إستلمت إلنترا 2012 و منكدة عليا ...

1- حرارة يتجى من تحت الدركسيون لو مشيت في زحمة لمدة 5 دقائق بس .. مع ان مأشر الحرارة على التبلوة عادى و تحت النص.

2- لما أجى أشغل العربية الصبح بسمع صوت تزيق في السيور جامد جدا ... بس لما العربية بتسخن و اقفل و دور تانى الصوت دة بختفى.

3- في صوت زى اللسعة بتاعت "الصاعق الكهربى" اللناس مشى بية في كل جتة دلوقتى لما بجى أدوس بنزين من سرعة 10 لحد 30 مثلا ...


انا رايح التوكيل بكرة إن شاء الله ... ياريت لو حد عندة تفسير للحجات دية يقولى ... مش عايزهم يشتغلونى بكرة و يقولولى دية حجات عادية و هتروح مع الوقت

اقتباس:

---

المشاركة الأصلية كتبت بواسطة mrrami

1- حرارة يتجى من تحت الدركسيون لو مشيت في زحمة لمدة 5 دقائق بس .. مع ان مأشر الحرارة على التبلوة عادى و تحت النص.

2- لما أجى أشغل العربية الصبح بسمع صوت تزيق في السيور جامد جدا ... بس لما العربية بتسخن و اقفل و دور تانى الصوت دة بختفى.

3- في صوت زى اللسعة بتاعت "الصاعق الكهربى" اللناس مشى بية في كل جتة دلوقتى لما بجى أدوس بنزين من سرعة 10 لحد 30 مثلا ...


انا رايح التوكيل بكرة إن شاء الله ... ياريت لو حد عندة تفسير للحجات دية يقولى ... مش عايزهم يشتغلونى بكرة و يقولولى دية حجات عادية و هتروح مع الوقت

---

السلام عليكم ورحمة الله وبركاتة

اااالف مبرووك وربنا يباركلك فيها ويحفظهلك من عين .
بالنسبة لحرارة اتأكد انك قاااافل هوااية .. وبالنسبة لصووت لسعة (زنة) لما تيجى تزود بنزين فى دية كانت عندى واتضح ان كان فية كلبس مفكوك من وراء عدادات ..
وانتظر رأى الاعضاء الافاضل .

النقطه رقم 1 ناس كتير اشتكت منها هنا في المنتدى واصحاب الالنترا 2012 يفيدوك فيها اكتر.

النقطه رقم 2 , لو زي صوت تكتكه فده طبيعي في اغلب عربيات الهيونداي في مصر خاصة في فصل الشتا. بس يفضل طبعا تقولهم عليها في التوكيل وهما هيظبطولك الحاجه ومش اي حاجه يقلولك عليها عادي توافقهم لأن اوقات بيكبروا دماغهم.

النقطه رقم 3 , اول مره اسمع عن الصوت ده بس برضه يفضل تقولهم عليها في التوكيل.

والف مبروك على العربيه وربنا يباركلك فيها ويكفيك شرها وشر العين.

هتلاقي زرار يخلي التكيف سركل جوه العربيه شغله مش هتلاقي حراره خالص ....والتزيك عاد ي.....والكلبس المفكوك ياخوفي العربيه تكون مشايه كتير وهما فكو العداد وبعد مابعوها ركبوه تاني انت شاريها منين ؟؟؟؟؟؟؟

أنا شريها من المصرية ... و فعلأ انا عامل التكييف ميجبش هوا من برا و مخلية سركل ... إنما الصوت بتاع اللسعة دة لما أجى أزود بنزين بسمعة من تحت العربية كائن في شرز كهربا كدة و لو قفلت الشباببك مش بسمعة فأعتقد كدة ملهوش علاقة بالعداد ... صح و لا إية ؟؟؟

و صوت السيور تحس انها سيور بلاستيك مش كوتش

انا هرد عليك فى النقطه الاولى بس
انا اشتريت النترا 2012 من حوالى اسبوعين وكنت بعانى من الحراره دى رغم انى ببقى عامل زرار التكييف الدوره المغلقه بس هى هتلاقيها بتخف تدريجيا ودا بالفعل حصل معايا بس هى خفت لكن لسا مانتهتش وقلولى هنا فى المنتدى انها بعد 2000 كيلوا هتروح خالص

ربنا يحلها ومضيقش نفسك

ليك جق تتنرفز و تتنكد
انت مش شاري عربية كارو عشان تلاقي ملاحظات فيها
امال فين قسم الجودة في المصنع و قسم الاختبارات ..... مع ان هيونداي من المصانع اللي مفروض انها شغالة بنظام عالي في الميكنة و التحكم الالي !!!!

