طلاء الأظافر في سيفيك 2008 (حاجه تحرق الدم )!!!!!

**Hondawy_2008** · 10-06-2008 11:26 AM

يا جماعه زي ما الواحد بيقول مزايا عربيته لازم برده يكشف و يقول عيوبها وده الهدف من المنتدى عشان الكل يستفيد

السيفيك رغم انها عربيه ممتازه الا ان الطلاء بتاعها أضعف من طلاء الأظافر بتاع البنات أنا مش عارف ازاي هوندا تعمل طلاء بالرداءه دي

والله يا جماعه أنا كنت بركن في هيبر ريحت على عامود و كانت سرعتي صفر يعني يا دوبك لمسته المهم طلعت سنه لادام ونزلت وأنا مش متوقع أشوف حاجه لقيت الطلاء طلع مكان الترييحه البسيطه قوي قوي دي وبان الصاج مكانه وخد علي كده بقى أي لمسه وأي حكه بتطلع الطلاء!!!!!!!!

امبارح واحد سايق موتسيكل من بتوع الدليفري منه لله قاعد يتنطط ورايا زي الفرقع لوز برده خبط فيه خبطه بسيطه من ورا ومش على سرعه لقيت برده الطلاء طلع وخدوش حواليه المشكله ان البوليش مبيعملش حاجه مع الطلاء هو كويس مع الخدوش بس.

أنا حاسس انه الطلاء كله ممكن يطلع بالأظافر لو طويله شويه بجد حاجه تجنن !!!

يا ترى حكايه ضعف الطلاء دي في كل الجديد و خصوصا السيفيك ولا أنا اللي عندي مشكله؟؟ أنا عربيتي 2008 هل السيفيك 2007 فيها نفس الحكايه برده؟؟

المشكله اني خايف يكون ضعف الطلاء ده بيعكس ضعف الصاج كمان ولا ملهمش علاقه ببعض.......

يا ريت الكل يشارك و يقول رأيه لأني بجد مضايق أوي من الموضوع ده وعايز أعرف آرائكم يا شباب

**CosmicOne** · 11-06-2008 09:03 AM

Civic 2007

مشكلة الطلاء عندنا كلنا و هيا مشكلة عامة فى كل السيفيك حتى التى تجمع فى أمريكا
و كنت قرأت عنها فى النت من قبل حتى مشترى السيفيك

الطلاء مالوش علاقة بالصاج خالص و Chassis السيفيك من اقوى او اقوى شاسية فى فئتها بشهادة كل مواقع التقييم

عامتاً كل عربياتنا السيفيك هتحتاج تترش قريب جداً بسبب القرف دة :(

كل لمسة بتشيل البوية خالص مش حتى بتخدشها.

**CryptonX** · 11-06-2008 09:48 AM

مش لوحدكم .. الكورولا الجديدة .. واحد صاحبي معاه واحدة .. فراح مركز صيانة .. لزقوله
ستيكر بتاع المركز

جينا نشيله ..ففضل شوية مطرحه .. الاخ صديقي حاول يشيلو بالظوافر ...

عايز اقولك ان ظوافره معلمة في العربية و مبتطلعش بالبولش حتى :)

**Hondawy_2008** · 11-06-2008 11:21 AM

هي فعلا هتحتاج تترش بعد فترة بس بجد موضوع يضايق قوي

**Noha.M** · 11-06-2008 11:29 AM

امبارح واحد مؤذي معدى جنب عربيتي بقفص من بتوع الفاكهة دة فانا فى العربية و سامعة صوت

القفص خبط فى الباب اليمين.. نزلت طبعا محروق دمى عشان عارفة كمان اللون الاسود بيطلع اقل

خدشة و فعلا جرحلى العربية !!

لا حول ولا قوة الا بالله

**Mohamed-Saoud** · 11-06-2008 04:57 PM

طيب جميل أوي... الصاج الخفيف و قالوا علشان زيادة مستوى الأمان للراكبين
لكن الدوكو الضعيف ده حجته ايه بقة؟؟؟ علشان يرفع مستوى الأمان للصاج؟؟

**tito171** · 12-06-2008 06:10 PM

hondaaa has a very very bad paint

**CosmicOne** · 12-06-2008 11:58 PM

Honda is famous for Sporty performance both in engine & suspension & good quality materials
but are very bad in ISOLATION from road & wind noise & are harsh sometimes on the road.

**Hisham_ElFeky** · 14-06-2008 12:51 AM

دي مش تحرق الدم دي تجيب الضغط

بس دا طبيعي في البلد دي

ان شفت بعيني e class ورا جامع رابعه وواحد شايل صاج عليه حاجة متغطية
وواضح انها تقيلة مووت وراح واضح انه تعب فراح حاطط الصاج علي الشنطة شويه راح جر الصاج
علي الشنطة علشان يرفعه ...بصراحة انا حاسيت بنغزه في قلبي من الصوت وروحت أشوف النتيجة
كنت هعيط وهو كمل طريقة ولفح الصاج ومشي

-

الموضوع: طلاء الأظافر في سيفيك 2008 (حاجه تحرق الدم )!!!!!

LinkBack

أدوات الموضوع

عرض

-

-

-

-

-

المواضيع المتشابهه

هبل علي عبط (حاجه تحرق الدم)

قمة الاهمال ... حاجه تحرق الدم ...!

فقاقيع بتظهر فى البويه (حاجه غريبه تحرق الدم )

حاجه تحرق الدم

الكلمات الدلالية لهذا الموضوع

المفضلات

المفضلات

ضوابط المشاركة