الموضوع: نيتروجين

صح ياكيمو شكرا على الرد بس بالنسبة للسحب الراجل يقصد انة طول ما الكاوتش مزود كويس هاتحس ان العربية سحسبها جامد على الطريق بس بيحافظ على الجنط من الصدا اذى؟ انا عربيت فيها جنط 16 وهل ملوش اى ضرر على طغط الكاوتش نفسة

شكرا يا باشا

يا ساكروز النيتروجين كله على بعضه اشتغالة رسمي على الأقل للعربيات الملاكي. انا قريت اللينك اللي حاطه كيمو كلام جميل جداً علمي بشدة ولكن في عربياتنا احنا مش عربيات الفورميولا وان السرعة بتوصل 180 - 190 بالكتير وفي الحالة دي درجة حرارة الكاوتش بتوصل في حدود 50 - 55 درجة مئوية لو منفوخة بالهواء مش بالنيتروجين.

اتوقع ان درجة الحرارة حتقل لو منفوخ بالنيتروجين لكن هل ده يسوى انك تنفخ الكاوتش ب 20 - 30 جنيه؟ في رأي لأ لأنه حتى مع درجة الحرارة 50 - 55 ضغط الهواء في الكاوتش بيرتفع من 30 - 35 بالكتير وده ميقلقش ان الكاوتش ينفجر. متحصلش لا مع الضغط ولا الحرارة دي الا لو الكاوتش قديم او ممسوح فتبقى في نقط ضعف.

اما عن الجنط بتاعك فمتقلقش عليه من الصداء إطلاقاً لأنه مش معمول من الحديد ده معمول من الأنتيمونيا وهي مادة مقوامة للصداء الى حد كبير. ده مش بس كدة ده كمان مصمم انه لو عدا على طوبة كبيرة او دبشة في الطريق يتفصل الجنط الى حلقتين مش يتكسر وده للأمان عشان تفضل متحكم في ثبات العربية لغاية ماتركن اخره ان الهواء بيفضى من الكاوتش لكن مش حيكون في تأثير على الدائرة.

اهلا Ssafwat انا كنت بحاول اعرف الفرق بس عايز اقولك حاجة بصراحة بعد استخدام النيتروجين حست ان العربية احسن كتير جدا فى الثبات ان ساكن فى الرحاب وشغلى فى Citystars فى طريق السويس على 160 حسيت ان العربية احسن مع الفرامل كمان قلل من اهتزاز العربية ويمكن اكون بحلم بس ممكن اعرف انتى عندك الخبرة الكبيرة فى العربيات من درستك ولا من التجارب ولا حب العربيات واية ؟ على فكرة انا شوفت ال 308 ان حاسيت ان الشكل مش فارق اوى لكنها اعرض والامكانيات واحدة تقريبا الفرق فى الموتور والعدادات وكان المعرض عارض Wvايوس مش ممكن العربية تحفة انا اتجننت وعشقى للالمانى رجع فجاءة العربية تحفة السقف مش ممكن بس فى امكانيات فى البيجو مش فيها ذى البلوتوث+عدد الايرباجز+كومبيوتر الرحلات

تجارب وحب في العربيات :)

مفيش حاجة تقول ان النيتروجين يحن الفارمل اصلا عربيتك فيها Abs لكن ممكن يكون ضغط الهواء. بالمناسبة انت قبل النيتروجين ضبط هواء من اول ما استلمت العربية ولا لأ؟

ممكن يكون ده سبب احساساك ان الإهتزاز اقل وده لأن العجل ساعة الشحن بيتنفخ على 35 - 37 ولازم لما تستلم العربية تفضي الضغط لـ 30. لو مكنتش عملت كده وهو ظبطه بالنيتروجين اللإهتزاز والرزع اللي كان ممكن تحسه في المكبات حيروح لكن مش عشان النيتروجين عشان ضغط الكاوتش اتظبط.

فعلاً زي منت بتقول البيجو اعلا اوبتينز في المستوى ده من العربيات