انتو كده قلقتونى وخوفتونى يا جماعه -- انا كنت رايح احجزها -- افيدونى اعمل ايه ؟؟؟ انا مش كل يوم هشترى عربيه بالسعر ده

بصراحة انا اشتريتها من شهرين وعاملة معايا 3000 كيلو والله العربية ولا كلمة واللى مزعلنى منها انى اول اسبوع ماكنتش متعود عليها وعلى ابعادها فكنت بجرحها لما بركن او امشى فى اماكن زحمة .غير كدة انصحك تدور على مكان كويس اشتريها منو

ماتزعلش نفسك دي حاجات بسيطة جداً متعكننش عليك أنت شاري عربية محترمة تستحق كل قرش أدفع فيها وهتستمع بيها وقبل ما نتكلم في المشاكل لازم أقول أن عربيات توكيل مصرية معروفة لازم تلاقي فيها مشاكل وغالباً بيبقى بسبب سوق التخزين وغالباً بتبقى مشاكل في الكهرباء .

1- بالنسبة للسخونية متقلقش بعد فترة التليين هتختفي بأذن الله .
2- بالنسبة للتزييق في السيور بتحصل معايا لما ببقى مشغل المكيف وأدور العربية غير كدة نادراً لما بتحصل أيه السبب الحقيقي غير المكيف معرفش .
3- المشكلة الثالثة دي محصلتش ومسمعتش عنها بصراحة لازم تشيك عليها في التوكيل .

مبروك عليك الألنترا ربنا يديك خيرها ويكفيك شرها .

فعلا فى النقطة الاولانية السخونية هتروح لما تغير وضع الهوايات بالنسبة لبقيت النقط متسكتش واتطلع على التوكيل وعايز اقولك اسوء مكان تشترى منه هو المصرية مشموم اوى والناس اللى هناك مش عارفة حاجة فى اى حاجة وبيجيبوا العربيات المعرض سايقينها وقارصين عليها كمان

ليه قلت حكايه مكان كويس -- ما هى كلها زيرو- ولا ايه ؟

هو أنا حاسس إن غلطت علشان أنا أستلمت العربية و كانت عاملة 77 كيلوا ... البياع قالى معلش أصل إحنا جبنها من المعادى .. و انا واخدها من فرع داندى مول ... بس الفكرة أنهم كانوا عندهم الخصم ال 3 ألاف و العرض شغال لحد إنهاردة مع أنة خلص من الوكيل

1000 مبروك و كلها حاجات بسيطه تتظبط في صيانه ال 1000 ان شاء الله

نقطة واحد و اتنين ده في كل الالنترا كدة و مش عيب على ماعتقد .. اقفل بس الهوايات (علامة العربية الي عليها سهم) من تحت التكييف.

نقطة اتنين دي شائعة في هيونداي عامة و الانترا خاصة ..

نقطة 3 مش فاهمها بصراحة

الحمد لله بعد زيارة توكيل العبور لعمل صيانة الأف .. أختفت جميع الأصوات العجيبة بعد شد السيور ... و لكن لسة مشكلة الحرارة زى مهية ... هستنى لما أعدى ال 2000 كيلوا يمكن تروح لوحدها زى مأخونا في المنتدى قالوا ... يا رب تتحل لوحدها

قالولك ايه فى التوكيل عن السخونه ياباشا

قالى كان فس مشكلة في الهويات و إحنا عملنها ... بس واضح انة بيقول اى كلام لان المشكلة لسة موجودة لان الهواء السخن بيجى من تجويف الدركسيون نفسة و ملهوش علاقة بالهويات

اقتباس:

---

المشاركة الأصلية كتبت بواسطة MrRami

هو أنا حاسس إن غلطت علشان أنا أستلمت العربية و كانت عاملة 77 كيلوا ... البياع قالى معلش أصل إحنا جبنها من المعادى .. و انا واخدها من فرع داندى مول ... بس الفكرة أنهم كانوا عندهم الخصم ال 3 ألاف و العرض شغال لحد إنهاردة مع أنة خلص من الوكيل

---

احنا برضوا لما استلمنها كانت عاملها 70 كيلوااا بالتمام وكمال :shyy:

اقتباس:

---

المشاركة الأصلية كتبت بواسطة MrRami

الحمد لله بعد زيارة توكيل العبور لعمل صيانة الأف .. أختفت جميع الأصوات العجيبة بعد شد السيور ... و لكن لسة مشكلة الحرارة زى مهية ... هستنى لما أعدى ال 2000 كيلوا يمكن تروح لوحدها زى مأخونا في المنتدى قالوا ... يا رب تتحل لوحدها

---

حمدلله وربنا يباركلك فيها ..

يباشا 77 كيلو مش معضله!!!!