إستلمت إلنترا 2012 و منكدة عليا ...

**AshTurbo** · 17-04-2012 10:09 PM

ماتزعلش نفسك دي حاجات بسيطة جداً متعكننش عليك أنت شاري عربية محترمة تستحق كل قرش أدفع فيها وهتستمع بيها وقبل ما نتكلم في المشاكل لازم أقول أن عربيات توكيل مصرية معروفة لازم تلاقي فيها مشاكل وغالباً بيبقى بسبب سوق التخزين وغالباً بتبقى مشاكل في الكهرباء .

1- بالنسبة للسخونية متقلقش بعد فترة التليين هتختفي بأذن الله .
2- بالنسبة للتزييق في السيور بتحصل معايا لما ببقى مشغل المكيف وأدور العربية غير كدة نادراً لما بتحصل أيه السبب الحقيقي غير المكيف معرفش .
3- المشكلة الثالثة دي محصلتش ومسمعتش عنها بصراحة لازم تشيك عليها في التوكيل .

مبروك عليك الألنترا ربنا يديك خيرها ويكفيك شرها .

**freeman207** · 17-04-2012 10:23 PM

فعلا فى النقطة الاولانية السخونية هتروح لما تغير وضع الهوايات بالنسبة لبقيت النقط متسكتش واتطلع على التوكيل وعايز اقولك اسوء مكان تشترى منه هو المصرية مشموم اوى والناس اللى هناك مش عارفة حاجة فى اى حاجة وبيجيبوا العربيات المعرض سايقينها وقارصين عليها كمان

**magedfawzy33** · 18-04-2012 12:21 AM

ليه قلت حكايه مكان كويس -- ما هى كلها زيرو- ولا ايه ؟

**MrRami** · 18-04-2012 12:34 AM

هو أنا حاسس إن غلطت علشان أنا أستلمت العربية و كانت عاملة 77 كيلوا ... البياع قالى معلش أصل إحنا جبنها من المعادى .. و انا واخدها من فرع داندى مول ... بس الفكرة أنهم كانوا عندهم الخصم ال 3 ألاف و العرض شغال لحد إنهاردة مع أنة خلص من الوكيل

**Screenplays** · 19-04-2012 01:06 AM

1000 مبروك و كلها حاجات بسيطه تتظبط في صيانه ال 1000 ان شاء الله

**CryptonX** · 19-04-2012 02:49 PM

نقطة واحد و اتنين ده في كل الالنترا كدة و مش عيب على ماعتقد .. اقفل بس الهوايات (علامة العربية الي عليها سهم) من تحت التكييف.

نقطة اتنين دي شائعة في هيونداي عامة و الانترا خاصة ..

نقطة 3 مش فاهمها بصراحة

**tagy** · 22-04-2012 04:27 PM

قالولك ايه فى التوكيل عن السخونه ياباشا

**MrRami** · 22-04-2012 06:46 PM

قالى كان فس مشكلة في الهويات و إحنا عملنها ... بس واضح انة بيقول اى كلام لان المشكلة لسة موجودة لان الهواء السخن بيجى من تجويف الدركسيون نفسة و ملهوش علاقة بالهويات

**BUNSH** · 22-04-2012 08:11 PM

المشاركة الأصلية كتبت بواسطة MrRami

هو أنا حاسس إن غلطت علشان أنا أستلمت العربية و كانت عاملة 77 كيلوا ... البياع قالى معلش أصل إحنا جبنها من المعادى .. و انا واخدها من فرع داندى مول ... بس الفكرة أنهم كانوا عندهم الخصم ال 3 ألاف و العرض شغال لحد إنهاردة مع أنة خلص من الوكيل

احنا برضوا لما استلمنها كانت عاملها 70 كيلوااا بالتمام وكمال

المشاركة الأصلية كتبت بواسطة MrRami

الحمد لله بعد زيارة توكيل العبور لعمل صيانة الأف .. أختفت جميع الأصوات العجيبة بعد شد السيور ... و لكن لسة مشكلة الحرارة زى مهية ... هستنى لما أعدى ال 2000 كيلوا يمكن تروح لوحدها زى مأخونا في المنتدى قالوا ... يا رب تتحل لوحدها

حمدلله وربنا يباركلك فيها ..