ياكبير انا ركبت 127 بانواعها....افضلهم التوب ال1050.
عرض للطباعة
ياكبير انا ركبت 127 بانواعها....افضلهم التوب ال1050.
اخيرا رديتوا ... شكرا ليكو يا رجاله
5 على حسب فيها إيه وناوي على إيه
يعني اشتريها ب 10 و اشدها ب 5 تقف عليا ب 15 و الله لوز
ان شاء الله ربنا يكرمني بفلوس قريب و انزل اخلص قولوا امين
ناوي على إيه يعني تشدها هتسقط موتور أونو ولا عاوزها عاديه ولا إيه؟
ياعم اعمل زى...وحط على ال15 دول 2 ولا33...وهات لادا سمارا احسنلك 1000 مرة...واسال مجرب...
لو عاوز حاجه شبابى يبقى خليك فى التوب الالمانى او الايطالى وفيه توب ايطالى 4 باب كمان لو دورت حتلاقى منها
ولو عاوز حاجه عائليه وللمشاوير وكده وشكل التابلوه والصالون احدث شويه يبقى هات الفيورا او السوبر فيورا
بس على كلامك انت عاوز تشدها يبقى هات ايطالى او المانى اللى تلاقيها نضيفه وحط تحت نضيفه دى 10 خطوط
دى عربيه بقالها تقريبا 30 سنه يعنى اكيد اكيد فيها بارومه المهم بقى البارومه دى صاحبها لحقها وعملها ولا سابها لحد ما اكلت العربيه
اهم حاجه تجيب واحده صاجها والشاسيه نضيف والباقى سهل ممكن يتعمل ويتلم
وخلى بالك اللى يقولك 3 الاف و 5 الاف تشد بيهم العربيه يبقى مشدش عربيه ولا شاف حاجه او شدها بس عند جزمجى لامؤخذه هههههههههههههه
ال3 الاف دول يا دوبك ممكن تعمل بيهم سمكره ودوكو وكسوه صالون فين بقى باقى فرش الصالون والكهربا والكاوتش والعفشه والموتور
عشان كده بقولك دور على الحاله النضيفه اللى لما تصرف فيها تصرف على الشكليات بس والاساسيات تبقى واخدها سليمه
يعنى تعمل كراسى ريكارو تعدل فى الفوانيس والعدادات تركب جنوط واسبويلر او فيبر لو حابب تركب عده صوت
الكلام ده يعنى
وربنا يوفقك ويكرمك بعربيه نضيفه دور فى كونتاكت ومصر كارز وفيه بيزات كمان بس احسنهم كونتاكت
لا و النبي ؟ دلوقتي بقت ال 127 وحشه ؟ يا ناكر جميل الفيات ههههههه
انا متفرقش معايا توب و لا فيورا المهم الحاله عشان متقرفش في الحرفيين ... ادعيلي بس اعرف اكمل علي اللي معايا و اخلص لاني قرفت من المواصلات ... الله يرحمك يا فيرنا