السلام عليكم ورحمة الله
ازاى اروح شارع جلال الدين الدسوقى فى الماظة من التحرير؟؟
شكرا جزيلا
عرض للطباعة
السلام عليكم ورحمة الله
ازاى اروح شارع جلال الدين الدسوقى فى الماظة من التحرير؟؟
شكرا جزيلا
السلام عليكم ورحمة الله وبركاته
انا معرفش الشارع بالتحديد لكن ممكن اقرب حضرتك لألماظه بالتحديد
طبعاً طالما حضرتك هتركب كوبرى اكتوبر من التحرير يبقا
حضرتك هتنزل نزله صلاح سالم يمين من كوبرى اكتوبر اتجاه المطار
والنزله دى قبل نزله مدنيه نصر بس خلى حضرتك فى اليمين وعلى مهلك فى نزولها لان لفتها صعبه شويه
وخلى حضرتك ماشي فى الطريق لحد متلاقى محطه بنزين التعاون كمل هيكون بعدها شارعين يمين : ـ
اولهم شارع يوسف عباس على ناصيته جامع المصطفى
والثانى شارع الطيران بعد متعدى حضرتك شارع الطيران خليك فى الشمال وانزل نفق العروبه وبعد ماتخرج من النفق خلى حضرتك مع الطريق يمين متطلعش كوبرى الجلاء والطريق بيلف مع حضرتك هتلاقى مترو على شمال حضرتك الطريق ده اسمه اتجاه السبع عمارات حضرتك هتلف مع اول يوترن شمال وتاخد يمينك مع الطريق وتلف معاه تمشى على طول لحد حضرتك متوصل موقف السوبر جيت او مايسمى بموقف الماظه حوالى 100 او 200 متر بعد ماتلف هتكون مستشفى مصر للطيران على شمالك
ممكن حضرتك تسأل فى المكان ده على اسم الشارع اللى حضرتك عايزه
كل الود لحضرتك
انا هوصفلك تروح ازاي الماظة من التحرير
هتاخد كوبري اكتوبر تنزل نزلة العروبة وتكمل في صلاح سالم تكمل تكمل تكمل لحد ماتلاقي نفق هو ده نفق العروبة
هتنزل وتطلع تمشي شوية هتلاقي كوبري وده كوبري الجلاء
هتمشي من تحتيه وتدخل يمين مع الطريق واول يو تيرن هتلف وتدخل يمين اول دخلة
هتمشي شوية هتبقى انت كدة في الماظة ومن هناك اسأل على الشارع
متكملش لألماظه ... بعد ما تخلص صلاح سالم و تلف يمين من جنب الكوبرى متاخدش اول يوترن ... كمل طوالى و عدى ميدان السبع عمارات (هتلاقى القاهره للمبيعات على شمالك) و تاخد يوترن (تانى يوترن من ساعة ما دخلت الشارع بعد صلاح سالم) و ترجع عند القاهره للمبيعات هتلاقى 3 شوارع واحد يمين اوى على ناصيته القاهره للمبيعات و التانى يمين حاجه بسيطه و فى جامع و التالت حاجه بسيطه شمال (كأنك راجع جنب شريط المترو) ... هتاخد اللى فى النص و الجامع هيكون على يمينك ... شارع جلال الدين الدسوقى هو اول يمين بعد الجامع ...
ممكن برضه من اول يوترن زى الوصفه الاصليه و تخش مع السور يمين كأنك رايح الماظه بس تخش فى اول يمين تانى مع السور و تمشى شويه هتلاقى قى قتحه شمال هو الشارع و هتلاقى قبل الفتحه على طول على شمالك مطعم لاكازيتا