حصل موقف مشابه مع اخويا
بس للأسف الأهل طلعوا بجحين هما كمان وقالوا هنعملك ايه ؟؟؟
استمر في موضوع الأقسام والبوليس دة
دوول اليومين دوول مابيصدقوا يمسكوا حرامي
ربنا معاك
والله المستعان
،
،
عرض للطباعة
حصل موقف مشابه مع اخويا
بس للأسف الأهل طلعوا بجحين هما كمان وقالوا هنعملك ايه ؟؟؟
استمر في موضوع الأقسام والبوليس دة
دوول اليومين دوول مابيصدقوا يمسكوا حرامي
ربنا معاك
والله المستعان
،
،
متشكر يا رجاله انا ماشي في المحضر تمام و واخد موقف من الي عرفني عليه
و ربنا يعمل الي فيه الخير ان شاء الله
و الله ناس كتير عايزه تخدم و تجيبه متربط بس انا بقول امشي لآخر المحضر الاول ولا ايه ؟
و الله دا عايز كام بلطجي يخشوا يقلبوا عليه الشقة بتاعته و يكسروه
بص يا باشا سيبك من موضوع المحاضر والكلام ده
انت احسن حل انك تخطفه
تقفشه في الشارع مثلا انت واصحابك وتعملو عليه حفلة ! والله صدقني بلا محاضر بلا بتاع
لحد ماهو يسلم ويديلك الحاجة !
انا من زمان ايام ماكنت في الثانوي تقريبا
كان فيه واحد مش صاحبي اوي يعني صاحبي على خفيف وجيه البيت عندي مرة المهم سرق موبايل وطبعا وقتها الموبايل كان ليه قيمته مش زي دلوقتي
المهم انا كنت شاكك فيه بس برضوا ماكنتش عايز اظلمه لحد ماواحد جيه قالي بص انا شفت موبايلك معاه وانا متاكد وانا جيت اقولك عشان حرام اشوف حاجة زي كدة واسكت وانا كلمته كذا مرة يرجعلك الموبايل هو مش راضي !
طبعا انا خد الكلام ده ورحت عامل كمين ! !
اتصلت بيه ازيك يا معلم وايه الاخبار كلو تمام ؟ وماجبتش سيرة اي حاجة
قلتله ماتيجي تقعد معايا سيكا كدة مع بعض نذاكر قالي مش قادر قلتله لا تعالى عايزك ضروري والمهم اقنعته لحد ماجالي البيت
كنت طبعا مربط قبلها مع كام واحد زميلي وكام بلطجي من الحتة
وهوووب اول ما المعلم وصل ! الابواب اتقفلت ولقد وقع الاعداء في الفخ
هههههه
اتعمل عليه الحفلة الصح ! قلناله بص يا تجيب الموبايل يا مش هتشوف بيتك تاني
الواد وشه قلب الوان وسكت <<< طبعا صدمة السنين والايام ! ! ؟
بعدها قال خلاص هجبهلكو
ركب معانا العربية وصلناه لحد بيته قلناله قدامك 5 دقائق تطلع تجيب الموبايل وتنزل ولو مانزلتش خلي بالك هنقطرك تاني وسعتها مش هنرحمك
وفعلا مافيش 5 دقائق وكان طالع جايب الموبايل ونزلهولنا وانا اسف وانا ماكنش قصدي والظروف ومش الظروف
فده احسن حل تعمله من غير لا ضرب ولا قلة ادب ! كارت ارهاب هيجيب ورا ويجيبلك الحاجة كلها وابقى طمنا عملت ايه
يا عم ولا تخطفه ولا تتعب نفسك
هات م الآخر وخلص ......اقتله وقطع جثته قطع صغيرة و اشتري مفرمة لحمة
وافرمه وبيعه لبتوع الحواوشي ..... كدة ح يرمي مثلا 60 كيلو لحمة وح تبيع الكيلو ب 30 جنيه .... يبقى 1800 جنية .... .. وممكن تبيع السقط والراس والكوارع لبحة بتاع الناصرية ب 400 جنيه وتبيع الهدوم بعد ما تقلع الجثة لأبو نسمة وتسلخ الجلد وتبيعة لأي حد بتاع مدبغة
اما بقى لو تعرف واحد جراح صح وكفاءة يبقى باضت في القفص يا حاج ..... تبيعه اعضاء كل عضو لوحده .... كليتين وكبد وطحال واتنين قرنية عين .... تبقى كدة عملتلك كام مليون ..... وبعدين نشوف باقي العيلة بتاعته .... اخواته .... ابوه .... امه ... جيرانه
كده تبقى انت خدت حقك وكونت نفسك وأمنت مستقبلك
...
...
ايه يا جماعة ....
ايه الردود العجيبة دي
الناس بتشجع على العنف والخطف والبلطجة
انا مش مصدق اني باقرأ الكلام ده في نايل موتورز ... امال لو كان بيسأل حد مسجل خطر كان قال ايه ؟؟؟؟؟
....
اوعي تصدق كلامي اللي فوق
ده مجرد تريقة على حكاية الخطف والعلامات الابدية والبلطجية
سبحان الله
من آمن بالله واليوم الآخر فليقل خيرا او ليصمت
تلاقيه شمام ولا مدمن --فتش عن المخدرات
انا حصلي نفس الي حصلك بالظبط
و المصيبة انه مش محتاج اصلاً يسرق يعني مستواه المادي ليه و لاهله يمكن اعلى مني بس هو مرض
انا لما اتأكدت انه هو الي سرقني قابلت والده و قولتله بس طبعاً ما صدقش و اتخانق معايا
و قطعت علاقتي بيه نهائياً من اليوم ده
و محدش بيتعلم ببلاش
انا مستغرب برده من الردود الي بيقول اضربه و جيبله بلطاجيه يبقي احنا الي بنشجع علي البلطجة