اتنحلت وانا بفك العجله حطيتها عالارض وقعدت عليها الطاسه اتكسرت وقررت اشيل كل الطاسات اللى فى العربيه وهخليها عالجنوط الاصلية

لا حول ولا قوة الا بالله.الحمد لله يا محمد على كل حال.فيه ايام بتعدى على الواحد بيحس ان فيها حاجة غلط ولكن نرجع ونقول الحمد لله.

اقتباس:

---

المشاركة الأصلية كتبت بواسطة ayman-ahmed

لا حول ولا قوة الا بالله.الحمد لله يا محمد على كل حال.فيه ايام بتعدى على الواحد بيحس ان فيها حاجة غلط ولكن نرجع ونقول الحمد لله.

---

الحمد لله على كل شىء بس حمدت ربنا ان الموضوع ده محصلش وانا ماشى بسرعة ولو كنت طلعت الدائرى كان ممكن ماكونش بكلمك دلوقتى

اقتباس:

---

المشاركة الأصلية كتبت بواسطة koshary

الحمد لله على كل شىء بس حمدت ربنا ان الموضوع ده محصلش وانا ماشى بسرعة ولو كنت طلعت الدائرى كان ممكن ماكونش بكلمك دلوقتى

---

شفت بقى.سبحان الله وبحمده. قوم صلى يا محمد ركعتين شكر وقول ربى اننى لا اسالك رد القضاء وانما اسالك اللطف فيه.

قدر الله وماشاء فعل وفعلا الحمدلله انها جت ع قد كده

اهم شئ احمد ربنا انك الحمدلله تمام وبخير وفعلا فيه حاجات عجيبة بتحصل للواحد اهو كله تكفير ذنوب :)

قدر الله وما شاء فعل
وحمد لله على سلامتك من اى ضرر .

وسلامة العربية وان شاء الله تظبط اللى حصل فيها

قدر الله ماشاء فعل وحمدلله على سلامتك ..
مش عارف منتدى مااااالوا يومين دوول !
وربنا يسترها علينا جميعااااا .

اقتباس:

---

المشاركة الأصلية كتبت بواسطة koshary

الحمد لله على كل شىء بس حمدت ربنا ان الموضوع ده محصلش وانا ماشى بسرعة ولو كنت طلعت الدائرى كان ممكن ماكونش بكلمك دلوقتى

---

انا عايزك متفكرش في اي حاجه غير النقطه دي...عشان تعرف ان كل ال حصل معاك ده ولا حاجه....حمدلله ع السلامه يا كبييييييييييييييييييييييي ييييييييييير.....اعمل حسابك الغدا عليك بكره:36_1_35[2]::burger::burger:

قدر الله وما شاء فعل
وحمد لله على سلامتك

معلش قدر الله وما شاء فعل.
اهم حاجه يا محمد تقول دعاء ركوب السياره والله بتنفع جدا وعن تجربه.

معلش يا كبير فداك ونورت التجمع

قدر الله وما شاء فعل يا محمد
انتا اللى كنت بتنبهنى امبارح وتقولى خلى بالك من نفسك واهه جت فيك انتا
بس الحمدلله انك كويس وربنا سترها
متزعلش

فيداك

ياباشا خير ان شاء الله
قول الحمدلله انك مطلعتش الدائري

الحمد الله علي كل شئ
معلش

حمد الله على السلامة
بس اعطال الكوبلن بيكون ليها مقدمات
بيكون فيه صوت تزييق وطقه لما بتكسر الدريكسيون
انت اهملت فى صيانتها ولا العطل ده جه فجأة ؟

اقتباس:

---

المشاركة الأصلية كتبت بواسطة elawany13

حمد الله على السلامة
بس اعطال الكوبلن بيكون ليها مقدمات
بيكون فيه صوت تزييق وطقه لما بتكسر الدريكسيون
انت اهملت فى صيانتها ولا العطل ده جه فجأة ؟

---

والله ياباشا انا لسه مربط عفشة من اسبوع ومغير الكاوتشات بتاعت الكبالن ومغير الكبالن دى من شهرين بالظبط وجايب نوع كورى

بسيطة الحمد لله

اقتباس:

---

المشاركة الأصلية كتبت بواسطة kareem fawzy

قدر الله وما شاء فعل يا محمد
انتا اللى كنت بتنبهنى امبارح وتقولى خلى بالك من نفسك واهه جت فيك انتا
بس الحمدلله انك كويس وربنا سترها
متزعلش

