عاوذ حل للناموس

**mohammedabdallh** · 17-04-2012 01:44 PM

الموضوع باين من العنوان
انا زهقت شراء بيروسول وكيتو وراجون وكل الانواع الموجوده فى السوق ومش لاقى حل الى مجرب حل يقول

**Screenplays** · 17-04-2012 02:25 PM

يااااااااااااااااااااه انا خلاص جالي تلوث من كتر الدبان اللي بيقع في الاكل و من كتر قرص الناموس ههههههههههههههههههه

**zrzr1** · 17-04-2012 02:45 PM

بيقولوا والله أعلم النعناع الاخضر بيطرد الحشرات دي, حد عنده معلومه اكيده؟؟

**mohammedabdallh** · 17-04-2012 02:57 PM

المشاركة الأصلية كتبت بواسطة zrzr1

بيقولوا والله أعلم النعناع الاخضر بيطرد الحشرات دي, حد عنده معلومه اكيده؟؟

النعناع عندى وبيتلم عليه حشرات تانيه
وسعات الناموس

**hossam_chixo** · 17-04-2012 06:18 PM

فى زى كريم كدة بتدهن بية أيدك قبل ماتنام دة مش بيخلى ناموسة تقربلك بس دة حل مؤقت :)
هتلاقية فى الصيدليات

**amr.elsayed** · 17-04-2012 06:25 PM

فى حاجة كدة اسمها صاعق بيبقى نور ابيض قوى فالنموسة تروح للنور تقوم متكهربة وميتة .. حاحجة تعذيب يعنى
بس مش عارف بيتباع فين الحقيقة ممكن عند محلات الاجهزة الكهربائية

**MIGOS** · 17-04-2012 06:28 PM

سائل ريد عن تجربه معايا أنا وأولادي ومالوش رائحه نهائيا

**me_medoo** · 17-04-2012 06:29 PM

ياه يا محمد عمرك اطول من عمري كنت لسه عاوز انزل موضوع اسئل في ه حد لقى حل لمشكلة الناموس .
وبالمره كمان حل لمشكلة الدبان ... يا اخي الواحد يطلع من البيت يلاقي عشرين ألف دبانه طايرين ومحلقين في الهوى أمامك .

كان زمان في عربيات رش بتعدي وترش ... وبقالي عشر سنين ويمكن أكتر مشفتش عربية وحده عدت ولو بالصدفة كده .

وكل مره بدحك على نفسي وأقول يمكن الحكومة بتوفر من الموازنه العامة وبتحوش الدبان شوية علشان يكترو يكترو وبعدين مره وحده تقوم رشاهم ، ملاقيش عربية عدت ، أقول يمكن الحكومة عارفه أن دلوقتي لسه الدبان والناموس في مرحلة البويضة ومستنين بيض الدبان يفقس ويطلع وبعدين يرشوهم وأستنى برضو مفيش عربية عدت ، أقول يمكن مستنين لمن الصيف يجي والناس تسافر المصيف علشان يرشو براحتهم وبرضو مفيش عربية عدت لغاية دلوقتي وانا قاعد مستني ومش بيض الدبان هو الي فقس ده انا الي قربت أفــــــــــــــقــــــــ ـــــس .