بالله عليكم مساعدة بخصوص دكتور كبد

**ossamayk** · 17-04-2012 12:15 PM

السلام عليكم ورحمة الله وبركاته
الموضوع إن والدي اكتشف من شهرين تقريباً إصابته بفيرس سي بعد ما طلعت نتيجة التحليل إيجابية وبعدها عمل بي سي آر وطلعت النسبة حوالي 2 مليون وعمل سونار على الكبد والحمد لله مفيش تليف بالكبد وأخيراً عمل فيبرو سكان ودي آشعة بديل للعينة اللي بتاخد من الكبد والحمد لله الدكتور طمنا، الدكتور المعالج اسمه شريف مجاور في المعادي
الإشكال في قصة العلاج بالانترفيرون لأن الوالد من النوع إللي بتوهم من أي حاجة وخايف جداً من حكاية العينة إللي بتاخد ومع كمان الأعراض الجانبية للحقن قد تسوء حالته النفسية بالإضافة إلى أنه عامل قبل كدا قسطرة في القلب وعنده ضغط وسكر
الدكتور قال من الأفضل أخذ الحقن وهيكون التجربة بأربع حقن على أربع أسابيع وبعدين هنشوف نسبة الاستجابة ودكتور ناني قال لا أميل
المهم الواحد في حيرة نبدأ في إجراءات اخذ الانترفيرونبغض النظر عن موضوع حالته النفسية ولا نتابع مع دكتور والعلاج وخلاص
ويا ريت لو حد يعرف دكتور كويس ممكن نتابع معاه ويكون مجرب وإيه رأيكم في دكتور عبد الحميد أباظة.
برجاء الإفادة وجزاكم الله خيراً

**ossamayk** · 17-04-2012 01:33 PM

أرجو الإفادة وشكراً

**MASERATI** · 18-04-2012 05:26 AM

السلام عليكم و رحمة الله و بركاته

أنا لما كان جالى فيروس بى من حوالى 7 سنين, كنت رحت لدكتور اسمه الدكتور/ على جاب الله, ده أستاذ كبد فى القصر العينى و كنت رحتله العيادة بتاعته اللى مستشفى المقاولين العرب و كان راجل فى منتهى الذوق و الأخلاق, لدرجة, أنه لما عرف أنى مش من القاهرة, قاللى, خلاص, ابقى اعمل التحاليل و بلغنى بيها بالتيلفون بدل ماتيجى مخصوص.

أنا مش عارف العيادة بتاعته فين, أعتقد فى الدقى, أنا مش متأكد بالظبط.

ممكن تجيب المعلومات من الدليل.

و بالشفاء العاجل ان شاء الله.

**ossamayk** · 18-04-2012 04:10 PM

جزاك الله خيرا

**ibn_seena** · 18-04-2012 06:14 PM

يعني المشكله دلوقتي في ان الوالد خايف من عينة الكبد.
هي سهلة جدا وما بتاخدش عشرين ثانيه
.وبعدين ال pcr مطلع النسبه عاليه والحمد لله انت بتقول ان الكبد سليم وما فيهوش تليف طيب مستني ايه؟ لما الفيروس يأثر على الكبد
علاج الانترفيرون هتعمله على حسابك ولا حساب الدوله؟
لو على حسابك يبقى مش محتاج عينة كبد
لكن لو على حساب الدوله فالعينة شرط اساسي. لانه لازم يتأكد ان الكبد لم يتليف كليا.وفيه خلايا سليمه تستجيب للعلاج وما اعرفش ممكن يستغنوا عن العينه بموضوع ال fibroscan ده ولا لا
والف سلامه على الوالد

**ibn_seena** · 18-04-2012 06:20 PM

ولازم انت تطمنه وتقوله يا بابا دي حاجه عارضه ومجرد ما العلاج ينتهي هترع احسن من الاول ان شاء الله وتقوله فلان الفلاني اخد الكورس العلاجي وبقى زي الجن وتطمن فيه وتشجعه. حفاظا على صحته. لو والدك كبده لسه حالته كويسه ويستجيب لعلاج الانترفيرون يبقى لازم ياخدهطيب مين اللي هيحدد حالة الكبد ؟؟ العينة
وصلت؟

**ossamayk** · 18-04-2012 10:33 PM

المشاركة الأصلية كتبت بواسطة ibn_seena

يعني المشكله دلوقتي في ان الوالد خايف من عينة الكبد.
هي سهلة جدا وما بتاخدش عشرين ثانيه
.وبعدين ال pcr مطلع النسبه عاليه والحمد لله انت بتقول ان الكبد سليم وما فيهوش تليف طيب مستني ايه؟ لما الفيروس يأثر على الكبد
علاج الانترفيرون هتعمله على حسابك ولا حساب الدوله؟
لو على حسابك يبقى مش محتاج عينة كبد
لكن لو على حساب الدوله فالعينة شرط اساسي. لانه لازم يتأكد ان الكبد لم يتليف كليا.وفيه خلايا سليمه تستجيب للعلاج وما اعرفش ممكن يستغنوا عن العينه بموضوع ال fibroscan ده ولا لا
والف سلامه على الوالد

أولاً شكرا على رد حضرتك
إن شاء الله على حساب الدولة
وسألت قالولي مبيعتدوش بالفيبرو سكان
الله يسلمك حضرتك من كل مكروه

**ossamayk** · 18-04-2012 10:35 PM

المشاركة الأصلية كتبت بواسطة ibn_seena

يعني المشكله دلوقتي في ان الوالد خايف من عينة الكبد.
هي سهلة جدا وما بتاخدش عشرين ثانيه
.وبعدين ال pcr مطلع النسبه عاليه والحمد لله انت بتقول ان الكبد سليم وما فيهوش تليف طيب مستني ايه؟ لما الفيروس يأثر على الكبد
علاج الانترفيرون هتعمله على حسابك ولا حساب الدوله؟
لو على حسابك يبقى مش محتاج عينة كبد
لكن لو على حساب الدوله فالعينة شرط اساسي. لانه لازم يتأكد ان الكبد لم يتليف كليا.وفيه خلايا سليمه تستجيب للعلاج وما اعرفش ممكن يستغنوا عن العينه بموضوع ال fibroscan ده ولا لا
والف سلامه على الوالد

المشاركة الأصلية كتبت بواسطة ibn_seena

ولازم انت تطمنه وتقوله يا بابا دي حاجه عارضه ومجرد ما العلاج ينتهي هترع احسن من الاول ان شاء الله وتقوله فلان الفلاني اخد الكورس العلاجي وبقى زي الجن وتطمن فيه وتشجعه. حفاظا على صحته. لو والدك كبده لسه حالته كويسه ويستجيب لعلاج الانترفيرون يبقى لازم ياخدهطيب مين اللي هيحدد حالة الكبد ؟؟ العينة
وصلت؟

وصلت والله وربنا يهديه ويتقبل الأمر بصدر رحب