الي خبراء فيات حد يدلني علي كهربائي بونتو شاطر

انا معايا فيات بونتو ٢٠٠٣ ماشية ١١٠ الف وماشاء الله عربية زي الفل معايا بس قابلتني مشكلة غريبة اني لما اروح بيها مشوار بعيد شوية مثلا٤٠ كيلو تيجي تبطل مني وانا سايق علي الطريق اقوم أسيبها تبرد شوية حوالي ربع ساعه علي الطريق واجي أدورها. تدور عادي وتمشي بردم مشوار قدهم تاني وتبطل أرجوكم عايز حل للمشكلة ديه لاني عطلان مش عارف اروح الشغل علما بان العربية مبتسخنش لدرجة الردياتير هينفجر لا العادي بتاعها خالص والبنزين ٩٢ من موبيل والزيت بتاع موتورها موبيل العشرة الف ياريت لو حد يعرف مشكلة كهربا ولا ميكانيكا في العربية وياريت حد يدلني علي مركز صيانة محترفيين في البونتو انشالله في الحرفيين وشكرا لكم

خمس مشاهدات ومحدش دلني علي مشكلتي ايه نخدش معاه بونتو في المنتدي؟

بص يا باشا فى كهربائى شاطر فى كل العربيات مش بس البونتو فى الحى السابع - مدينة نصر
اسمه عم رضا و معروف جدا فى مدينة نصر كلها ممكن تروحله يبصلك على كهرباء العربية
و فى توكيل فيات سابقا فى المطار القديم اسمه روكسان عنده واد كهربائى عفريت اسمه عيسوى :)
و فى ميكانيكى كويس اسمع عنه بس متعاملتش معاه متخصص فى البونتو جنب الكيلانى على طول فى شامبيليون
سؤال بس هى العربية لما بتيجى تدورها بعد ما بتبطل بتلاقيها قاطعة كهرباء ولا بنزين ولا ايه بالظبط

بتبقي قاطعة كهرباء لان الميكانيكي عندي جنب البيت فك طرف من اطراف البوجيهات ولمس في جسم الموتور ولكن دون جدوى وياريت يا اخي زكر أرقام تلفونات اي حد من اللي انتا فولتلي عليهم

طيب ان شاء الله هيبقى موضوع بسيط .. ممكن تبقى سلوك البوجيهات بتهرب كهرباء
اعتقد طقم السلوك كان ب 90 جنيه بس مش متأكد
بص رقم عيسوى 01004772319
و رقم صاحب التوكيل(روكسان) مهندس عادل 01227842442
عم رضا مش معايا رقمه بس من احسن الناس اللى ممكن تتعامل معاهم فى كهرباء العربية .. هى الوقفة عنده مملة شوية و بتأخد وقت بس تستاهل
و زى ما قولتلك انا متعاملتش مع الميكانيكى اللى جنب الكيلانى بس اسمع عنه انه كويس و يمكن حد من هنا يفيدنا بمعلومات عنه

اشكرك يا حبيبي علي مساعدتك ليا انتا انسان محترم ربنا يخليك يارب

مش عارف ليه حاسس ان الموضوع مالهوش علاقه بالكهربا خالص
انا كان حصل معايا في البونتو 2003 من سنتين كده بس كانت العربيه بتسخن اوي
وطلعت في الاخر طبه اتخرمت


سؤال يا باشا
هي المياه بتنقص؟

بص يا باشا انا الموضوع دة كان حصل معايا في السيينا 1600 وطلعت المشكلة حاجة اسمها حساس الكرنك ولما غيرته المشكلة اتحلت تماما ...ممكن لو عندك حساس كرنك يبقى اكيد هو سبب المشكلة وللافادة ادي رابط الموضوع
http://www.nilemotors.net/Nile/278055-1600.html

للأسف يارجالة طلع الكنترول في الباي باي بيودع واتصرعت لما سالت عليه في الحرفيين تمنه١٨٠٠ جنيه طقم كامل بالدوارة حسبي الله ونعم الوكيل في المصنعين فيه شركة في الدنيا يحطو كنترول العربية بجانب البوابة يعني طول ما العربية بتخدم الكنترول يفضل شامم السخونية سبحااااااااان الله مش عارف أتكلم تاني لاني صرفت وخرمت جيوبي بسبب اني اعرف عيب التبطيل ديه منين والأخ اللي بيقول حساس الكرنك احتمال يكون العيب منه طلع مش منه لاني جبت حساس استيراد وركبته ونفس المشكله برده اااااااااااااااااه بجد كرهت البونتو مع انها عربية جميلة بس اتخنقت لما عرفت ان كنترولها متعرض لحرارة الموتور والشوارع.

بجد دة حرام وخراب بيوت يعني لو واحد ممعوش المبلغ دة يعد جمب العربية دي بجد شركات زباله

فعلا شركات زبالة ياريت تتابع موضوع هعمله بخصوص البونتو اللي معايا وتجربتي المريرة فيها

علي فكرة يا بشمهندس واضح ان الفيات كله كدة وكله مشاكل وواضح ان السعر الرخيص دة جرجرة لرجلين الناس علي العربية وبيطلع علينا كل دة في قطع الغيار ولو جمعت الي صرفتة هتلاقي نفسك بتصرف وكأنك راكب عربية كوري او يباني بل بلعكس يمكن دول هيصرفو مرة وبعد كدة هترتاح انما الفيات فيات مهما تعمل مع الاسف انا كرهت الفيات كله بسبب حوراتة وعدم رفاهيتة

خش الصفحة الرئيسية انا عملت موضوع ياريت تقراه وشوف العذاب اللي اتعذبته