لقائي التليفزيوني حول مشكلات الجامعات

**dr-mohamed** · 17-04-2012 04:16 AM

طلب مني يوم السبت المشاركة في برنامج تليفزيوني حول مشكلات التعليم الجامعي في مصر لكوني احد الناشطين في مجال اصلاح الجامعات خاصة في ظل وضع قانون حاليا لتنظيم الجامعات وهو قانون اقل ما يقال عنه انه سيؤدي لتدمير الجامعات المصرية تحت رعاية احدي الحركات الناشطة في مجال الجامعات والمنتمية الي احد الاحزاب السياسية ذات الثقل وباختصار شديد القانون يؤدي الي فتح الباب وبعنف امام خصخصة الجامعات
اللقاء فيه كثير وكثير من مشكلات الجامعة
في انتظار ردودكم وتعليقاتكم
[youtube]http://www.youtube.com/watch?v=1pL1ieIBDNg&feature=youtu.be[/youtube]

شكر خاص للزميل والصديق حسين niceegypt web علي قيامه بتسجيل الحلقة ووضعها على اليوتيوب بنسختين واحدة عادية والاخري عالية الدقة في جهد كبير جدا منه

**dr-mohamed** · 17-04-2012 04:18 AM

كتبت شكر خاص للزميل والصديق حسين niceegypt web على قيامه بتسجيل الحلقة ووضعها على اليوتيوب نسختين نسخة عادية ونسخة عالية الجودة لكن الشكر اختفي تحت الاعلان لهذا وجب اعادته وله كل الشكر
النسخة عالية الجودة
‫مؤتمر مارس لأعضاء هيئة التدريس‬&lrm; - YouTube

**النوبي** · 17-04-2012 05:43 AM

روعه بجد الله عليك يادكتور
والمذيع بجد راجل جميل واثري النقاش
واحلي حاجه اني شفتك وانت ماشفتنيش

**dr-mohamed** · 17-04-2012 06:42 AM

المشاركة الأصلية كتبت بواسطة me_medoo

لقاء جميل يا دكتور. .... وكلامك معقول جداً بس هل ياترى في امل في البلد دي انها يتصلح حالها

ممكن بشرط واحد ان الكل فعلا يخلص النية لله ويكون عمله من اجل اصلاح البلد وتقدمها وليس تعصبا لفلان او علان او الحزب الفلاني او العلاني
لما مصر تبقي اهم من انتمائاتنا الاخري ايا كانت

**dr-mohamed** · 17-04-2012 06:44 AM

المشاركة الأصلية كتبت بواسطة النوبي

:018a1d~146:روعه بجد الله عليك يادكتور
والمذيع بجد راجل جميل واثري النقاش
واحلي حاجه اني شفتك وانت ماشفتنيش

هههههههههههه
حبيبي يا نوبي مسير الوجوه تتلاقي ونتقابل ان شاء الله
وفعلا المذيع فاهم جدا لانه رئيس قسم التعليم بجريدة الجمهورية فملم بمشكلات التعليم الجامعي
واتصل بالوزير قبل الحلقة مباشرة وقاله ان الحلقة عن مشكلات الجامعة ومؤتمر 31 مارس وان فلان موجود وهو ضيف الحلقة الوزير ال ........ قاله لا فلان ده بيهاجم بعنف وانا مش عايز ادخل معاه علشان مش بيسكت علشان كدة المذيع بدا الحلقة بأن الوزير خايف وميت من الرعب

**dr-mohamed** · 17-04-2012 07:56 AM

المشاركة الأصلية كتبت بواسطة minicooper20

لقاء جميل بس جننت المزيع على مقلتلو الدراسه بيتاعت المرتبات هههههههههههه

طبعا لان دي لعبة الاعلام معانا كل همهم يبقي الكلام عن المرتبات سواء في الجرايد او التليفزيون وكله كلام على الفاضي الوزراء من عمرو سلامة لمعتز خورشيد لحسين خالد اللى يمسك فيهم يبدا يزيادة مرتباتنا ويفضحنا في كل مكان ان مرتباتنا زادت وهي في الحقيقة مش بتزيد بالعكس الفئة الوحيدة اللى مرتباتها قلت بعد الثورة هي الجامعة

زيادة المرتبات طبعا هدف لينا خصوصا بعد ما سمعتم الارقام المفجعة لكن في نفس الوقت احنا مش عايزين مرتبات بس
عايزين زيادة ميزانية التعليم الجامعي والبحث العلمي
عايزين تعديل اوضاع المعيدين
عايزين قانون حقيقي يصلح الجامعات مش يخربها زي اللى بيعملوه
عايزين الطلاب يعملوا اللائحة بتاعتهم هما من غير ما تتفرض عليهم
عايزين يتوقف مشروعات الزفت اللى مسميينها مشروع الجودة وهي في الحقيقة تجسس على الجامعات وتجميع كامل لكل ما يدور فيها
عايزين بلدنا تبقي احسن