---

مش زعلان ياكريم بس سبحان الله انا كنت لسه مكلمك وقولتلك انا نازل التوفيقيه هجيب تيل يوم الثلاث ادينى هشترى كبالن وتيل وطنابير سبحان الله يبقى كدا الطنابير الحاجه الوحيده اللى فى العربيه مغيرتهاش قبل كدا

اقتباس:

---

المشاركة الأصلية كتبت بواسطة minicooper20

فيداك

---

شكرا ياباشا

اقتباس:

---

المشاركة الأصلية كتبت بواسطة moh19227

ياباشا خير ان شاء الله
قول الحمدلله انك مطلعتش الدائري

---

الحمد لله على كل شىء

اقتباس:

---

المشاركة الأصلية كتبت بواسطة ayman-ahmed

لا حول ولا قوة الا بالله.الحمد لله يا محمد على كل حال.فيه ايام بتعدى على الواحد بيحس ان فيها حاجة غلط ولكن نرجع ونقول الحمد لله.

---

الحمد لله يا ايمن باشا بس فعلا بتبقا حاجه خنيقه جدا لما بتبقا ماشى فى امان الله وتلاقى عرييتك هوب حصلها حاجه وانت وقفت فى نص الشارع متتخيلش الموقف وانا بقرص على العربيه علشان كانت واقفه فى الملف العجله مش راضى تلف والعربيه ماشيه من قدام على عجله واحده بعد مالفيت كأن فى حريقه فى الشارع لقيت ناس كتير جايبه ميه وواحد نازل جايب طفاية حريق وجاى كانو فاكرين فى حاجه فى الموتور

اقتباس:

---

المشاركة الأصلية كتبت بواسطة m7mda7md

انا عايزك متفكرش في اي حاجه غير النقطه دي...عشان تعرف ان كل ال حصل معاك ده ولا حاجه....حمدلله ع السلامه يا كبييييييييييييييييييييييي ييييييييييير.....اعمل حسابك الغدا عليك بكره:36_1_35[2]::burger::burger:

---

تنورنى ياباشا انا عند الاسطى نبيل طول اليوم كدا كدا هو مبيفتحش غير الساعه 2 هتغدى معاه تشرفنا والله

اقتباس:

---

المشاركة الأصلية كتبت بواسطة kefohonda

قدر الله وما شاء فعل
وحمد لله على سلامتك

---

الله يسلمك

قشششششششششششششششطه...انا رايح اتغدي يا جماعه...حد تاني جاي ولا ايه النظام؟
ههههههههههههههههههههههههه ه....ربنا يوفقك يا سيدي و تخلص المشوار علي خير باذن الله

معلش الحمد لله انها جات على قد كدة
بس انتا ساكن فين الكيت كات يا باشا ؟ :)

شد حيلك ياباشا والله الواحد يشوف مصايب الناس تهون عليه مصيبته ساعات اليوم بيبقى باين من اوله بس ارجع واقول الحمد للللللللللللللللللللللللل للللللللللللللللله

اقتباس:

---

المشاركة الأصلية كتبت بواسطة Hacker5

معلش الحمد لله انها جات على قد كدة
بس انتا ساكن فين الكيت كات يا باشا ؟ :)

---

عند المحكمة بالظبط

معلش الحمد لله انها جت على قد كده
ولما تصلحها طمنا عليك وقولنا عملت ايه .

طب يا ترى الكوبلن قفش من ايه؟؟؟

الحمد لله رب العالمين وقدر الله وما شاء فعل يا محمد

ياباشا قدر الله وماشاء فعل والحمد لله انها جت على كدة وسرعتك كانت بطيئة قول الحمد لله وقضاء اخف من قضاء

بس انا شاكك ان دة يكون من الكوبلن.افتكر العيب من الصرة.او خرطوم الفرامل مسدود.والباكم مش بيرد البستم وبيفضل قافش علي العجلة!

اقتباس:

---

المشاركة الأصلية كتبت بواسطة i_Am_Legend

بس انا شاكك ان دة يكون من الكوبلن.افتكر العيب من الصرة.او خرطوم الفرامل مسدود.والباكم مش بيرد البستم وبيفضل قافش علي العجلة!

---

العيب طلع البلية ادشدشت مليون حته وده انا شرحتو فى تقرير التركيب ده http://www.nilemotors.net/Nile/283717-a.html