باركولى يا جماعه الحمد لله ربنا كرمنى وجبت ندى

**matrix012** · 17-04-2012 12:03 PM

باركولى يا جماعه الحمد لله ربنا كرمنى وجبت ندى
وديه مش عربيه ديه بنوته الحمد لله ربنا كرمنى بيها
المهم انا دلوقتى عاوز اجيب شماسه كابس للعربيه الى هيا بتتكبس فى زجاج الشنطه والزجاج بتاع البابين الى ورا
انا نزلت شارع دمشق من يومين وانا بعمل شهادة الميلاد وسئلت قالو مفيش للابيزا انا كنت سمعت ان في تفصيل بس مش عارف فين ولا هتكلف كام لو حد عاملها يقولى ربنا يكرمكو
وطبعا عقبال كل الناس الى فى المنتدى بالزريه الصالحه يا رب
وربنا يستر طريقى وطريقكم

**windofchange** · 17-04-2012 12:27 PM

الف مبرروووك يا ماتريكس ربنا يبارك لك فيها وتتربي في عزك,,,,بص انا هقلك اللي اعرفه انا مركب شماسة امامية علي الزجاج الامامي ودي عبارة عن ستارة بتبقي مطوية يمين وشمال ولما اركن العربية بشدها من اليمين والشمال لغاية مراية الصالون او نصف الزجاج وتتقفل بسكوتش زي الكوتشي كده وكانت من سنة في ش دمشق ب45 جنيه(كان منها فضي بيعكس الشمس اللي احنا عارفين شكله ولون تاني او قماش تقريبا ازرق سماوي والاتنين نفس السعر) وتتركب ب5 ج بس خللي باللك وهو بيركبها يمين او شمال خليه علي اقصي يمين القايم واقصي شمال القائم (ده وهي مقفولة) علشان لو بعد عن القائم 5سم مثلا او حتي 1سم الشمس بتعمل خط من الضوء وتخش من العربية وانت قافل الستارة من الجنبين اليمين والشمال (هو بيركبهم وهما مقفولين بيجي فيهم دبل فيس 3m منهم فيهم) وبرضه من فوق وتحت تراعي برضه وتعمل بريفيو كده وتشوف شعاع الشمس بيجيلك اكتر من فوق البربيز ولا من تحت عند التابلوه وسطنها كده بس هي تقريبا هتبقي اعلي لفوق عن تحت عشان تعرف تقفلها ومتحكش فالتابلوه,,, وكمان الزجاج عندنا من تحت مطبوع عليه النقشة السودة فالشمس مش بتدخل منها ,,,فيه منها مقاسين علي حسب البربيز تقريبا انا ركبت الصغير لأن البربيز بتاعنا صغير انت ممكن تركبهم بنفسك لو تعرف لأن مكتوب عليهم ازاي تركبهم...ايهاب

**matrix012** · 17-04-2012 12:39 PM

المشاركة الأصلية كتبت بواسطة windofchange

الف مبرروووك يا ماتريكس ربنا يبارك لك فيها وتتربي في عزك,,,,بص انا هقلك اللي اعرفه انا مركب شماسة امامية علي الزجاج الامامي ودي عبارة عن ستارة بتبقي مطوية يمين وشمال ولما اركن العربية بشدها من اليمين والشمال لغاية مراية الصالون او نصف الزجاج وتتقفل بسكوتش زي الكوتشي كده وكانت من سنة في ش دمشق ب45 جنيه(كان منها فضي بيعكس الشمس اللي احنا عارفين شكله ولون تاني او قماش تقريبا ازرق سماوي والاتنين نفس السعر) وتتركب ب5 ج بس خللي باللك وهو بيركبها يمين او شمال خليه علي اقصي يمين القايم واقصي شمال القائم (ده وهي مقفولة) علشان لو بعد عن القائم 5سم مثلا او حتي 1سم الشمس بتعمل خط من الضوء وتخش من العربية وانت قافل الستارة من الجنبين اليمين والشمال (هو بيركبهم وهما مقفولين بيجي فيهم دبل فيس 3m منهم فيهم) انت ممكن تركبهم بنفسك لو تعرف ...ايهاب

يا باشا ربنا يبارك فيك ويخليك وشكرا قوى على مرورك وردك
بس انا يا باشا كنت بسئل عن الستاره الى بتركب كبس فى زجاج الشنطه ويمين وشمال فى البابين الخلفيين مش عارف بقى اسمها ستاره او شماسه اعزرنى انا منمتش بقالى كام يوم بسبب عياط ندى :d

**ehab_mansour** · 17-04-2012 02:03 PM

الف مبروك يا أفندم و ربنا يباركلك فيها و يجعلها ذرية صالحة لك و يرزقك برها و ينبتها نباتا حسنا اللهم امين

**samirsaid1** · 17-04-2012 02:40 PM

الف مبروك ويرزقك برزقها

**matrix012** · 17-04-2012 03:42 PM

المشاركة الأصلية كتبت بواسطة samirsaid1

الف مبروك ويرزقك برزقها

المشاركة الأصلية كتبت بواسطة ehab_mansour

الف مبروك يا أفندم و ربنا يباركلك فيها و يجعلها ذرية صالحة لك و يرزقك برها و ينبتها نباتا حسنا اللهم امين

المشاركة الأصلية كتبت بواسطة agaty1st

ألف مبروك يا باشا

الله يبارك فيكو وشكرا على المرور والردود الجميله ديه

**dolly13** · 17-04-2012 04:36 PM

الف الف مبروك ويارب يخليهالك وتفرح بيها وهى عروسة

**zika99_eg** · 17-04-2012 05:44 PM

بارك الله لك في الموهوب لك.

**SYD** · 17-04-2012 07:50 PM

الف مبروك يا ابو ندي
وعقبال ماتشوفها عروسة ويفرحك بيها يارب

علي فكرة انا كنت كتبتلك رد الصبح
بس والله الكمبيوتر هنج وانا في الشغل
واول لما روحت اهو كتبتلك اباركلك

والله المستعان
،
،