كنت عايزة اراءكم فى النيسان تيدا هاتشباك ..لانى محتارة و مش عارفة اخد قرار انى اشتريها او لا ..و الناس اللى جربتها او اشترتها عايزة اعرف رأيهم فى العربية
عرض للطباعة
كنت عايزة اراءكم فى النيسان تيدا هاتشباك ..لانى محتارة و مش عارفة اخد قرار انى اشتريها او لا ..و الناس اللى جربتها او اشترتها عايزة اعرف رأيهم فى العربية
العربيه ممتازه جدا وواخده سياره العام فا اكثر من بلد وهي عربيه واسعه جدا بس انا شايف ان سعرها غالي شويه وخصوصا الهاتشباك يعني في اختيارت تانيه بس لو مصصمه عليها هي فعلا تستاهل
اغلب الاختيارات اللي في الفئة السعرية دي اختيارات كويسة .. يتبقي .. حضرتك ميالة للعربية و اللا لأ.. اذا كنتي متقبلة شكلها .. و متقبلة انها عربية مميزة .. انتشارها مش زي اللانسر مثلا .. و بالتالي اعادة البيع اقل قليلا .. الا لو نويتي تخليها معاكي شوية ...
مميزاتها و عيوبها مشروحة يالتفصيــــــــــــــــــ ـــــل في قسم نيسان في مشاركة للاخ محمد طه .. و عدة مشاركات متفرقة لبعض الزملاء
.. توكلي علي الله .. العربية رائعة .. و راجعي مالكيها في قسم نيسان
بتنافسها في نفس السعر
سكودا ميني فابيا استبترونيك 125 الف جنيه و حتغلى 12 الف جنيه بعد الدفعة الاولى
و اوبل استرا و هيونداي I30
التيدا هايلة مشاء الله ، و لو حضرتك مستعدة تدفعى 12 زيادة يبقى السوبارو الايبرازا الهاى لاين مافيش كلام ....اوبشنز اكتر بكتييييير (side airbags-cruise contr- muli function steering wheel-tilt/telescopic adj steering wheel - 15" Aluminum Alloy wheels )
دى طبعا مش كل الابشنز اللى فى الايبرازا ،دى الابشنز اللى زيادة عن التيدا بس ، ده غير طبعا انها All wheel drive . بس يمكن الفرق فى كل الابشنز ده يفرق مع الشباب اكتر....
وعموما فى برضو الاسترا اكتر من رائعة ، واظن اوسع من الايبرازا (يمكن قريبة من وسع التيدا) والابشنز فيها (اللى سعرها 137) تقريبا زى التيدا ...مفيهاش كل الحاجات التانية اللى فى الايبرازا....
وان شاء الله مش حتندمى ابدا لو اخترتى اى واحدة من الثلاثة....